ഇത്തിഹാദ്​ റെയിൽ; അകലം കുറയും, അടുപ്പം കൂടും

ദുബൈ: 1971ൽ ​രൂ​പ​വ​ത്ക​രി​ക്ക​പ്പെ​ട്ട ഐ​ക്യ അ​റ​ബ്​ എ​മി​റേ​റ്റു​ക​ൾ എ​ന്ന യു.​എ.​ഇ​യു​ടെ ച​രി​ത്ര​ത്തി​ലെ സു​പ്ര​ധാ​ന നാ​ഴി​ക​ക്ക​ല്ലാ​ണ്​ ഇ​ത്തി​ഹാ​ദ്​ റെ​യി​ൽ​പാ​ത​യു​ടെ പൂ​ർ​ത്തീ​ക​ര​ണ​ത്തോ​ടെ പി​ന്നി​ട്ടി​രി​ക്കു​ന്ന​ത്. രാ​ജ്യ​ത്തി​ന്‍റെ ഒ​ര​റ്റം മു​ത​ൽ അ​ടു​ത്ത അ​റ്റം വ​രെ ബ​ന്ധി​പ്പി​ക്കു​ന്ന പാ​ത എ​ല്ലാ എ​മി​റേ​റ്റു​ക​ളി​ലൂ​ടെ​യും പ്ര​ധാ​ന ന​ഗ​ര​ങ്ങ​ളി​ലൂ​ടെ​യും ക​ട​ന്നു​പോ​കു​ന്നു​ണ്ട്. രാ​ഷ്​​ട്ര​ത്തെ ഒ​റ്റ​ച്ച​ര​ടി​ൽ കോ​ർ​ത്തു​നി​ർ​ത്തു​ന്ന പാ​ത, ഗ​താ​ഗ​ത രം​ഗ​ത്ത്​ വി​പ്ല​വ​ക​ര​മാ​യ പ​രി​വ​ർ​ത്ത​ന​ത്തി​ന്​ നാ​ന്ദി​കു​റി​ക്കു​ക​യാ​ണ്. പൂ​ർ​ണ പ്ര​വ​ർ​ത്ത​ന​സ​ജ്ജ​മാ​കു​ന്ന​തോ​ടെ ഐ​ക്യ ഇ​മാ​റാ​ത്തി​ന്‍റെ ഗ​താ​ഗ​ത രം​ഗ​ത്ത്​ ജീ​വ​നാ​ഡി​യാ​യി പാ​ത മാ​റു​മെ​ന്ന​തി​ൽ സം​ശ​യ​മി​ല്ല. ലോ​ക​ത്തി​ന്‍റെ വ്യാ​പാ​ര കേ​ന്ദ്ര​മെ​ന്ന അ​പ​ര​നാ​മ​ത്തി​ലേ​ക്ക്​ വ​ള​ർ​ന്ന യു.​എ.​ഇ​യി​ൽ ച​ര​ക്കു​ക​ൾ അ​തി​വേ​ഗം തു​റ​മു​ഖ​ങ്ങ​ളി​ൽ​നി​ന്ന്​ ലോ​ജി​സ്റ്റി​ക്സ്​ ഹ​ബു​ക​ളി​ലേ​ക്ക്​ എ​ത്തി​ക്കാ​നും തി​രി​ച്ചെ​ത്തി​ക്കാ​നും സൗ​ക​ര്യ​മാ​കും. പാ​സ​ഞ്ച​ർ ട്രെ​യി​നു​ക​ൾ​കൂ​ടി ആ​രം​ഭി​ക്കു​ന്ന​തോ​ടെ അ​ക​ല​ങ്ങ​ൾ കു​റ​യു​ക​യും വി​ക​സ​ന രം​ഗ​ത്ത്​ വ​ൻ കു​തി​ച്ചു​ചാ​ട്ട​ത്തി​ന്​ നി​ദാ​ന​മാ​യി​ത്തീ​രു​ക​യും ചെ​യ്യും.

