നീന്തല്‍ക്കുളങ്ങളില്‍ സുരക്ഷയും വൃത്തിയും ഉറപ്പാക്കണം- മുനിസിപ്പാലിറ്റി

അ​ബൂ​ദ​ബി: എ​മി​റേ​റ്റി​ലെ പൊ​തു, സ്വ​കാ​ര്യ നീ​ന്ത​ല്‍ക്കു​ള​ങ്ങ​ളു​ടെ സു​ര​ക്ഷ​യും വൃ​ത്തി​യും ഉ​റ​പ്പാ​ക്കാ​ന്‍ ബ​ന്ധ​പ്പെ​ട്ട​വ​ര്‍ ശ്ര​ദ്ധി​ക്ക​ണ​മെ​ന്ന് മു​നി​സി​പ്പാ​ലി​റ്റി ആ​വ​ശ്യ​പ്പെ​ട്ടു. നീ​ന്ത​ല്‍ക്കു​ള​ത്തി​ന്റെ സു​ര​ക്ഷ ഉ​റ​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട ബോ​ധ​വ​ത്ക​ര​ണ പ​രി​പാ​ടി​ക​ള്‍ അ​ധി​കൃ​ത​ര്‍ ന​ട​ത്തി​വ​രു​ക​യാ​ണ്. പൊ​തു നീ​ന്ത​ല്‍ക്കു​ള​ങ്ങ​ള്‍ പ്ര​വ​ര്‍ത്തി​ക്കു​ന്ന താ​മ​സ സ​മു​ച്ച​യ​ങ്ങ​ള്‍, ഹോ​ട്ട​ലു​ക​ള്‍, സ്വ​കാ​ര്യ വീ​ടു​ക​ള്‍ തു​ട​ങ്ങി​യ ഇ​ട​ങ്ങ​ളി​ലു​ള്ള​വ​ര്‍ക്കാ​ണ്​ ബോ​ധ​വ​ത്ക​ര​ണ കാ​മ്പ​യി​ൻ. നീ​ന്ത​ല്‍ക്കു​ളം നി​ര്‍മി​ക്കാ​ന്‍ ആ​ഗ്ര​ഹി​ക്കു​ന്ന​വ​ര്‍ക്ക് അ​പേ​ക്ഷ ന​ഗ​ര​സ​ഭ​യു​ടെ ഓ​ണ്‍ലൈ​ന്‍ വ​ഴി ന​ല്‍കാം.

നീ​ന്ത​ല്‍ക്കു​ളം ഉ​പ​യോ​ഗി​ക്കു​ന്ന​വ​ര്‍ക്കു​ള്ള നി​ര്‍ദേ​ശ​ങ്ങ​ളും അ​ധി​കൃ​ത​ര്‍ പു​റ​പ്പെ​ടു​വി​ച്ചി​ട്ടു​ണ്ട്. കു​ട്ടി​ക​ള്‍ മാ​ത്രം ഉ​പ​യോ​ഗി​ക്കു​ന്ന നീ​ന്ത​ല്‍ക്കു​ള​ത്തി​ല്‍ കൂ​ടു​ത​ല്‍ ജ​ലം നി​റ​ക്ക​രു​തെ​ന്നും അ​വ​രെ ത​നി​ച്ച് നീ​ന്ത​ല്‍ക്കു​ള​ത്തി​ല്‍ വി​ട​രു​തെ​ന്നും നി​ര്‍ദേ​ശ​മു​ണ്ട്. വേ​ന​ല​വ​ധി വ​രു​ന്ന സാ​ഹ​ച​ര്യ​ത്തി​ല്‍ കൂ​ടു​ത​ലാ​യി കു​ട്ടി​ക​ള്‍ നീ​ന്ത​ല്‍ പ​ഠി​ക്കാ​നും മ​റ്റും നീ​ന്ത​ല്‍ക്കു​ള​ങ്ങ​ളി​ല്‍ എ​ത്താ​റു​ണ്ട്. ആ​യ​തി​നാ​ല്‍ ആ​വ​ശ്യ​മാ​യ മു​ന്‍ക​രു​ത​ലു​ക​ള്‍ എ​ടു​ക്ക​ണം. ലൈ​ഫ് ജാ​ക്ക​റ്റ് ഉ​ള്‍പ്പെ​ടെ​യു​ള്ള സു​ര​ക്ഷാ സം​വി​ധാ​ന​ങ്ങ​ള്‍ നി​ര്‍ബ​ന്ധ​മാ​യും ധ​രി​ച്ചി​രി​ക്ക​ണം.

വീ​ടു​ക​ളി​ല്‍ നീ​ന്ത​ല്‍ക്കു​ളം നി​ര്‍മി​ക്കു​ന്ന​വ​ര്‍ ചു​റ്റും വേ​ലി​കെ​ട്ടി വേ​ര്‍തി​രി​ച്ചി​രി​ക്ക​ണം. നീ​ന്ത​ല്‍ക്കു​ള​ങ്ങ​ളി​ല്‍ ഗോ​വ​ണി​യു​ണ്ടാ​വ​ണം. ഉ​റ​പ്പു​ള്ള കൈ​വ​രി​ക​ള്‍ വേ​ണം. വ​ഴു​തി വീ​ഴാ​ത്ത രീ​തി​യി​ലാ​വ​ണം പ്ര​ത​ലം. നീ​ന്ത​ല്‍ക്കു​ള​ത്തി​ലേ​ക്കു​ള്ള വാ​തി​ല്‍ അ​ടി​ച്ചി​ടു​ന്ന​തി​ല്‍ സൂ​ക്ഷ്മ​ത പാ​ലി​ക്ക​ണ​മെ​ന്നും അ​ധി​കൃ​ത​ര്‍ ആ​വ​ശ്യ​പ്പെ​ട്ടു.