ആമോദ നിറവിൽ നാടെങ്ങും ഇൗദാഘോഷം

ദുബൈ: വേനൽ ചൂടിനെ കടത്തിവെട്ടുന്ന ഉൗഷ്​മളതയോടെ, രാഷ്​ട്രം തിളക്കമാർന്ന ​​ചെറിയപെരുന്നാൾ ആഘോഷിച്ചു. യു.എ.ഇ പ ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ, വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹ മ്മദ്​ ബിൻ റാശിദ്​ ആൽ മക്​തും, അബൂദബി കിരീടാവകാശിയും സായുധ സേന ഉപ സർവ്വ സൈന്യാധിപനുമായ ശൈഖ്​ മുഹമ്മദ്​ ബിൻ സായ ിദ്​ ആൽ നഹ്​യാൻ, എമിറേറ്റ്​ ഭരണാധികാരികൾ എന്നിവർ രാജ്യത്തെ ജനതക്ക്​ ഇൗദ്​ ആശംസകൾ നേർന്നു. വിവിധ രാഷ്​ട്രത്തലവ ൻമാർ യു.എ.ഇ നായകർക്ക്​ ഇൗദ്​ ആശംസകൾ അറിയിച്ചു.

ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ അബൂദബി മുശ്​രിഫ്​ കൊട്ടാരത്തിൽ ഒരുക്കിയ ഇൗദ്​ വിരുന്നിൽ എമിറേറ്റ്​ ഭരണാധികാരികളും കിരീടാവകാശികളും ഒത്തുചേർന്നു.ശൈഖ്​ മുഹമ്മദ്​ ബിൻ റാശിദ്​ ആൽ മക്​തും ദുബൈ സബീൽ മസ്​ജിദിലാണ്​ ഇൗദ്​ നമസ്​കാരത്തിനെത്തിയത്​. കിരീടാവകാശി ശൈഖ്​ ഹംദാൻ ബിൻ മുഹമ്മദ്​ ഉൾപ്പെടെ രാജകുമാരൻമാരും ശൈഖുമാരും ഉന്നത ഉദ്യോഗസ്​ഥരും ഇവിടെ പ്രാർഥനകളിൽ പങ്കുചേർന്നു. ഇമാം ഉമർ അൽ ഖത്തീബ്​ നമസ്​കാരത്തിനും പ്രാർഥനകൾക്കും നേതൃത്വം നൽകി. ഇസ്​ലാമിക മൂല്യങ്ങളുടെ അടിത്തറ സഹിഷ്​ണുതയും സമാധാനവുമാണെന്ന്​ അദ്ദേഹം ഒാർമപ്പെടുത്തി.

ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ അബൂദബി ​ൈശഖ്​ സായിദ്​ ഗ്രാൻറ്​ മോസ്​കിലാണ്​ ഇൗദ്​ നമസ്​കാരത്തിൽ പങ്കുകൊണ്ടത്​. ലോകമെമ്പാടും സ്​നേഹവും സമാധാനവും പരത്തുവാൻ വി​ശ്വാസികൾ യത്​നിക്കണമെന്ന്​ ഖുത്​ബയിൽ ഇസ്​ലാമിക്​ അഫയേഴ്​സ്​ ജനറൽ അതോറിറ്റി ചെയർമാൻ ഡോ. മുഹമ്മദ്​ മത്താർ സലീം അൽ കാഅബി ആഹ്വാനം ചെയ്​തു.

ഷാർജ ഭരണാധികാരി ശൈഖ്​ ഡോ.സുൽത്താൻ ബിൻ മുഹമ്മദ്​ അൽ ഖാസിമി പതിവു പോലെ ഷാർജ അൽ ബദീ ഇൗദ്​ മുസല്ലയിൽ പങ്കുചേർന്നു.
ഫുജൈറ ഭരണാധികാരി ശൈഖ്​ ഹമദ്​ ബിൻ മുഹമ്മദ്​ അൽ ശർഖി ഫു​ൈജറ ശൈഖ്​ സായിദ്​ ഗ്രാൻറ്​ മോസ്​കിൽ നമസ്​കരിച്ചു. അജ്​മാൻ ഭരണാധികാരി ശൈഖ്​ ഹുമൈദ്​ ബിൻ റാഷിദ്​ അൽ നു​െഎമി ശൈഖ്​ റാഷിദ്​ ബിൻ ഹുമൈദ്​ അൽ നു​െഎമി മസ്​ജിദിലാണ്​ പ്രാർഥനക്കെത്തിയത്​. ഉമ്മുൽ ഖുവൈൻ ഭരണാധികാരി ശൈഖ്​ സഉൗദ്​ ബിൻ റാഷിദ്​ അൽ മുഅല്ല ഉമ്മുൽ ഖുവൈൻ ശൈഖ്​ സായിദ്​ മസ്​ജിദിൽ ഇൗദ്​ നമസ്​കരിച്ചു. റാസൽഖൈമ ഭരണാധികാരി ശൈഖ്​ സഉൗദ്​ ബിൻ സഖർ അൽ ഖാസിമി ഖുസ്സം ഗ്രാൻറ്​ മുസല്ലയിലെ നമസ്​കാരത്തിൽ പങ്കുചേർന്നു. പ്രാർഥനക്കു ശേഷം ഭരണാധികാരികൾ പ്രമുഖരിൽ നിന്നും പൊതുജനങ്ങളിൽ നിന്നും ആശംസകൾ ഏറ്റുവാങ്ങി.