ഇത്തിഹാദ്​ റെയിൽ; ഏറ്റവും ഉയർന്ന പാലം പൂർത്തീകരണത്തിലേക്ക്

ദു​ബൈ: യു.​എ.​ഇ ദേ​ശീ​യ റെ​യി​ൽ പ​ദ്ധ​തി​യു​ടെ ഭാ​ഗ​മാ​യ ഫു​ജൈ​റ​യി​ലെ അ​ൽ ബി​ത്​​ന പാ​ലം നി​ർ​മാ​ണം പു​രോ​ഗ​മി​ക്കു​ന്നു. ഫു​ജൈ​റ​യെ ദേ​ശീ​യ റെ​യി​ൽ ശൃം​ഖ​ല​യു​മാ​യി ബ​ന്ധി​പ്പി​ക്കു​ന്ന പാ​ലം രാ​ജ്യ​ത്തെ ഏ​റ്റ​വും ഉ​യ​രം​കൂ​ടി​യ പാ​ല​മാ​ണ്.

നി​ർ​മാ​ണ പു​രോ​ഗ​തി വെ​ളി​പ്പെ​ടു​ത്തു​ന്ന പാ​ല​ത്തി​ന്‍റെ ചി​ത്രം ക​ഴി​ഞ്ഞ​ദി​വ​സം ഇ​ത്തി​ഹാ​ദ്​ റെ​യി​ൽ അ​ധി​കൃ​ത​ർ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പു​റ​ത്തു​വി​ടു​ക​യാ​യി​രു​ന്നു. അ​ൽ ബി​ത്​​ന പാ​ലം ഫു​ജൈ​റ എ​മി​റേ​റ്റി​ലെ ഗ​താ​ഗ​ത സം​വി​ധാ​നം മെ​ച്ച​പ്പെ​ടു​ത്താ​നും പ​രി​വ​ർ​ത്തി​പ്പി​ക്കാ​നും നി​ർ​ണാ​യ​ക പ​ങ്കു​വ​ഹി​ക്കു​മെ​ന്ന്​ അ​ധി​കൃ​ത​ർ പ്ര​ത്യാ​ശ പ്ര​ക​ടി​പ്പി​ച്ചു. യു.​എ.​ഇ​ക്ക്​ പു​തി​യ വ്യാ​പാ​ര അ​വ​സ​ര​ങ്ങ​ൾ തു​റ​ക്കു​ക​യും സാ​മ്പ​ത്തി​ക വി​ക​സ​നം സാ​ധ്യ​മാ​ക്കു​ക​യും ചെ​യ്യു​ന്ന​താ​ണ്​ പാ​ല​മെ​ന്നും അ​ധി​കൃ​ത​ർ പ​റ​ഞ്ഞു.

ഹ​ജ്​​ർ പ​ർ​വ​ത​നി​ര​ക​ളെ ബ​ന്ധി​പ്പി​ക്കു​ന്ന പാ​ലം 600 മീ​റ്റ​ർ ഉ​യ​ര​ത്തി​ലാ​ണ്​ ക​ട​ന്നു​പോ​കു​ന്ന​ത്.

