അ​ത്ര ചെ​റു​ത​ല്ല, ഇൗ ​പെ​രു​ന്നാ​ൾ  സ​ന്തോ​ഷം 

ദു​ബൈ: മ​ഹാ​മാ​രി തീ​ർ​ത്ത നി​ശ്ച​ലാ​വ​സ്ഥ​യെ അ​തി​ജീ​വി​ക്കാ​നു​ള്ള യ​ത്ന​ത്തി​ലാ​ണ് ലോ​കം. പ്ര​തി​സ​ന്ധി​ക​ളെ മ​റി​ക​ട​ന്നു മു​ന്നേ​റു​മ്പോ​ഴും പ്ര​യാ​സ​ങ്ങ​ളി​ൽ ത​ന്നെ​യാ​ണ് പ്ര​വാ​സ​ലോ​ക​വും. ഇൗ​യൊ​രു സ്തം​ഭ​നാ​വ​സ്ഥ​യി​ലേ​ക്കാ​ണ് നി​റ​പ്പ​കി​ട്ടൊ​ന്നു​മി​ല്ലാ​തെ പെ​രു​ന്നാ​ൾ വ​ന്ന​ണ​യു​ന്ന​ത്. ഓ​രോ രാ​ജ്യ​ങ്ങ​ളും കൊ​ട്ടി​യ​ട​ക്ക​പ്പെ​ട്ട​തോ​ടെ ക​ഴി​യു​ന്നി​ട​ത്തു​ത​ന്നെ തു​ട​രു​ക​യെ​ന്ന കേ​ട്ടു​കേ​ൾ​വി​യി​ല്ലാ​ത്ത ആ​ജ്ഞ​യി​ലാ​ണ് പെ​രു​ന്നാ​ളും. എ​ന്നാ​ൽ, ആ​ഘോ​ഷ​ങ്ങ​ളൊ​ന്നു​മി​ല്ലാ​ത്ത പെ​രു​ന്നാ​ൾ ദി​ന​ത്തി​ലും ആ​ഹ്ലാ​ദ​ത്തി​നു​ള്ള ചി​ല സ​ന്തോ​ഷ​ങ്ങ​ൾ വി​രു​ന്നെ​ത്തി​യി​ട്ടു​ണ്ട് പ്ര​വാ​സ​മ​ണ്ണി​ൽ. 

രോ​ഗ​പീ​ഡ​ക​ൾ തീ​ർ​ക്കു​ന്ന വേ​ദ​ന​യാ​ൽ ക​ഴി​ഞ്ഞ്, പ്ര​വാ​സ​ലോ​ക​ത്തെ ക​ണ്ണീ​രാ​യി മാ​റി​യ ര​ണ്ടു​പേ​ർ​ക്ക് നാ​ട​ണ​യാ​ൻ മ​ട​ക്ക​ടി​ക്ക​റ്റ് ല​ഭി​ച്ചു​വെ​ന്ന​താ​ണ് ഇൗ ​ചെ​റി​യ പെ​രു​ന്നാ​ൾ സു​ദി​ന​ത്തി​ലെ വ​ലി​യ സ​ന്തോ​ഷം. മാ​റാ​രോ​ഗ​ത്താ​ലും തീ​രാ​വേ​ദ​ന​യാ​ലും ക​ഴി​ഞ്ഞ ഇ​വ​രു​ടെ ദു​രി​ത​ജീ​വി​തം യു.​എ.​ഇ​യി​ലെ മ​ല​യാ​ളി​ക​ൾ നി​റ​ക​ണ്ണു​ക​ളോ​ടെ​യാ​ണ് വാ​യി​ച്ച​ത്. 