നീ​ളം 1200 കി​ലോ​മീ​റ്റ​ർ, ചെ​ല​വ്​ 5000 കോ​ടി ദി​ർ​ഹം

ഇ​ത്തി​ഹാ​ദ്​ പ​ദ്ധ​തി​ക്ക്​ 5000 കോ​ടി ദി​ർ​ഹം ചെ​ല​വാ​ണ്​ വ​ക​യി​രു​ത്തി​യ​ത്. ഒ​രു​പ​ക്ഷേ രാ​ജ്യ​ത്തി​ന്‍റെ അ​ടി​സ്ഥാ​ന സൗ​ക​ര്യ വി​ക​സ​ന രം​ഗ​ത്ത്​ സ​മാ​ന സ്വ​ഭാ​വ​മു​ള്ള പ​ദ്ധ​തി​ക​ൾ സ​മീ​പ​കാ​ല​ത്ത്​ മ​റ്റൊ​ന്നി​ല്ല. ദു​ബൈ​യി​ൽ​നി​ന്ന്​ അ​ബൂ​ദ​ബി​യി​ലേ​ക്ക്​ 50 മി​നി​റ്റി​ലും അ​ബൂ​ദ​ബി​യി​ൽ​നി​ന്ന്​ ഫു​ജൈ​റ​യി​ലേ​ക്ക്​ 100 മി​നി​റ്റി​ലും എ​ത്താ​നാ​കു​ന്ന പാ​ത, 1200 കി​ലോ​മീ​റ്റ​ർ നീ​ള​ത്തി​ൽ 11 സു​പ്ര​ധാ​ന ന​ഗ​ര​ങ്ങ​ളി​ലൂ​ടെ ക​ട​ന്നു​പോ​കു​ന്നു​ണ്ട്.

വൈ​വി​ധ്യ​മാ​ർ​ന്ന ഭൂ​പ്ര​ദേ​ശ​ങ്ങ​ളി​ലൂ​ടെ ക​ട​ന്നു​പോ​കു​ന്ന പാ​ത​യി​ൽ 593 പാ​ല​ങ്ങ​ളും ക്രോ​സി​ങ്ങു​ക​ളും ഒ​മ്പ​തു തു​ര​ങ്ക​ങ്ങ​ളും പ​ണി​ക​ഴി​പ്പി​ച്ചി​ട്ടു​ണ്ട്. മ​ണി​ക്കൂ​റി​ൽ 200 കി.​മീ​റ്റ​ർ വേ​ഗ​ത്തി​ലാ​ണ്​ പാ​സ​ഞ്ച​ർ ട്രെ​യി​നു​ക​ൾ സ​ഞ്ച​രി​ക്കു​ക​യെ​ന്നാ​ണ്​ പ്ര​ഖ്യാ​പി​ച്ചി​ട്ടു​ള്ള​ത്. സൗ​ദി അ​തി​ർ​ത്തി​യി​ലെ സി​ല മു​ത​ൽ രാ​ജ്യ​ത്തി​ന്‍റെ കി​ഴ​ക്ക​ൻ തീ​ര​ദേ​ശ​മാ​യ ഫു​ജൈ​റ വ​രെ നീ​ളു​ന്ന​താ​ണ്​ റെ​യി​ൽ. പ​ദ്ധ​തി യു.​എ.​ഇ​യു​ടെ സ​മ്പ​ദ്‌​വ്യ​വ​സ്ഥ​ക്ക് 200 ശ​ത​കോ​ടി ദി​ർ​ഹം സം​ഭാ​വ​ന ചെ​യ്യു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. 2030ഓ​ടെ വ​ർ​ഷം 3.65 കോ​ടി യാ​ത്ര​ക്കാ​ർ ഇ​ത്തി​ഹാ​ദ്​ റെ​യി​ൽ വ​ഴി സ​ഞ്ച​രി​ക്കു​മെ​ന്നാ​ണ്​ ക​ണ​ക്കാ​ക്കു​ന്ന​ത്. പാ​ത വ​ഴി റോ​ഡ് അ​റ്റ​കു​റ്റ​പ്പ​ണി ചെ​ല​വി​ൽ 800 കോ​ടി ദി​ർ​ഹം ലാ​ഭി​ക്കാ​നാ​കും. അ​തോ​ടൊ​പ്പം ടൂ​റി​സം വ​രു​മാ​ന​ത്തി​ൽ 230 കോ​ടി ദി​ർ​ഹംവ​രു​മാ​ന​വു​മു​ണ്ടാ​ക്കും.