ഇ​ത്തി​ഹാ​ദ്​ റെ​യി​ലി​ന്‍റെ ഭാ​ഗ​മാ​യ ദു​ബൈ​യി​ലെ ഏ​റ്റ​വും വ​ലി​യ പാ​ലം നി​ർ​മാ​ണം പൂ​ർ​ത്തി​യാ​യ​താ​യി ക​ഴി​ഞ്ഞ​യാ​ഴ്ച അ​ധി​കൃ​ത​ർ വെ​ളി​പ്പെ​ടു​ത്തി​യി​രു​ന്നു. അ​ൽ​ഖു​ദ്​​റ പ്ര​ദേ​ശ​ത്തി​ന്​ മു​ക​ളി​ലൂ​ടെ നി​ർ​മി​ച്ച പാ​ലം പൂ​ർ​ത്തി​യാ​യ​തോ​ടെ എ​മി​റേ​റ്റി​ലെ റെ​യി​ൽ നി​ർ​മാ​ണ​ത്തി​ന്‍റെ സു​പ്ര​ധാ​ന ഘ​ട്ട​മാ​ണ്​ പി​ന്നി​ട്ട​ത്. അ​ബൂ​ദ​ബി​യി​ലെ ഖ​ലീ​ഫ തു​റ​മു​ഖ​ത്തെ ഇ​ത്തി​ഹാ​ദ്​ റെ​യി​ലി​ന്‍റെ പ്ര​ധാ​ന പാ​ത​യു​മാ​യി ബ​ന്ധി​പ്പി​ക്കു​ന്ന ക​ട​ൽ​പാ​ലം പ്ര​വ​ർ​ത്ത​ന​സ​ജ്ജ​മാ​യ​ത്​ നേ​ര​ത്തേ അ​ധി​കൃ​ത​ർ പ്ര​ഖ്യാ​പി​ച്ചി​ട്ടു​ണ്ട്​. നി​ർ​മാ​ണ​ങ്ങ​ളെ​ല്ലാം അ​വ​സാ​ന ഘ​ട്ട​ത്തി​ലെ​ത്തി​യെ​ന്നാ​ണ്​ പു​റ​ത്തു​വ​ന്ന വി​വ​ര​ങ്ങ​ൾ വ്യ​ക്ത​മാ​ക്കു​ന്ന​ത്. ക​ഴി​ഞ്ഞ​വ​ർ​ഷ​ത്തോ​ടെ പാ​ത​യു​ടെ ആ​കെ 75 ശ​ത​മാ​നം പൂ​ർ​ത്തി​യാ​യി​ട്ടു​ണ്ട്.

50 ബി​ല്യ​ൻ ദി​ർ​ഹം ചെ​ല​വ്​ വ​ക​യി​രു​ത്തി​യ ഇ​ത്തി​ഹാ​ദ്​ പ​ദ്ധ​തി പൂ​ർ​ത്തി​യാ​കു​ന്ന​തോ​ടെ ദു​ബൈ​യി​ൽ​നി​ന്ന്​ അ​ബൂ​ദ​ബി​യി​ലേ​ക്ക്​ 50 മി​നി​റ്റി​ലും അ​ബൂ​ദ​ബി​യി​ൽ​നി​ന്ന്​ ഫു​ജൈ​റ​യി​ലേ​ക്ക്​ 100 മി​നി​റ്റി​ലും എ​ത്തി​ച്ചേ​രാ​നാ​കും.

1200 കി.​മീ. നീ​ള​ത്തി​ൽ ഏ​ഴ്​ എ​മി​റേ​റ്റു​ക​ളി​ലെ 11 സു​പ്ര​ധാ​ന ന​ഗ​ര​ങ്ങ​ളെ ബ​ന്ധി​പ്പി​ച്ചാ​ണ്​ റെ​യി​ൽ പ​ദ്ധ​തി ക​ട​ന്നു​പോ​കു​ന്ന​ത്. ട്രെ​യി​ൻ കു​തി​ച്ചോ​ടു​ക മ​ണി​ക്കൂ​റി​ൽ 200 കി.​മീ​റ്റ​ർ വേ​ഗ​ത​യി​ലാ​ണ്.

സൗ​ദി അ​തി​ർ​ത്തി​യി​ലെ സി​ല മു​ത​ൽ രാ​ജ്യ​ത്തി​ന്‍റെ കി​ഴ​ക്ക​ൻ തീ​ര​ദേ​ശ​മാ​യ ഫു​ജൈ​റ വ​രെ നീ​ണ്ടു​നി​ൽ​ക്കു​ന്ന​താ​ണ്​ റെ​യി​ൽ.