വേ​ദ​ന സ​ഹി​ച്ച് അ​ൽ​ഐ​നി​ൽ ക​ഴി​ഞ്ഞി​രു​ന്ന തി​രൂ​ർ സ്വ​ദേ​ശി അ​ബ്​​ദു​റ​ഹ്മാ​ൻ ശ​നി​യാ​ഴ്ച നാ​ട്ടി​ലേ​ക്ക് തി​രി​ച്ചു. ബാ​ച്ചി​ല​ർ മു​റി​യി​ൽ ക​ഴി​ഞ്ഞി​രു​ന്ന മ​ല​പ്പു​റം ച​ങ്ങ​രം​കു​ള​ത്തെ ഇ​സ്മാ​യി​ൽ 26ന് ​നാ​ട്ടി​ലേ​ക്ക് മ​ട​ങ്ങും. ദു​രി​ത​ങ്ങ​ൾ​ക്കി​ട​യി​ലും ചി​ല മു​ഖ​ങ്ങ​ളി​ൽ നി​റ​ക​ൺ​ചി​രി വി​രി​യി​ക്കു​ന്നു​ണ്ടെ​ന്ന സ​ന്തോ​ഷം ത​ന്നെ​യാ​ണ് പ്ര​തീ​ക്ഷ​യു​ടെ പെ​രു​ന്നാ​ൾ പ​ക​ർ​ന്നു​വെ​ക്കു​ന്ന​ത്. 

ചോ​ദ്യ​ങ്ങ​ൾ​ക്ക് ഉ​ത്ത​ര​മാ​യി; ഇ​സ്മാ​യി​ൽ  26ന് ​നാ​ട്ടി​ലേ​ക്ക് മ​ട​ങ്ങും 
ദു​ബൈ: ‘എ​നി​ക്ക് എ​ന്നാ​ണ് നാ​ട്ടി​ലേ​ക്ക് പോ​കാ​നാ​വു​ക?’ എ​ന്ന ഇ​സ്മാ​യി​ലി​​െൻറ ചോ​ദ്യ​ത്തി​ന് ഒ​ടു​വി​ൽ ഉ​ത്ത​രം ല​ഭി​ച്ചി​രി​ക്കു​ന്നു. പാ​ർ​ക്കി​ൻ​സ​ൺ​സ് രോ​ഗ​ത്താ​ൽ വ​ല​ഞ്ഞ് ശ​രീ​ര​മാ​കെ വി​റ​യ​ൽ അ​നു​ഭ​വ​പ്പെ​ട്ട് ബാ​ച്ചി​ല​ർ മു​റി​യി​ൽ ക​ഴി​ഞ്ഞി​രു​ന്ന മ​ല​പ്പു​റം സ്വ​ദേ​ശി ഇ​സ്മാ​യി​ലി​ന് നാ​ട്ടി​ലേ​ക്കു​ള്ള വാ​തി​ൽ തു​റ​ന്നി​രി​ക്കു​ന്നു. ഇ​തി​നു​ള്ള അ​നു​മ​തി​ക​ളെ​ല്ലാം ല​ഭി​ച്ച​താ​യി ഇ​സ്മാ​യി​ലും മു​റി​യി​ലു​ള്ള​വ​രും ആ​ന​ന്ദാ​ശ്രു​ക്ക​ളോ​ടെ പ​റ​ഞ്ഞു. 26ന് ​ഉ​ച്ച​ക്ക് ദു​ബൈ​യി​ൽ​നി​ന്ന് കൊ​ച്ചി​യി​ലേ​ക്ക് പ​റ​ക്കു​ന്ന വി​മാ​ന​ത്തി​ൽ അ​ദ്ദേ​ഹം പി​റ​ന്ന മ​ണ്ണി​ലേ​ക്ക് യാ​ത്ര തി​രി​ക്കും. പ്ര​വാ​സ​ഭൂ​മി ഇ​ന്നേ​വ​രെ ക​ണ്ടി​ട്ടി​ല്ലാ​ത്ത വി​ധ​ത്തി​ൽ സ​ർ​വ​സ​ന്നാ​ഹ​ത്തോ​ടെ യാ​ത്ര​ക്കാ​രു​മാ​യി ആ​ദ്യ വി​മാ​നം മ​ല​യാ​ള​ക്ക​ര​യി​ലേ​ക്ക് പ​റ​ന്ന ദി​വ​സം നി​രാ​ശ​നാ​യി  മു​റി​യി​ൽ ത​ന്നെ രോ​ഗ​പീ​ഡ​യാ​ൽ ക​ഴി​ഞ്ഞ ഇ​സ്മാ​യി​ലി​​െൻറ ദു​രി​ത​ജീ​വി​തം ‘ഗ​ൾ​ഫ് മാ​ധ്യ​മം’ റി​പ്പോ​ർ​ട്ട് ചെ​യ്തി​രു​ന്നു. വാ​ർ​ത്ത ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്ന് സാ​മൂ​ഹി​ക പ്ര​വ​ർ​ത്ത​ക​രും സ​ന്ന​ദ്ധ പ്ര​വ​ർ​ത്ത​ക​രും ന​ട​ത്തി​യ ഇ​ട​പെ​ട​ലു​ക​ളെ തു​ട​ർ​ന്നാ​ണ് വേ​ഗ​ത്തി​ൽ ത​ന്നെ നാ​ട​ണ​യാ​ൻ സ​ഹാ​യ​ക​ര​മാ​യ​തെ​ന്ന് കൂ​ടെ​യു​ള്ള​വ​ർ പ​റ​ഞ്ഞു. 

