ഇ​ത്തി​ഹാ​ദ്​ റെ​യി​ൽ; നി​ക്ഷേ​പം ഉ​യ​ർ​ത്തു​മെ​ന്ന്​ പ​ഠ​നം

ദു​ബൈ: ഇ​ത്തി​ഹാ​ദ്​ റെ​യി​ൽ പ​ദ്ധ​തി യു.​എ.​ഇ​യി​ലെ പ്ര​ധാ​ന വ്യ​വ​സാ​യ​ങ്ങ​ളി​ലേ​ക്ക് കൂ​ടു​ത​ൽ നി​ക്ഷേ​പം ആ​ക​ർ​ഷി​ക്കു​മെ​ന്ന്​ പ​ഠ​നം. ദു​ബൈ​യി​ലെ സു​പ്ര​ധാ​ന ബാ​ങ്കി​ങ്​ സ്​​ഥാ​പ​ന​മാ​യ എ​മി​റേ​റ്റ്​​സ്​ എ​ൻ.​ബി.​ഡി​യു​ടെ ഗ​വേ​ഷ​ണ വി​ഭാ​ഗം പു​റ​ത്തു​വി​ട്ട പ​ഠ​ന​ത്തി​ലാ​ണ്​ ഇ​ക്കാ​ര്യം ചൂ​ണ്ടി​ക്കാ​ട്ടു​ന്ന​ത്. പ്രാ​ദേ​ശി​ക വ്യാ​പാ​ര​ത്തി​ൽ വ​ള​ർ​ച്ച​യും സാ​മ്പ​ത്തി​ക ഏ​കീ​ക​ര​ണ​വും പ്രോ​ത്സാ​ഹി​പ്പി​ക്കാ​നും റെ​യി​ൽ​പാ​ത നി​മി​ത്ത​മാ​കു​മെ​ന്നും ഇ​തി​ൽ പ​റ​യു​ന്നു​ണ്ട്. 50 ശ​ത​കോ​ടി ചെ​ല​വി​ൽ നി​ർ​മി​ച്ച പാ​ത ആ​ഴ്ച​ക​ൾ​ക്കു​മു​മ്പ്​ ച​ര​ക്കു ഗ​താ​ഗ​ത​ത്തി​നാ​യി തു​റ​ന്നി​രു​ന്നു.

യു.​എ.​ഇ​യു​ടെ വി​ക​സ​ന​ത്തി​ൽ വ്യാ​പാ​ര, ച​ര​ക്ക് ഗ​താ​ഗ​ത സേ​വ​ന​ങ്ങ​ൾ ച​രി​ത്ര​പ​ര​മാ​യി പ്രാ​ധാ​ന്യ​മ​ർ​ഹി​ക്കു​ന്നു​ണ്ടെ​ന്നും പ്ര​ത്യേ​കി​ച്ചും ദു​ബൈ പ്രാ​ദേ​ശി​ക വ്യാ​പാ​ര പ്ര​വാ​ഹ​ങ്ങ​ളു​ടെ ഒ​രു പ്ര​ധാ​ന പ്ര​വേ​ശ​ന കേ​ന്ദ്ര​മാ​ണെ​ന്നും എ​മി​റേ​റ്റ്​​സ്​ എ​ൻ.​ബി.​ഡി റി​സ​ർ​ചി​ലെ സാ​മ്പ​ത്തി​ക വി​ദ​ഗ്​​ധ​ൻ ഡാ​നി​യ​ൽ റി​ച്ചാ​ർ​ഡ്സ് പ​റ​ഞ്ഞു. ക​ഴി​ഞ്ഞ പ​തി​റ്റാ​ണ്ടു​ക​ളി​ലെ പ്ര​ധാ​ന അ​ടി​സ്ഥാ​ന സൗ​ക​ര്യ വി​ക​സ​ന പ​ദ്ധ​തി​ക​ളാ​ണ്​ ഇ​തി​ന്​ സ​ഹാ​യി​ച്ച​തെ​ന്നും ഇ​ത്തി​ഹാ​ദ്​ റെ​യി​ൽ ഈ ​രം​ഗ​ത്ത്​ വ​ലി​യ കു​തി​ച്ചു​ചാ​ട്ട​ത്തി​ന്​ സ​ഹാ​യി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

രാ​ജ്യ​ത്തെ നാ​ല് പ്ര​ധാ​ന തു​റ​മു​ഖ​ങ്ങ​ളെ​യും ഏ​ഴ് ലോ​ജി​സ്റ്റി​ക്ക​ൽ മേ​ഖ​ല​ക​ളെ​യും ബ​ന്ധി​പ്പി​ക്കു​ന്ന പാ​ത പ്ര​തി​വ​ർ​ഷം ആ​റു​കോ​ടി ട​ൺ ച​ര​ക്ക് കൊ​ണ്ടു​പോ​കാ​ൻ സ​ഹാ​യി​ക്കു​ന്ന​താ​ണ്. ദു​ബൈ​യി​ൽ​നി​ന്ന്​ അ​ബൂ​ദ​ബി​യി​ലേ​ക്ക്​ 50 മി​നി​റ്റി​ലും അ​ബൂ​ദ​ബി​യി​ൽ​നി​ന്ന്​ ഫു​ജൈ​റ​യി​ലേ​ക്ക്​ 100 മി​നി​റ്റി​ലും എ​ത്തി​ച്ചേ​രാ​ൻ പാ​ത​വ​ഴി സാ​ധി​ക്കും.

1200 കി​ലോ​മീ​റ്റ​ർ നീ​ള​ത്തി​ൽ ഏ​ഴ്​ എ​മി​റേ​റ്റു​ക​ളി​ലെ 11 സു​പ്ര​ധാ​ന ന​ഗ​ര​ങ്ങ​ളെ ബ​ന്ധി​പ്പി​ച്ചാ​ണ്​ റെ​യി​ൽ പ​ദ്ധ​തി ക​ട​ന്നു​പോ​കു​ന്ന​ത്. സൗ​ദി അ​തി​ർ​ത്തി​യി​ലെ സി​ല മു​ത​ൽ രാ​ജ്യ​ത്തി​ന്‍റെ കി​ഴ​ക്ക​ൻ തീ​ര​ദേ​ശ​മാ​യ ഫു​ജൈ​റ വ​രെ നീ​ണ്ടു​നി​ൽ​ക്കു​ന്ന​താ​ണ്​ റെ​യി​ൽ. 2030ഓ​ടെ വ​ർ​ഷം 3.65 കോ​ടി യാ​ത്ര​ക്കാ​ർ ഇ​ത്തി​ഹാ​ദ്​ റെ​യി​ൽ വ​ഴി സ​ഞ്ച​രി​ക്കു​മെ​ന്നാ​ണ്​ ക​ണ​ക്കാ​ക്കു​ന്ന​ത്.