എങ്ങും പെരുന്നാൾ നിറവ്...

ദു​ബൈ: Emarat rejoices in the celebration of Eid. സ്വ​​ദേ​ശി​ക​ളും വി​ദേ​ശി​ക​ളും ഒ​രേ മ​ന​സ്സോ​ടെ ആ​ഘോ​ഷി​ക്കു​ന്ന പെ​രു​ന്നാ​ൾ ക​ഴി​ഞ്ഞ ര​ണ്ടു വ​ർ​ഷ​ങ്ങ​ളി​ലെ പോ​ലെ കോ​വി​ഡ്​ ജാ​ഗ്ര​ത കൈ​വി​ടാ​തെ​യാ​യി​രി​ക്കും. എ​ന്നാ​ൽ, ഈ​ദ്​​ഗാ​ഹു​ക​ളും മ​റ്റ് ഒ​ത്തു ചേ​ര​ലു​ക​ളും മു​ട​ക്ക​മി​ല്ലാ​തെ ന​ട​ക്കും. പ്ര​വാ​സി കൂ​ട്ടാ​യ്മ​ക​ളും പ​ല​വി​ധ പ​രി​പാ​ടി​ക​ൾ ഇ​ത്ത​വ​ണ ഒ​രു​ക്കി​യി​ട്ടു​ണ്ട്. എ​ന്നാ​ൽ, കോ​വി​ഡ്​ ജാ​ഗ്ര​ത പാ​ലി​ച്ചു​വേ​ണം ആ​ഘോ​ഷ​ങ്ങ​ളെ​ന്ന്​ അ​ധി​കൃ​ത​ർ ആ​വ​ശ്യ​പ്പെ​ട്ടി​ട്ടു​ണ്ട്.

യു.​എ.​ഇ​യി​ൽ പ​ള്ളി​ക​ളി​ലും ഈ​ദ്​ ഗാ​ഹു​ക​ളി​ലും പെ​രു​ന്നാ​ൾ ന​മ​സ്കാ​ര​ങ്ങ​ൾ ന​ട​ക്കും. ന​മ​സ്കാ​ര​വും ഖു​തു​ബ​യും 20 മി​നി​റ്റി​ൽ അ​വ​സാ​നി​പ്പി​ക്ക​ണ​മെ​ന്നാ​ണ്​ നി​​ശ്ച​യി​ച്ചി​ട്ടു​ള്ള​ത്. ന​മ​സ്കാ​ര സ്ഥ​ല​ത്ത്​ മാ​സ്ക്​ ധ​രി​ക്ക​ണം, ഒ​രു മീ​റ്റ​ർ സാ​മൂ​ഹി​ക അ​ക​ലം പാ​ലി​ക്ക​ണം, ന​മ​സ്കാ​ര​പ്പാ​യ കൊ​ണ്ടു​വ​ര​ണം, ജ​ന​ക്കൂ​ട്ടം ഒ​ഴി​വാ​ക്കു​ന്ന​തി​ന്​ പ്ര​വേ​ശ​ന ക​വാ​ട​ത്തി​ൽ പൊ​ലീ​സ്​-​വ​ള​ന്റി​യ​ർ നി​യ​ന്ത്ര​ണ​മു​ണ്ടാ​കും, പ​ള്ളി​ക​ളും ഈ​ദ്ഗാ​ഹു​ക​ളും സു​ബ്​​ഹ്​ ന​മ​സ്കാ​ര​ത്തി​ന്​ ശേ​ഷം തു​റ​ക്കും, ഒ​ത്തു​കൂ​ട​ലും ഹ​സ്ത​ദാ​ന​വും ഒ​ഴി​വാ​ക്ക​ണം എ​ന്നീ​ നി​ർ​ദേ​ശ​ങ്ങ​ളും അ​ധി​കൃ​ത​ർ ന​ൽ​കി​യി​ട്ടു​ണ്ട്. ബ​ലി​യ​റു​ക്കു​ന്ന​തി​ന്​ വി​പു​ല​മാ​യ സം​വി​ധാ​ന​ങ്ങ​ൾ വി​വി​ധ എ​മി​റേ​റ്റു​ക​ളി​ൽ ഒ​രു​ക്കി​യി​ട്ടു​ണ്ട്. സ​ർ​ക്കാ​ർ-​സ്വ​കാ​ര്യ സ്ഥാ​പ​ന​ങ്ങ​ൾ​ക്ക്​ ബ​ലി പെ​രു​ന്നാ​ൾ അ​വ​ധി വെ​ള്ളി​യാ​ഴ്ച മു​ത​ൽ നാ​ലു​ദി​വ​സ​മാ​ണ്​ പ്ര​ഖ്യാ​പി​ച്ചി​രി​ക്കു​ന്ന​ത്. അ​വ​ധി ക​ഴി​ഞ്ഞ്​ ചൊ​വ്വാ​ഴ്ച​യാ​ണ്​ അ​ടു​ത്ത പ്ര​വൃ​ത്തി ദി​വ​സം. അ​വ​ധി ദി​വ​സ​ങ്ങ​ളി​ൽ വി​വി​ധ എ​മി​റേ​റ്റു​ക​ളി​ൽ സൗ​ജ​ന്യ പാ​ർ​ക്കി​ങ്​ ഏ​ർ​പ്പെ​ടു​ത്തി​യി​ട്ടു​ണ്ട്. റോ​ഡ്​ അ​പ​ക​ട​ങ്ങ​ൾ ഒ​ഴി​വാ​ക്കു​ന്ന​തി​ന്​ ​നി​ശ്ച​യി​ച്ച വേ​ഗ​പ​രി​ധി​ക​ൾ പാ​ലി​ക്ക​ണ​മെ​ന്നും പൊ​ലീ​സ്​ ആ​വ​ശ്യ​പ്പെ​ട്ടി​ട്ടു​ണ്ട്. ആ​ഘോ​ഷ​ങ്ങ​ൾ​ക്ക്​ സു​ര​ക്ഷ വ​ർ​ധി​പ്പി​ക്കാ​നാ​യി എ​ല്ലാ റോ​ഡു​ക​ളി​ലും മാ​ർ​ക്ക​റ്റു​ക​ളി​ലും വാ​ണി​ജ്യ മേ​ഖ​ല​ക​ളി​ലും പ​ട്രോ​ളി​ങ്​ ശ​ക്​​ത​മാ​ക്കി​യി​ട്ടു​ണ്ട്. പെ​രു​ന്നാ​ൾ അ​വ​ധി ദി​ന​ങ്ങ​ളെ​ത്തി​യ​തോ​ടെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ തി​ര​ക്ക്​ വ​ർ​ധി​ച്ചി​ട്ടു​ണ്ട്