Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightബുർജിന്​ മുകളിൽ...

ബുർജിന്​ മുകളിൽ വീണ്ടും എമിറേറ്റ്​സിന്‍റെ 'എയർഹോസ്റ്റസ്​'

text_fields
bookmark_border
ബുർജിന്​ മുകളിൽ വീണ്ടും എമിറേറ്റ്​സിന്‍റെ എയർഹോസ്റ്റസ്​
cancel

ദുബൈ: കഴിഞ്ഞ വർഷം ആഗസ്റ്റിൽ എമിറേറ്റ്​സ്​ എയർലൈൻസ്​ സാമൂഹിക മാധ്യമങ്ങളിലൂടെ പുറത്തുവിട്ട വീഡിയോ കണ്ടവരെല്ലാം അൽഭുതപ്പെട്ടിരുന്നു. ലോകത്തെ ഏറ്റവും ഉയരം കൂടിയ കെട്ടിടമായ ബുർജ്​ ഖലീഫയുടെ മുകളിൽ എയർഹോസ്​റ്റസിന്‍റെ വേഷത്തിൽ ഒരാൾ നിൽക്കുന്നതായിരുന്നു വീഡിയോ.

നികോൾ സ്​മിത്ത്​ ലുഡ്​വിക്​ എന്ന സ്​കൈഡൈവറായിരുന്നു അതിസാഹസികമായ വീഡിയോയിൽ എയർഹോസ്റ്റസായി ​വേഷമിട്ടത്​. ലോകം മുഴുവൻ ശ്രദ്ധിച്ച വീഡിയോക്ക്​ പുതിയ പതിപ്പുമായി രംഗത്തെത്തിയിരിക്കുകയാണ്​ എമിറേറ്റ്​സ്​. വെള്ളിയാഴ്ച പുറത്തുവിട്ട പുതിയ വീഡിയോയിലും നികോൾ ലുഡ്​വിക് പഴയ എയർഹോസ്റ്റസ്​ വേഷത്തിൽ തന്നെയാണ്​ എത്തിയിരിക്കുന്നത്​. ഇത്തവണ എക്സ്​പോ 2020ദുബൈയിലേക്ക്​ ആളുകളെ ക്ഷണിച്ചുകൊണ്ടുള്ളതാണ്​ വീഡിയോ. ​

നേരത്തെ, ബ്രിട്ടൻ യു.എ.ഇയെ യാത്രവിലക്കുള്ള പട്ടികയിൽ നിന്ന്​ ഒഴിവാക്കിയതിന്​ നന്ദി പറയുന്നതായിരുന്നു വീഡിയോയിലെ ഉള്ളടക്കം. 'ഞാനിവിടെ തന്നെയുണ്ട്​, എനിക്ക്​ ഇവിടെ നിന്ന്​ ദുബൈ എക്സ്​പോ കാണാം' എന്ന പ്ലക്കാർഡാണ്​ പുതിയ വീഡിയോയിൽ എയർഹോസ്റ്റസ്​ കാണിക്കുന്നത്​. പലക്കാർഡുകൾ കാണിച്ചുകൊണ്ടിരിക്കെ ഇവരുടെ പിറകിലൂടെ ലോകത്തെ തന്നെ ഏറ്റവും വലിയ പാസഞ്ചർ വിമാനമായ എമിറേറ്റ്​സ്​-എ380 കടന്നുപോകുന്നതും പുതിയ വീഡിയോയുടെ സവിശേഷതയാണ്​.

എക്സ്​പോയിലേക്ക്​ സ്വാഗതം ചെയ്യുന്ന ബഹുവർണ ചിത്രങ്ങൾ പതിച്ച വിമാനമാണിത്​. വിമാനം എക്സ്​പോ നഗരിയിലേക്ക്​ പറന്നകലുമ്പോൾ​ എയർഹോസ്റ്റസ്​ കൈവീശി കാണിക്കുന്നതായാണ്​ വീഡിയോ അവസാനിക്കുന്നത്​.


Show Full Article
TAGS:Emirate airhostess Burj 
News Summary - Emirates' airhostess again on top of Burj
Next Story