പ​രി​സ്ഥി​തി​യെ നോ​വി​ക്കാ​തെ​ നി​ർ​മാ​ണം

​പ​ദ്ധ​​തി​​യു​​ടെ തു​​ട​​ക്കം ​മു​​ത​​ൽ യു.​​എ.​​ഇ​​യു​​ടെ പ്ര​​കൃ​​തി​​സം​​ര​​ക്ഷ​​ണം ഉ​​റ​​പ്പു​​വ​​രു​​ത്താ​​ൻ പ​​രി​​സ്ഥി​​തി, പ്ര​​കൃ​​തി​​ദ​​ത്ത ആ​​വാ​​സ​വ്യ​​വ​​സ്ഥ​​ക​​ളെ​​യും മൃ​​ഗ​​ങ്ങ​​ളെ​​യും സം​​ര​​ക്ഷി​​ക്കാ​​ൻ വി​വി​ധ മാ​ർ​ഗ​ങ്ങ​ൾ ആ​സൂ​ത്ര​ണം ചെ​യ്തി​രു​ന്നു. റെ​​യി​​ൽ​​പാ​​ത നി​​ർ​​മി​​ക്കു​​ന്ന ഭാ​​ഗ​​ത്തെ മ​​രു​​ഭൂ​​മി​​യി​​ലെ പ്രാ​​ദേ​​ശി​​ക വൃ​​ക്ഷ​​ങ്ങ​​ളെ​​യും കു​​റ്റി​​ച്ചെ​​ടി​​ക​​ളെ​​യും ന​​ശി​​പ്പി​​ക്കാ​​തെ മാ​​റ്റി​ന​​ടു​​ന്ന​​തി​​ന്​ പ​​രി​​സ്ഥി​​തി ഏ​​ജ​​ൻ​​സി​​യും ഇ​​ത്തി​​ഹാ​​ദ് റെ​​യി​​ലും ന​ട​പ​ടി​ക​ൾ സ്വീ​ക​രി​ച്ചു. ഇ​തി​ന്‍റെ ഭാ​​ഗ​​മാ​​യി പാ​​ര​​മ്പ​ര്യ​​മൂ​​ല്യ​​മു​​ള്ള ദേ​​ശീ​​യ വൃ​​ക്ഷ​​ങ്ങ​​ളാ​​യ ഗാ​​ഫ്, സി​​ദ​​ർ, ഈ​​ന്ത​​പ്പ​​ന എ​​ന്നി​​വ​ക്ക്​ പ്ര​ത്യേ​ക സം​​ര​​ക്ഷ​ണം ഒ​രു​ക്കി. ആ​യി​ര​ക്ക​ണ​ക്കി​ന്​ മ​​ര​​ങ്ങ​​ൾ മാ​​റ്റി​​ന​​ടു​​ക​​യും പു​​തു​​താ​​യി ന​​ട്ടു​​പി​​ടി​​പ്പി​​ക്കു​​ക​​യും ചെ​​യ്തി​ട്ടു​ണ്ട്. മൃ​​ഗ​​ങ്ങ​​ളു​​ടെ ആ​​വാ​​സ​കേ​​ന്ദ്ര​​ങ്ങ​​ളി​ൽ നി​ര​വ​ധി ക്രോ​​സി​​ങ്ങു​​ക​​ൾ ഉ​​ൾ​​പ്പെ​​ടെ 1200 കി​​ലോ​​മീ​​റ്റ​​ർ റെ​​യി​​ൽ​​വേ ശൃം​​ഖ​​ല​​യി​​ൽ വ​​ന്യ​​ജീ​​വി ഇ​​ട​​നാ​​ഴി​​ക​​ൾ സൃ​​ഷ്​​​ടി​​ക്കാ​​നും അ​ധി​കൃ​ത​ർ ജാ​ഗ്ര​ത പു​ല​ർ​ത്തി​യി​ട്ടു​ണ്ട്. പാ​​ത​​ക്കു ചു​​റ്റു​​മു​​ള്ള ജ​​ന്തു​​ജാ​​ല​​ങ്ങ​​ളെ സം​​ര​​ക്ഷി​​ച്ചാ​​ണ്​ നി​​ർ​​മാ​​ണം പു​​രോ​​ഗ​​മി​​ക്കു​​ന്ന​​ത്. വം​​ശ​​നാ​​ശ​​ഭീ​​ഷ​​ണി നേ​​രി​​ടു​​ന്ന ജീ​​വ​​ജാ​​ല​​ങ്ങ​​ൾ ഉ​​ൾ​​പ്പെ​​ടെ വി​​വി​​ധ​​ത​​രം ജീ​​വി​​ക​​ൾ​​ക്ക് അ​​ഭ​​യ​​വും ഭ​​ക്ഷ​​ണ​​വും ന​​ൽ​​കു​​ന്ന​​തി​​ന്​ സൗ​​ക​​ര്യം ഒ​​രു​​ക്കി​യി​ട്ടു​ണ്ട്. മൃ​​ഗ​​ങ്ങ​​ൾ ഉ​​ൾ​​പ്പെ​​ടെ ജീ​​വ​​ജാ​​ല​​ങ്ങ​​ളെ​​യും അ​​വ​​യു​​ടെ യാ​​ത്രാ​​വ​​ഴി​​ക​​ളും പ​​ഠ​​ന​​വി​​ധേ​​യ​​മാ​​ക്കി​യാ​ണ്​ നി​ർ​മാ​ണം ന​ട​ത്തി​യ​ത്.

