എമിറേറ്റ്​സി​െൻറ വിമാന ശേഖരത്തിലേക്ക്​ നൂറാമത്​ എയർബസ്​ എ380 എത്തി

ദുബൈ: ലോകത്തെ ഏത്​ വിമാനക്കമ്പനിയും കൊതിക്കുന്ന നേട്ടമാണ്​ എമിറേറ്റ്​സ്​ വെള്ളിയാഴ്​ച കൈവരിച്ചത്​. അവരുടെ വിമാന ശേഖരത്തിലേക്ക്​ നൂറാമത്​ എയർബസ്​ എ380 എത്തി. നിലവിൽ ലഭ്യമായിരിക്കുന്ന യാത്രാവിമാനങ്ങളിൽ ഏറ്റവും വലുതാണ്​ ഇൗ ഇനം വിമാനം. യു.എ.ഇയുടെ പ്രഥമ പ്രസിഡൻറും രാഷ്​ട്ര പിതാവുമായ ശൈഖ്​ സായദ്​ ബിൻ സുൽത്താൻ അൽ നഹ്​യാ​​െൻറ നൂറാം ജന്മദിനത്തോടനുബന്ധിച്ച്​ 2018 ശൈഖ്​ സായദ്​ വർഷമായി ആ​ചരിക്കാനിരിക്കെ ആദരസൂചകമായി അദ്ദേഹത്തി​​െൻറ ചിത്രം ആലേഖനം ചെയ്​താണ്​ വിമാനം പുറത്തിറക്കിയിരിക്കുന്നത്​. ഹാംബർഗിലെ എയർബസ്​ കമ്പനിയിൽ സംഘടിപ്പിച്ച പ്രത്യേക ചടങ്ങിൽ വിമാനം കൈമാറി​. 
അടുത്ത മൂന്ന്​ വർഷത്തിനിടെ ഇത്തരം 42 വിമാനങ്ങൾ കൂടി എമിറേറ്റ്​സിന്​ സ്വന്തമാകും. കൂടുതൽ ആധുനികവും ഇന്ധനക്ഷമതയുള്ളതുമായ എ380പ്ലസ്​ ഇനത്തിൽപെട്ടവയും ഇവയിൽ ഉൾപ്പെ​േട്ടക്കും. റോൾസ്​റോയ്​സ്​ എഞ്ചിൻ ഘടിപ്പിച്ച വിമാനത്തി​​െൻറ ഫസ്​റ്റ്​ക്ലാസിൽ 14 പ്രൈവറ്റ്​ സ്യൂട്ടുകൾ ഉണ്ട്​. ബിസിനസ്​ ക്ലാസിൽ 76 സീറ്റും ഇക്കണോമിയിൽ 426 സീറ്റുകളുമാണുള്ളത്​. ഇത്തരം വിമാനങ്ങൾക്ക്​ എമിറേറ്റ്​സ്​ നൽകിയ ഒാഡറുകൾ മൂലം 41000 തൊഴിലവസരങ്ങളാണ്​ യൂറോപ്പിൽ ഉണ്ടായെന്ന്​ എയർബസ്​ അവകാശപ്പെടുന്നു​.
2008 ലാണ്​ ആദ്യത്തെ എ380 വിമാനം  എമിറേറ്റ്​സ്​ സ്വന്തമാക്കുന്നത്​. നിലവിൽ 48 ലക്ഷ്യങ്ങളിലേക്ക്​ ഇത്തരം വിമാനങ്ങൾ അയക്കുന്നുണ്ട്​. ദുബൈയിൽ നിന്ന്​ കുവൈറ്റിലേക്കുള്ള 851 കിലോമീറ്ററാണ്​ ഏറ്റവും കുറഞ്ഞ ദൂരം.  ഒാക്​ലാൻറിലേക്ക്​ 14193 കിലോമീറ്റർ താണ്ടിയും എമിറേറ്റ്​സി​​െൻറ എ380 എത്തുന്നുണ്ട്​. 1500 പൈലറ്റുമാരും 23000 കാബിൻ ജോലിക്കാരും ഇത്തരം വിമാനങ്ങൾക്ക്​ മാത്രമായി ഉണ്ട്​.
 71 വിമാനത്താവളങ്ങളിലേക്കായി 95000 ൽ കൂടുതൽ തവണ ഇവർ സർവീസ്​ നടത്തിക്കഴിഞ്ഞു.