മൂ​ന്ന​ര പ​തി​റ്റാ​ണ്ടു​മു​മ്പ് ദു​ബൈ​യി​ൽ തൊ​ഴി​ൽ തേ​ടി​യെ​ത്തി​യ മ​ല​പ്പു​റം ച​ങ്ങ​രം​കു​ള​ത്തെ ഇ​സ്മാ​യി​ൽ നാ​ളി​തു​വ​രെ വി​വി​ധ ഗ്രോ​സ​റി​ക​ളി​ലെ ജീ​വ​ന​ക്കാ​ര​നാ​യി​രു​ന്നു.  കു​ടും​ബ​ത്തി​ന് താ​ങ്ങാ​വു​ന്ന​തി​നാ​യി നേ​ര​വും കാ​ല​വും നോ​ക്കാ​തെ ഉ​ത്സാ​ഹ​ത്തോ​ടെ ഓ​ടി​ന​ട​ന്ന് ഇ​സ്മാ​യി​ൽ ജോ​ലി ചെ​യ്തു. ഇ​തി​നി​ട​യി​ൽ എ​ട്ടു​വ​ർ​ഷം മു​മ്പ് ക​ട​ന്നു​വ​ന്ന പാ​ർ​ക്കി​ൻ​സ​ൺ​സ് രോ​ഗ​മാ​ണ് ജീ​വി​ത​ത്തി​ൽ വി​ല്ല​നാ​യ​ത്. എ​ന്നി​ട്ടും വി​ഷ​മ​ത​ക​ൾ ഏ​റെ സ​ഹി​ച്ച് ഏ​ഴു വ​ർ​ഷ​ത്തോ​ളം വീ​ണ്ടും ജോ​ലി ചെ​യ്തു. ഒ​ടു​വി​ൽ ഉ​ടു​തു​ണി ഉ​ടു​ക്കാ​ൻ പോ​ലും വി​റ​യാ​ർ​ന്ന കൈ​ക​ൾ വ​ഴ​ങ്ങാ​തെ വ​ന്ന​തോ​ടെ, പ്ര​തീ​ക്ഷ​ക​ളു​ടെ നാ​ട്ടി​ൽ​നി​ന്ന് പി​റ​ന്ന മ​ണ്ണി​ലേ​ക്കു​ള്ള തി​രി​കെ​യാ​ത്ര​ക്ക് മ​ന​സ്സി​നെ പ​റ​ഞ്ഞു സ​മ്മ​തി​പ്പി​ച്ചു. നാ​ട്ടി​ലേ​ക്ക് മ​ട​ങ്ങു​ന്ന​തി​നാ​യി വി​സ കാ​ൻ​സ​ൽ ചെ​യ്തു ത​യാ​റെ​ടു​പ്പു​ക​ൾ ന​ട​ത്തു​ന്ന​തി​നി​ടെ​യാ​ണ് കോ​വി​ഡി​​െൻറ ക​ട​ന്നു​വ​ര​വ്. പി​ന്നാ​ലെ സ​ർ​വം വി​ല​ക്കി​ലാ​യ​തോ​ടെ ഇ​സ്മാ​യി​ലും മു​റി​യു​ടെ നാ​ലു ചു​വ​രു​ക​ൾ​ക്കു​ള്ളി​ലൊ​തു​ങ്ങി.

