ഫുഡ്​ എയിഡ്​ ദൗത്യവുമായി എമിറേറ്റ്​സ്​ ഫൗണ്ടേഷൻ; കൈകോർത്ത്​ ലുലു എക്​സ്​ചേഞ്ച്​, എഫ്​.എ.ബി

ദുബൈ: റമദാനിൽ ഭക്ഷണമില്ലാതെ ദുരിതമനുഭവിക്കുന്നവർക്ക്​ അന്നമെത്തിക്കാൻ എമിറേറ്റ്​സ്​ ഫൗണ്ടേഷൻ ഒരുക്കിയ ഫുഡ്​ എയിഡ്​ ദൗത്യത്തിൽ സജീവ പങ്കാളിത്തവുമായി ഫസ്​റ്റ്​ അബൂദബി ബാങ്കും ലുലു എക്​സ്​ചേഞ്ചും​. കോവിഡ്​ പ്രതിസന്ധിമൂലം ദുരിതത്തിലായ രാജ്യത്തെ ആയിരക്കണക്കിന്​ അർഹരായ കുടുംബങ്ങൾക്കാണ്​ യു.എ.ഇ സായുധസേന ഉപ സർവ സൈന്യാധിപനും അബൂദബി കിരീടാവകാശിയുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ തുടക്കമിട്ട എമിറേറ്റ്​സ്​ ഫൗണ്ടേഷൻ ആഹാര വസ്​തുക്കളും ഭക്ഷണ സാമഗ്രികളുമടങ്ങളുന്ന 16,000ലേറെ പെട്ടികളെത്തിക്കുന്നത്​. വളണ്ടിയർമാർ മുഖേനെ ആളുകളിലേക്ക്​ ഇവ എത്തിച്ചു നൽകുന്ന ഉത്തരവാദിത്വവും ലുലു എക്​സ്​ചേഞ്ച്​ ആണ്​ നിർവഹിക്കുന്നത്​. 

എമിറേറ്റ്​ ഫൗ​ണ്ടേഷ​​െൻറ പദ്ധതിക്ക്​ സന്നദ്ധസേവന പങ്കാളിത്തം നൽകുന്നത്​ അതീവ സന്തോഷകരമാണെന്ന്​ ലുലു ഫിനാൻഷ്യൽ ഗ്രൂപ്പ്​ എം.ഡി അദീബ്​ അഹ്​മദ്​ പറഞ്ഞു. ഉത്തരവാദിത്വമുള്ള ഒരു കോർപ്പറേറ്റ്​ സ്​ഥാപനം എന്ന നിലയിൽ സമൂഹത്തിന്​ നൻമകൾ തിരികെ നൽകുന്നത്​ ഒരു ദൗത്യമായി തന്നെ തങ്ങൾ കരുതിപ്പോരുന്നുവെന്ന്​ അദീബ്​ അഹ്​മദ്​ പറഞ്ഞു. 

ഏറ്റവും ഉചിതമായ സമയത്ത്​ സമൂഹത്തിന്​ പിന്തുണയേകാൻ കൈകോർത്ത ലുലു എക്​സ്​ചേഞ്ചി​​െൻറയും ഫസ്​റ്റ്​ അബൂദബി ബാങ്കി​​െൻറയും പ്രവർത്തനം ഏറെ മാതൃകാപരമാണെന്ന്​ എമിറേറ്റ്​സ്​ ഫൗ​ണ്ടേഷൻ ചീഫ്​ ഒാഫ്​ സ്​റ്റാഫ്​ മൊഹന്ന അൽ മുഹൈരി അഭിപ്രായപ്പെട്ടു.