രാഷ്​ട്ര നേതാക്കൾ പെരുന്നാൾ ആശംസ നേർന്നു

ദുബൈ: ഇൗദുൽ ഫിത്വർ വേളയിൽ യു.എ.ഇയുടെ നായകർ ജനങ്ങൾക്കും വിവിധ രാഷ്​ട്രത്തലവൻമാർക്കും പെരുന്നാൾ ആശംസകൾ നേർന്നു. യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ, വൈസ്​ പ്രസിഡൻറ്​ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം, അബൂദബി കിരീടാവകാശിയും യു.എ.ഇ സായുധ സേനാ ഉപ​സർവ്വസൈന്യാധിപനുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ, സുപ്രിം കൗൺസിൽ അംഗങ്ങളും എമിറേറ്റ്​ ഭരണാധികാരികളും, കിരീടാവകാശികൾ എന്നിവർ ആശംസകൾ അറിയിച്ചിട്ടുണ്ട്​. 
യു.എ.ഇ രാഷ്​ട്ര നായകർക്ക്​ ലോകമെമ്പാടു നിന്നും രാഷ്​ട്രത്തലവൻമാരും ഉന്നത വ്യക്​തികളും ആശംസ നേർന്നിട്ടുണ്ട്​.
ശൈഖ്​ മുഹമ്മദ്​ ബിൻ റാശിദ്​ ആൽ മക്​തും സാബീൽ മസ്​ജിദിലാണ്​ പെരുന്നാൾ നമസ്​കാരത്തിനെത്തുക. തുടർന്ന്​ സാബിൽ മജ്​ലിസിൽ ആശംസകൾ സ്വീകരിക്കും.

ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ അബൂദബി ശൈഖ്​ സായിദ്​ ഗ്രാൻറ്​ മോസ്​കിൽ പെരുന്നാൾ നമസ്​കാരത്തിൽ പ​െങ്കടുക്കും. 
വിവിധ ശൈഖുമാരും ഉന്നത ഉദ്യോഗസ്​ഥരും ഇവിടെ നമസ്​കാരത്തിനെത്തും. പെരുന്നാൾ ദിവസം മുശ്​രിഫ്​ പാലസിൽ അദ്ദേഹം സന്ദർശകരെ സ്വീകരിക്കും.  സുപ്രിം കൗൺസിലംഗവും ഷാർജ ഭരണാധികാരിയുമായ ഡോ.ശൈഖ്​ സുൽത്താൻ ബിൻ മുഹമ്മദ്​ അൽ ഖാസിമി അൽ ബദഇൗ ഇൗദ്​ മുസല്ലയിൽ നമസ്​കാരത്തിനെത്തും. അൽ ബദാഇ പാലസിൽ അദ്ദേഹം സന്ദർശകരെ സ്വീകരിക്കും.