നാ​ട്ടി​ലേ​ക്ക് മ​ട​ങ്ങാ​ൻ ആ​ഗ്ര​ഹി​ക്കു​ന്ന​വ​ർ പേ​ര് ര​ജി​സ്​​റ്റ​ർ ചെ​യ്യ​ണ​മെ​ന്ന നി​ർ​ദേ​ശം വ​ന്ന​തോ​ടെ നോ​ർ​ക്ക​യി​ലും എം​ബ​സി​യി​ലു​മെ​ല്ലാം, രോ​ഗി​യാ​ണെ​ന്ന് പ്ര​ത്യേ​കം സൂ​ചി​പ്പി​ച്ചു​ത​ന്നെ ഇ​സ്മാ​യി​ൽ ര​ജി​സ്​​റ്റ​ർ ചെ​യ്തു. എ​ന്നാ​ൽ, ദു​രി​ത​ത്തി​നി​ട​യി​ലും ആ​ദ്യ​വി​മാ​ന​ത്തി​ൽ നാ​ട്ടി​ലേ​ക്ക് തി​രി​ക്കാ​മെ​ന്ന പ്ര​തീ​ക്ഷ​യി​ൽ ക​ഴി​ഞ്ഞി​രു​ന്ന ഇ​സ്മാ​യി​ൽ, വി​മാ​നം പ​റ​ക്കു​ന്ന​ത് ക​ണ്ട​ത് മു​റി​യി​ലി​രു​ന്ന് ടി.​വി​യി​ലൂ​ടെ​യാ​യി​രു​ന്നു. സ്ഥി​രം ക​ഴി​ക്കേ​ണ്ട മ​രു​ന്നു​ക​ൾ തീ​ർ​ന്ന്​ നാ​ളു​ക​ൾ പി​ന്നി​ട്ട​തും പ്ര​ശ്നം രൂ​ക്ഷ​മാ​ക്കി​യി​രു​ന്നു. 

‘‘എ​ന്താ​യാ​ലും ലാ​സ്​​റ്റി​ല് എ​​െൻറ പേ​ര് വ​ന്നു, നാ​ട്ടി​ൽ പോ​യി​ട്ട്​ ചി​കി​ത്സ തു​ട​ര​ണം. അ​ല്ലാ​തെ വി​റ​ക്കു​ന്ന ശ​രീ​ര​വു​മാ​യി എ​ങ്ങ​നെ ക​ഴി​യാ​നാ’’ - പ്ര​തീ​ക്ഷ നി​റ​ഞ്ഞ വാ​ക്കു​ക​ളാ​ൽ ഇ​സ്മാ​യി​ൽ ന​ന്ദി പ​റ​ഞ്ഞു. ഇ​സ്മാ​യി​ൽ താ​മ​സി​ക്കു​ന്ന ബാ​ച്ചി​ല​ർ മു​റി ഒ​ന്ന​ട​ങ്കം പ്രി​യ​പ്പെ​ട്ട അ​വ​രു​ടെ ഇ​ക്ക​യെ നാ​ട്ടി​ലേ​ക്ക് യാ​ത്ര​യ​യ​ക്കു​ന്ന ത​യാ​റെ​ടു​പ്പി​ലാ​ണി​പ്പോ​ൾ. ശ​രീ​ര​മാ​കെ വി​റ​യാ​ൽ മൂ​ടു​ന്ന ഇ​സ്മാ​യി​ലി​​െൻറ ജീ​വി​തം അ​ത്ര​യേ​റെ വേ​ദ​ന​യാ​യി​രു​ന്നു കൂ​ടെ താ​മ​സി​ക്കു​ന്ന​വ​രി​ലു​മു​ണ്ടാ​ക്കി​യ​ത്. 