ഇത്തിഹാദ്​ പാതയിൽ ചരക്ക് ഗതാഗതം തുടങ്ങി

ആയിരത്തിലേറെ വാഗണുകളും 38 ലോക്കോമോട്ടീവുകളും ഉൾപ്പെടുന്ന ശൃംഖല

ദുബൈ: വ്യാ​ഴാ​ഴ്ച ഉ​ദ്​​ഘാ​ട​നം ചെ​യ്യ​പ്പെ​ട്ട ഇ​ത്തി​ഹാ​ദ്​ റെ​യി​ൽ​പാ​ത​യി​ൽ ആ​ദ്യ​ഘ​ട്ട​ത്തി​ൽ ച​ര​ക്കു​ ഗ​താ​ഗ​തം ആ​രം​ഭി​ച്ചു. എ​ല്ലാ​ത​രം ച​ര​ക്കു​ക​ളും രാ​ജ്യ​ത്തെ നാ​ലു​ പ്ര​ധാ​ന തു​റ​മു​ഖ​ങ്ങ​ൾ, ഏ​ഴു​ ലോ​ജി​സ്റ്റി​ക്സ്​ കേ​ന്ദ്ര​ങ്ങ​ൾ എ​ന്നി​വ​ക്കി​ട​യി​ൽ എ​ത്തി​ക്കാ​നു​ള്ള സം​വി​ധാ​ന​മാ​ണ്​ പൂ​ർ​ണ​മാ​യും ഒ​രു​ങ്ങി​യി​ട്ടു​ള്ള​ത്. ഇ​തി​നാ​യി ആ​യി​ര​ത്തി​ലേ​റെ വാ​ഗ​ണു​ക​ളും 38 ലോ​ക്കോ​മോ​ട്ടി​വു​ക​ളും ഉ​ൾ​പ്പെ​ടു​ന്ന ശൃം​ഖ​ല​യാ​ണ്​ ഇ​ത്തി​ഹാ​ദ്​ റെ​യി​ൽ ക​മ്പ​നി ഒ​രു​ക്കി​യി​ട്ടു​ള്ള​ത്. റു​വൈ​സ്, അ​ബൂ​ദ​ബി​യി​ലെ വ്യ​വ​സാ​യി​ക ന​ഗ​രം, ഖ​ലീ​ഫ തു​റ​മു​ഖം, ദു​ബൈ ഇ​ൻ​ഡ​സ്ട്രി​യ​ൽ സി​റ്റി, ജ​ബ​ൽ അ​ലി തു​റ​മു​ഖം, അ​ൽ ഗെ​യ്ൽ, ഫു​ജൈ​റ തു​റ​മു​ഖം എ​ന്നി​വി​ട​ങ്ങ​ളി​ൽ ട്രെ​യി​നു​ക​ളു​ടെ ചാ​ർ​ജി​ങ്​ സ്റ്റേ​ഷ​നു​ക​ളും ഒ​രു​ക്കി​യി​ട്ടു​ണ്ട്.

ച​ര​ക്കു​ ഗ​താ​ഗ​തം ഇ​ത്തി​ഹാ​ദ്​ റെ​യി​ൽ​പാ​ത വ​ഴി സ​ജീ​വ​മാ​കു​ന്ന​തോ​ടെ തു​റ​മു​ഖ​ങ്ങ​ളിലും ലോ​ജി​സ്റ്റി​ക്സ്​ കേ​ന്ദ്ര​ങ്ങ​ളിലും ച​ര​ക്കു​നീ​ക്കം വേ​ഗ​ത്തി​ലാ​വു​ം. മ​ണി​ക്കൂ​റി​ൽ 120 കി​ലോ​മീ​റ്റ​ർ വേ​ഗ​ത്തി​ൽ സ​ഞ്ച​രി​ക്കു​ന്ന ച​ര​ക്കു ട്രെ​യി​നു​ക​ൾ​ക്ക് പ്ര​തി​വ​ർ​ഷം ആ​റു​കോ​ടി ട​ൺ ച​ര​ക്ക് കൊ​ണ്ടു​പോ​കാ​നു​ള്ള ശേ​ഷി​യു​ണ്ട്.

