നാ​ലു പ​തി​റ്റാ​ണ്ടി​ന്‍റെ പ്ര​വാ​സം മ​തി​യാ​ക്കി ബ​ഷീ​ര്‍ നാ​ട​ണ​യു​ന്നു

അ​ജ്മാ​ന്‍: നാ​ലു പ​തി​റ്റാ​ണ്ടി​ന്‍റെ പ്ര​വാ​സം മ​തി​യാ​ക്കി നാ​ട​ണ​യു​ക​യാ​ണ് താ​നൂ​ര്‍ പു​ളി​ക്ക​ല്‍ ബ​ഷീ​ര്‍. 1985 ജൂ​ലൈ​യി​ലാ​ണ് ജ്യേ​ഷ്ഠ​ന്‍ അ​യ​ച്ച വി​സ​യി​ല്‍ ഇ​ദ്ദേ​ഹം മും​ബൈ​യി​ല്‍നി​ന്ന് ദു​ബൈ​യി​ല്‍ വി​മാ​ന​മി​റ​ങ്ങു​ന്ന​ത്. അ​ബൂ​ദ​ബി​യി​ലെ എ​യ​ര്‍പോ​ര്‍ട്ട് റോ​ഡി​ലെ ക​ര്‍ട്ട​ന്‍ ഷോ​പ്പി​ലും പി​ന്നീ​ട് ഇ​ല​ക്ട്രി​ക് വ​ര്‍ക്ക് അ​ട​ക്ക​മു​ള്ള ജോ​ലി​ക​ളും ചെ​യ്തു. അ​തി​നി​ടെ, 1987ല്‍ ​അ​ളി​യ​ന്‍റെ സ​ഹോ​ദ​ര​ന്‍ വ​ഴി ദു​ബൈ ഡി​ഫ​ന്‍സി​ല്‍ ജോ​ലി ശ​രി​യാ​യി. 15 വ​ര്‍ഷ​ത്തോ​ളം ദു​ബൈ​യി​ല്‍ ജോ​ലി ചെ​യ്ത ബ​ഷീ​ര്‍ പി​ന്നീ​ട് അ​ബൂ​ദ​ബി​യി​ലേ​ക്ക് മാ​റി.

ഇ​പ്പോ​ള്‍ വി​ര​മി​ക്കു​ന്ന​തു​വ​രെ അ​ബൂ​ദ​ബി ഡി​ഫ​ന്‍സി​ല്‍ ത​ന്നെ തു​ട​രു​ക​യാ​യി​രു​ന്നു. ഒ​പ്പം ജോ​ലി ചെ​യ്തി​രു​ന്ന പ​ല​രും നാ​ടു​പി​ടി​ച്ചു. ഇ​തി​നി​ട​യി​ല്‍ നി​ര​വ​ധി രാ​ജ്യ​ങ്ങ​ള്‍ സ​ന്ദ​ര്‍ശി​ക്കാ​ന്‍ അ​വ​സ​രം ല​ഭി​ച്ചു. ഉ​ന്ന​ത​മാ​യ സം​സ്കാ​രം വെ​ച്ചു​പു​ല​ര്‍ത്തു​ന്ന മേ​ലു​ദ്യോ​ഗ​സ്ഥ​രോ​ടൊ​പ്പം ജോ​ലി ചെ​യ്യാ​ന്‍ ക​ഴി​ഞ്ഞ​ത് വ​ലി​യ ഭാ​ഗ്യ​മാ​ണെ​ന്ന്​ ബ​ഷീ​ർ പ​റ​യു​ന്നു. വീ​ട്ടി​ലെ മാ​താ​പി​താ​ക്ക​ളെ വി​ളി​ച്ചി​രു​ന്നോ​യെ​ന്ന് എ​പ്പോ​ഴും അ​ന്വേ​ഷി​ക്കു​ന്ന​തും അ​തി​ന് വ​ലി​യ പ്രാ​ധാ​ന്യം ന​ല്‍കു​ന്ന​തു​മാ​യ ഉ​ദ്യോ​ഗ​സ്ഥ​രെ ജീ​വി​ത​ത്തി​ല്‍ ഒ​രി​ക്ക​ലും മ​റ​ക്കാ​ന്‍ ക​ഴി​യി​ല്ല.

പ്ര​വാ​സ ലോ​ക​ത്തെ ഈ ​ജോ​ലി​ക​ളാ​ണ് ത​ന്‍റെ ഇ​ന്ന​ത്തെ മെ​ച്ച​പ്പെ​ട്ട ജീ​വി​ത​സാ​ഹ​ച​ര്യ​ത്തി​ന് അ​വ​സ​രം ഒ​രു​ക്കി​യ​തെ​ന്ന് ബ​ഷീ​ര്‍ ന​ന്ദി​യോ​ടെ സ്മ​രി​ക്കു​ന്നു. ദു​ബൈ​യി​ലാ​യി​രു​ന്ന​പ്പോ​ള്‍ കെ.​എം.​സി.​സി​യു​മാ​യി സ​ഹ​ക​രി​ച്ച് പ്ര​വ​ർ​ത്തി​ച്ചു. അ​ബൂ​ദ​ബി​യി​ലേ​ക്ക് മാ​റി​യ​പ്പോ​ള്‍ ജോ​ലി​ത്തി​ര​ക്കാ​യി. ഭാ​ര്യ​യും ഒ​രു മ​ക​നും മൂ​ന്ന് പെ​ൺ​മ​ക്ക​ളു​മ​ട​ങ്ങു​ന്ന​താ​ണ് ബ​ഷീ​റി​ന്‍റെ കു​ടും​ബം.