ചേ​ർ​ത്തു​പി​ടി​ച്ച​വ​ർ​ക്കെ​ല്ലാം ന​ന്ദി​പ​റ​ഞ്ഞ് അ​ബ്​​ദു​റ​ഹ്മാ​ൻ നാ​ട​ണ​ഞ്ഞു 
ദു​ബൈ: നി​ൽ​ക്കാ​നും ഇ​രി​ക്കാ​നും പ​റ്റാ​ത്ത വേ​ദ​ന​യി​ൽ ജീ​വി​ച്ച തി​രൂ​ർ സ്വ​ദേ​ശി ഒ​ടു​വി​ൽ ആ​ശ്വാ​സ​ത്തോ​ടെ നാ​ട്ടി​ലേ​ക്ക് പ​റ​ന്നു. വെ​രി​ക്കോ​സ് വെ​യി​നും പ്ര​മേ​ഹ​വും ബാ​ധി​ച്ച് അ​ൽ​ഐ​നി​ൽ വേ​ദ​ന​തി​ന്ന് ക​ഴി​ഞ്ഞി​രു​ന്ന അ​ബ്​​ദു​റ​ഹ്മാ​ന് സു​മ​ന​സ്സു​ക​ളു​ടെ സ​ഹാ​യ​ഹ​സ്ത​മാ​ണ് നാ​ട്ടി​ലേ​ക്കു​ള്ള വ​ഴി​യൊ​രു​ക്കി​യ​ത്. അ​ൽ​ഐ​നി​ലെ മു​റി​യി​ൽ േവ​ദ​ന​യാ​ൽ പു​ള​യു​ന്ന ഇ​ദ്ദേ​ഹ​ത്തി​​െൻറ ജീ​വി​താ​വ​സ്ഥ വി​ശ​ദീ​ക​രി​ച്ച് ‘ഗ​ൾ​ഫ് മാ​ധ്യ​മം’ പ്ര​സി​ദ്ധീ​ക​രി​ച്ച വാ​ർ​ത്ത​യെ തു​ട​ർ​ന്നാ​ണ് സാ​മൂ​ഹി​ക സ​ന്ന​ദ്ധ സം​ഘ​ട​ന​ക​ളും കാ​രു​ണ്യ പ്ര​വ​ർ​ത്ത​ക​രും അ​ബ്​​ദു​റ​ഹ്മാ​നെ ചേ​ർ​ത്തു​പി​ടി​ക്കാ​നെ​ത്തി​യ​ത്. 

നാ​ട്ടി​ലേ​ക്ക് മ​ട​ങ്ങാ​നാ​വാ​തെ ദു​രി​ത​ത്തി​ൽ ക​ഴി​യു​ന്ന ഇ​ദ്ദേ​ഹ​ത്തി​​െൻറ രോ​ഗ​കാ​ഠി​ന്യ​വും ജീ​വി​താ​വ​സ്ഥ​യും സ​ന്ന​ദ്ധ സം​ഘ​ട​ന​ക​ൾ എം​ബ​സി അ​ധി​കൃ​ത​ർ​ക്ക് മു​മ്പാ​കെ ബോ​ധ്യ​പ്പെ​ടു​ത്തി​യ​തി​നെ തു​ട​ർ​ന്നാ​ണ് വ​ള​രെ വേ​ഗ​ത്തി​ൽ ത​ന്നെ തി​രി​കെ യാ​ത്ര​ക്കു​ള്ള അ​വ​സ​ര​മൊ​രു​ങ്ങി​യ​ത്. കെ.​എം.​സി.​സി, ഐ.​സി.​സി, പ്ര​വാ​സി ഇ​ന്ത്യ, ടീം ​തി​രൂ​ർ തു​ട​ങ്ങി നി​ര​വ​ധി സം​ഘ​ട​ന​ക​ളാ​ണ് കാ​രു​ണ്യ​വാ​യ്പു​ക​ളു​മാ​യി ഇ​ദ്ദേ​ഹ​ത്തി​​െൻറ കാ​ര്യ​ങ്ങ​ളി​ൽ ഇ​ട​പെ​ടാ​നെ​ത്തി​യ​ത്. ഒ​ടു​വി​ൽ കെ.​എം.​സി.​സി സ​മ്മാ​നി​ച്ച ടി​ക്ക​റ്റു​മാ​യി ശ​നി​യാ​ഴ്ച ഉ​ച്ച​ക്കാ​ണ് അ​ബ്​​ദു​റ​ഹ്മാ​ൻ നാ​ട്ടി​ലേ​ക്ക് തി​രി​ച്ച​ത്.