അ​ബൂ​ദ​ബി​യി​ലെ അ​ൽ ഫ​യ മേ​ഖ​ല​യി​​ലെ ക​ൺ​ട്രോ​ൾ ആ​ന്‍ഡ് മെ​യി​ൻ​റ​ന​ൻ​സ്​ സെ​ന്‍റ​റി​ൽ​ ന​ട​ന്ന ച​ട​ങ്ങി​ലാ​ണ്​ യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം പാ​ത​യു​ടെ ഉ​ദ്​​ഘാ​ട​നം നി​ർ​വ​ഹി​ച്ച​ത്. പാ​ത​യു​ടെ ഒ​ന്നാം ഘ​ട്ടം 2016 ജ​നു​വ​രി മു​ത​ലും പ​ദ്ധ​തി​യു​ടെ ര​ണ്ടാം ഘ​ട്ടം 2020 തു​ട​ക്ക​ത്തി​ലും ച​ര​ക്കു​നീ​ക്ക​ത്തി​നാ​യി പ്ര​വ​ർ​ത്തി​ക്കു​ന്നു​ണ്ട്. പെ​ട്രോ​കെ​മി​ക്ക​ൽ​സ്, അ​സം​സ്‌​കൃ​ത ഉ​രു​ക്ക്, ചു​ണ്ണാ​മ്പു​ക​ല്ല്, സി​മ​ന്‍റ്, നി​ർ​മാ​ണ​സാ​മ​ഗ്രി​ക​ൾ, വ്യ​വ​സാ​യി​ക, ഗാ​ർ​ഹി​ക മാ​ലി​ന്യ​ങ്ങ​ൾ, അ​ലൂ​മി​നി​യം, ഭ​ക്ഷ്യ ച​ര​ക്കു​ക​ൾ എ​ന്നി​വ ഉ​ൾ​പ്പെ​ടെ എ​ല്ലാ​ത​രം ച​ര​ക്കു​ക​ളും കാ​ർ​ഗോ വാ​ഗ​ണു​ക​ളി​ൽ കൊ​ണ്ടു​പോ​കാ​ൻ ക​ഴി​യും.

ആയിരത്തിലേറെ വാഗണുകളും 38ലോക്കോമോട്ടീവുകളും ഉൾപ്പെടുന്നതാണ് ശൃംഖല. ഓ​രോ ലോ​ക്കോ​മോ​ട്ടി​വി​നും 100 വാ​ഗ​ണു​ക​ൾ വ​ലി​ക്കാ​ൻ ക​ഴി​യും. 300 ട്ര​ക്കു​ക​ളു​ടെ ശേ​ഷി​ക്ക് തു​ല്യ​മാ​ണി​ത്. ഈ ​ട്രെ​യി​നു​ക​ൾ കൊ​ണ്ടു​പോ​കു​ന്ന ച​ര​ക്കു​ക​ളു​ടെ അ​ള​വ് പ്ര​തി​ദി​നം 5600 ട്ര​ക്കു​ക​ൾ​ക്ക് തു​ല്യ​മാ​ണ്. ക​ഴി​ഞ്ഞ വ​ർ​ഷം ഒ​ക്​​ടോ​ബ​റി​ൽ ഒ​പ്പു​വെ​ച്ച ക​രാ​ർ പ്ര​കാ​രം ഇ​ത്തി​ഹാ​ദ്​ റെ​യി​ൽ​പാ​ത​യെ ഒ​മാ​ൻ റെ​യി​ലു​മാ​യി ബ​ന്ധി​പ്പി​ക്കു​ന്ന പ​ദ്ധ​തി​ക്കും അം​ഗീ​കാ​ര​മാ​യി​ട്ടു​ണ്ട്. അ​ബൂ​ദ​ബി​യെ​യും ഒ​മാ​നി​ലെ സു​ഹാ​ർ തു​റ​മു​ഖ​ത്തെ​യും ബ​ന്ധി​പ്പി​ക്കു​ന്ന പാ​ത വ​രു​ന്ന​തോ​ടെ ​ച​ര​ക്കു​ ഗ​താ​ഗ​ത രം​ഗ​ത്ത്​ വ​ൻ കു​തി​ച്ചു​ചാ​ട്ട​മാ​ണ്​ പ്ര​തീ​ക്ഷി​ക്കു​ന്ന​ത്.