വീ​ടു​ക​ളി​ല്‍ കു​ട്ടി​ക​ളു​ടെ സു​ര​ക്ഷ ഉ​റ​പ്പു​വ​രു​ത്ത​ണം –അ​ബൂ​ദ​ബി പൊ​ലീ​സ്

അ​ബൂ​ദ​ബി: ബ​ഹു​നി​ല കെ​ട്ടി​ട​ങ്ങ​ളു​ടെ ബാ​ല്‍ക്ക​ണി​ക​ളി​ല്‍ നി​ന്നോ ജ​നാ​ല​ക​ളി​ലൂ​ടെ​യോ കു​ട്ടി​ക​ള്‍ വീ​ഴാ​തി​രി​ക്കാ​ന്‍ വീ​ടു​ക​ളി​ല്‍ കു​ട്ടി​ക​ളെ നി​രീ​ക്ഷി​ക്ക​ണ​മെ​ന്നും സു​ര​ക്ഷ സം​വി​ധാ​നം സ്വീ​ക​രി​ക്ക​ണ​മെ​ന്നും അ​ബൂ​ദ​ബി പൊ​ലീ​സ്. 'സേ​ഫ് വി​ന്‍റ​ര്‍ ഫ​ണ്‍' കാ​മ്പ​യി​നി​ന്‍റെ ഭാ​ഗ​മാ​യാ​ണ് പൊ​ലീ​സ് കു​ട്ടി​ക​ളു​ടെ സു​ര​ക്ഷി​ത​ത്വം ഉ​റ​പ്പു​വ​രു​ത്താ​ന്‍ മാ​താ​പി​താ​ക്ക​ളോ​ട് ആ​ഹ്വാ​നം ചെ​യ്ത​ത്. നി​സ്സാ​ര അ​ശ്ര​ദ്ധ വ​ലി​യ അ​പ​ക​ടം വ​രു​ത്തി​വെ​ക്കു​മെ​ന്ന​തി​നാ​ല്‍ കെ​ട്ടി​ട നി​ര്‍മാ​താ​ക്ക​ള്‍ മു​ത​ല്‍ താ​മ​സ​ക്കാ​ര്‍ വ​രെ അ​തീ​വ ശ്ര​ദ്ധ പു​ല​ര്‍ത്ത​ണം.

ത​ണു​ത്ത കാ​ലാ​വ​സ്ഥ​യാ​യ​തി​നാ​ല്‍ വീ​ടു​ക​ളു​ടെ ജ​നാ​ല​ക​ളും മ​റ്റും പ​ല​രും തു​റ​ന്നി​ടാ​റു​ണ്ട്. അ​തി​നാ​ല്‍ത​ന്നെ കു​ട്ടി​ക​ള്‍ ക​ളി​ക്കാ​നും മ​റ്റും ബാ​ല്‍ക്ക​ണി​ക​ളി​ലും ജ​നാ​ല​ക​ളി​ലും ക​യ​റു​ക​യും ചെ​യ്യും. ഇ​ത് അ​പ​ക​ട​ത്തി​ന് വ​ഴി​വെ​ക്കു​മെ​ന്നാ​ണ് പൊ​ലീ​സ് മു​ന്ന​റി​യി​പ്പ് ന​ല്‍കി​യി​രി​ക്കു​ന്ന​ത്. ജ​നാ​ല​ക്ക്​ സ​മീ​പം ഗൃ​ഹോ​പ​ക​ര​ണ​ങ്ങ​ള്‍ ഒ​ന്നും വെ​ക്ക​രു​തെ​ന്നും നി​ര്‍ദേ​ശ​മു​ണ്ട്.

പു​റ​ത്തെ കാ​ഴ്ച​ക​ള്‍ കാ​ണാ​ന്‍ കു​ട്ടി​ക​ള്‍ മേ​ശ, ക​സേ​ര തു​ട​ങ്ങി​യ​വ​യി​ല്‍ പി​ടി​ച്ചു​ക​യ​റി തെ​ന്നി​വീ​ഴാ​ന്‍ സാ​ധ്യ​ത​യു​ള്ള​തി​നാ​ലാ​ണി​ത്. ര​ക്ഷി​താ​ക്ക​ളു​ടെ സാ​ന്നി​ധ്യ​ത്തി​ല​ല്ലാ​തെ ജ​ന​ലു​ക​ള്‍ക്ക​രി​കി​ലോ ബാ​ല്‍ക്ക​ണി​യി​ലോ കു​ട്ടി​ക​ള്‍ പോ​കാ​നി​ട​യാ​വ​രു​ത്. ജ​ന​ലും ബാ​ല്‍ക്ക​ണി​യും പൂ​ട്ടി താ​ക്കോ​ല്‍ കു​ട്ടി​ക​ള്‍ക്ക്​ കി​ട്ടാ​ത്ത​വി​ധം സൂ​ക്ഷി​ക്ക​ണം. ര​ക്ഷി​താ​ക്ക​ള്‍ വീ​ട്ടി​ല്‍ ഇ​ല്ലാ​ത്ത സ​മ​യം ജ​നാ​ല​ക​ള്‍ എ​ല്ലാം അ​ട​ച്ചി​ട​ണ​മെ​ന്നും അ​ധി​കൃ​ത​ര്‍ അ​റി​യി​ച്ചു.

അ​ശ്ര​ദ്ധ​മൂ​ല​മു​ണ്ടാ​കു​ന്ന സം​ഭ​വ​ങ്ങ​ളി​ല്‍ ര​ക്ഷി​താ​ക്ക​ള്‍ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്നും ഓ​ര്‍മി​പ്പി​ച്ചു. ബാ​ലാ​വ​കാ​ശ സം​ര​ക്ഷ​ണ നി​യ​മ​പ്ര​കാ​രം കു​റ്റ​ക്കാ​ര്‍ക്ക് ഒ​രു വ​ര്‍ഷം ത​ട​വോ 5000 ദി​ര്‍ഹം (ഒ​രു ല​ക്ഷം രൂ​പ) പി​ഴ​യോ ര​ണ്ടും ചേ​ര്‍ത്തോ ആ​ണ് ശി​ക്ഷ ല​ഭി​ക്കു​ക.