‘‘എ​ല്ലാ​ത്തി​നും എ​ല്ലാ​രോ​ടും ന​ന്ദി​യു​ണ്ട്, ഇ​തു​പോ​ലെ മ​ട​ങ്ങാ​നാ​കു​മെ​ന്ന് ക​രു​തി​യ​ത​ല്ല. പ​ട​ച്ചോ​​െൻറ കൃ​പ​യും നി​ങ്ങ​ളു​ടെ​യെ​ല്ലാം സ​ഹാ​യ​വും’’- ക​ണ്ണീ​രാ​ൽ വി​തു​മ്പി അ​ബ്​​ദു​റ​ഹ്മാ​ൻ പ​റ​ഞ്ഞു. ദു​ബൈ​യി​ൽ​നി​ന്ന് ക​ണ്ണൂ​രി​ലേ​ക്കാ​ണ് യാ​ത്ര. അ​വി​ടെ​നി​ന്ന് ജി​ല്ല ഭ​ര​ണ​കൂ​ട​ത്തി​​െൻറ​യും ഡി.​എം.​ഒ​യു​ടെ​യും നി​ർ​ദേ​ശ​പ്ര​കാ​രം മ​ല​പ്പു​റ​ത്തേ​ക്ക് തി​രി​ക്കു​മെ​ന്ന് അ​ദ്ദേ​ഹം പ​റ​ഞ്ഞു. 

മൂ​ന്ന​ര പ​തി​റ്റാ​ണ്ടു കാ​ല​ത്തോ​ളം ഗ​ൾ​ഫ് രാ​ജ്യ​ങ്ങ​ളി​ൽ ജോ​ലി​യെ​ടു​ത്ത ഇ​ദ്ദേ​ഹം പ്ര​വാ​സ​ത്തി​​െൻറ എ​ല്ലാ ഭാ​ര​ങ്ങ​ളും ഇ​റ​ക്കി​വെ​ച്ച് സ്വ​സ്ഥ​മാ​കാ​ൻ നാ​ട്ടി​ലേ​ക്ക് മ​ട​ങ്ങി​യ​താ​യി​രു​ന്നു. പ​ക്ഷേ, ജീ​വി​ത​പ്രാ​ര​ബ്​​ധ​ങ്ങ​ളും തീ​ർ​ത്താ​ൽ തീ​രാ​ത്ത സാ​മ്പ​ത്തി​ക പ്ര​യാ​സ​ങ്ങ​ളു​മാ​ണ് ഇ​ദ്ദേ​ഹ​ത്തെ വീ​ണ്ടും മ​രു​ഭൂ​മി​യി​ലെ​ത്തി​ച്ച​ത്. ന​ല്ലൊ​രു ജോ​ലി ത​ര​പ്പെ​ടു​ത്തി കു​ടും​ബ​ത്തി​ലെ അ​വ​ശേ​ഷി​ക്കു​ന്ന ദു​രി​ത​ങ്ങ​ൾ​ക്ക് ത​ന്നാ​ലാ​വും വി​ധം അ​റു​തി​വ​രു​ത്താ​നാ​ണ് 66ാം വ​യ​സ്സി​ൽ വീ​ണ്ടും പ്ര​വാ​സി​യാ​യി അ​ബ്​​ദു​റ​ഹ്മാ​ൻ യു.​എ.​ഇ​യി​ലേ​ക്കെ​ത്തു​ന്ന​ത്. 

