Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഇത്തിഹാദ്​ എയർവേസ്​...

ഇത്തിഹാദ്​ എയർവേസ്​ ബാഗേജ്​ നിയമം പരിഷ്​കരിച്ചു

text_fields
bookmark_border
ഇത്തിഹാദ്​ എയർവേസ്​ ബാഗേജ്​ നിയമം പരിഷ്​കരിച്ചു
cancel

അബൂദബി: അബൂദബി ആസ്​ഥാനമായി പ്രവർത്തിക്കുന്ന ഇത്തിഹാദ്​ എയർവേസ്​ ബാഗേജി​​​െൻറ എണ്ണത്തിന്​ പരിധി നിശ്ചയിക്കാതെ ബാഗേജ്​ നിയമം പരിഷ്​കരിച്ചു. നിശ്ചിത തൂക്കത്തിന്​ അനുസരിച്ച്​ ഇഷ്​ടമുള്ളത്ര ബാഗേജുകൾ കൊണ്ടുപോകാൻ യാത്രക്കാരന്​ അനുമതി നൽകുന്ന വിധമാണ്​ പരിഷ്​കരണം. 
വിവിധ രാജ്യങ്ങളിലെ നിബന്ധനകൾക്ക്​ അനുസൃതമായി ബാഗേജ്​ ഘടന ലഘൂകരിക്കുന്നതാണ്​ പുതിയ മാറ്റങ്ങളെന്ന്​ ഇത്തിഹാദ്​ പ്രസ്​താവനയിൽ അറിയിച്ചു. ജനുവരി 31 മുതലാണ്​ പുതിയ നിയമം പ്രാബല്യത്തിലായത്​.

വിവിധ രാജ്യങ്ങളിലേക്കുള്ള യാത്രയിലെ ബാഗേജ്​ വിവരങ്ങൾ ഇത്തിഹാദി​​​െൻറ വെബ്​സൈറ്റിൽ വിശദമായി പ്രസിദ്ധീകരിച്ചിട്ടുണ്ട്​. ജി.സി.സി രാജ്യങ്ങളിൽനിന്ന്​ ഇന്ത്യയിലേക്ക്​ ഇകോണമി ഡീൽ, സേവർ, ക്ലാസിക്​ വിഭാഗങ്ങളിൽ 30 കിലോ, ഇകോണമി ഫ്ലക്​സ്​ വിഭാഗത്തിൽ 35 കിലോ, ബിസിനസ്​ ക്ലാസിൽ 40 കിലോ, ഫസ്​റ്റ്​ ക്ലാസിൽ 50 കിലോ എന്നിങ്ങനെ കൊണ്ടുപോകാം. 

ഒരു ബാഗേജി​​​െൻറ ഭാരം 32 കിലോയിൽ അധികമാകാൻ പാടില്ല. ഇന്ത്യയിൽനിന്ന്​ ജി.സി.സി രാജ്യങ്ങളിലേക്കും സമാനമായ ബാഗേജ്​ തന്നെയാണ്​ അനുവദിച്ചിരിക്കുന്നത്​. നേരത്തെ ഇകോണമി ക്ലാസ്​, ബിസിനസ്​ ക്ലാസ്​, ഫസ്​റ്റ്​ ക്ലാസ്​ വിഭാഗങ്ങൾ മാത്രമേ ഉണ്ടായിരുന്നുള്ളൂ.ഇകോണമി ക്ലാസിൽ 30 കിലോ, ബിസിനസ്​ ക്ലാസിൽ 40 കിലോ, ഫസ്​റ്റ്​ ക്ലാസിൽ 50 കിലോ എന്നിങ്ങനെയായിരുന്നു അനുവദിച്ചിരുന്നത്​. യാത്രക്കാരുടെ വിവിധങ്ങളായ ആവശ്യം പരിഗണിച്ചും ആഗോള വിപണിയിലെ മികച്ച പ്രവണതകൾക്ക്​ അനുസൃതമായുമാണ്​ ഇത്തിഹാദ്​ ബാഗേജ്​ നയം പരിഷ്​കരിച്ചതെന്ന്​ ഇത്തിഹാദ്​ എയർവേസ്​ കോമേഴ്​സ്യൽ എക്​സിക്യൂട്ടീവ്​ വൈസ്​ പ്രസിഡൻറ്​ മുഹമ്മദ്​ ആൽ ബുലൂകി വ്യക്​തമാക്കി. ഇത്തിഹാദ്​ പാരിതോഷിക പദ്ധതിയിൽ ഒപ്പുവെച്ച സിൽവർ, ഗോൾഡ്​, പ്ലാറ്റിനം അംഗങ്ങൾക്ക്​ യു.എസ്​, കാനഡ രാജ്യങ്ങളിലേക്ക്​ 32 കിലോയും മറ്റു സെക്​ടറുകളിലേക്ക്​ പ്ലാറ്റിനം അംഗങ്ങൾക്ക്​ 20 കിലോയും ഗോൾഡിന്​ 15 കിലോയും സിൽവറിന്​ പത്ത്​ കിലോയും അധിക ബാഗേജ്​ അനുവദിക്കുന്നത്​ തുടരുമെന്നും അധികൃതർ പറഞ്ഞു. 

Show Full Article
TAGS:Etihad Airways gulf news malayalam news 
News Summary - etihad airways-uae-gulf news
Next Story