നാ​ട്ടി​ലെ പ​രി​ച​യ​ക്കാ​ര​​െൻറ ക​ട തേ​ടി​യാ​യി​രു​ന്നു അ​ൽ​ഐ​നി​ലേ​ക്ക് നേ​രി​ട്ടെ​ത്തി​യ​ത്. ഗ്രോ​സ​റി​ക​ളി​ൽ ജോ​ലി​യെ​ടു​ക്കു​ന്ന ജീ​വ​ന​ക്കാ​ർ താ​മ​സി​ക്കു​ന്ന ബാ​ച്ചി​ല​ർ മു​റി​യി​ലാ​ണ് വാ​സം. വി​സി​റ്റ് വി​സ​യി​ൽ​നി​ന്ന് ജോ​ലി ത​ര​പ്പെ​ടു​ത്താ​നു​ള്ള ശ്ര​മ​ങ്ങ​ൾ​ക്കി​ടെ​യാ​ണ് അ​സു​ഖം ക​ല​ശ​ലാ​യ​ത്. ഇ​തി​നി​ടെ ലോ​ക്ഡൗ​ൺ വ​ന്ന​തോ​ടെ ജോ​ലി അ​ന്വേ​ഷ​ണ​വും മു​ട​ങ്ങി. പി​ന്നാ​ലെ മ​രു​ന്നു​ക​ളും തീ​ർ​ന്ന​തോ​ടെ വേ​ദ​ന​യി​ൽ ത​ന്നെ​യാ​യി അ​ബ്​​ദു​റ​ഹ്​​മാ​​െൻറ ജീ​വി​തം. 

കൈ​യി​ൽ പ​ണ​മി​ല്ലാ​ത്ത​തി​നാ​ൽ പ​ക​ര​മു​ള്ള മ​രു​ന്ന് വാ​ങ്ങാ​ൻ പോ​ലും ക​ഴി​യാ​തെ​യാ​യി. മു​റി​യി​ലു​ള്ള​വ​ർ കൊ​ടു​ക്കു​ന്ന ഭ​ക്ഷ​ണം മാ​ത്ര​മാ​ണ് ആ​ശ്ര​യം. ഇ​തി​നി​ടെ വി​സി​റ്റ് വി​സ​യു​ടെ കാ​ലാ​വ​ധി​യും അ​വ​സാ​നി​ച്ചു. ദു​രി​ത​ത്തി​ൽ മു​ങ്ങി​ത്താ​ഴു​മെ​ങ്കി​ലും വേ​ദ​ന​യി​ല്ലാ​തെ ക​ഴി​യാ​മ​ല്ലോ എ​ന്നോ​ർ​ത്താ​ണ് അ​ബ്​​ദു​റ​ഹ്മാ​ൻ നാ​ട്ടി​ലേ​ക്ക് മ​ട​ങ്ങ​ണ​മെ​ന്ന് ആ​ഗ്ര​ഹം പ്ര​ക​ടി​പ്പി​ച്ച​ത്. എ​ന്നാ​ൽ, നി​രാ​ശ​നാ​യി കാ​ത്തി​രി​ക്കാ​നാ​യി​രു​ന്നു വി​ധി. വാ​ർ​ത്ത പു​റ​ത്ത​റി​ഞ്ഞ​തോ​ടെ നി​ര​വ​ധി പേ​രാ​ണ് ഇ​ദ്ദേ​ഹ​ത്തെ സ​മീ​പി​ച്ച​ത്. സ​ന്ന​ദ്ധ സം​ഘ​ട​ന​ക​ളു​ടെ മി​ക​വാ​ർ​ന്ന പ്ര​വ​ർ​ത്ത​ന​ത്തി​ലാ​ണ് ഇ​ദ്ദേ​ഹ​ത്തി​ന് തി​രി​കെ യാ​ത്ര സാ​ധ്യ​മാ​യ​തും.