ശൈഖ്​ ഖലീഫക്കും രാജ്യ നേതാക്കൾക്കും   ഇൗദ്​ ആശംസയുമായി രാഷ്​ട്രത്തലവൻമാർ

അബൂദബി: യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാന്​ അറബ്​^മുസ്​ലിം രാഷ്​ട്ര നേതാക്കളുടെ ഇൗദ്​ ആശംസ. ആരോഗ്യത്തിനും നാടി​​​െൻറ പുരോഗതിക്കും അറബ്​ ലോകത്തി​​​െൻറ ​പ്രഭാവത്തിനും ആശംസകളും ​പ്രാർഥനകളുമറിയിച്ചാണ്​ സന്ദേശങ്ങളെത്തിയത്​. ഒമാൻ സുൽത്താൻ ഖാബൂസ്​ ബിൻ സഇൗദ്​ അൽ സയ്​ദ്​, കുവൈത്ത്​ അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ, ബഹ്​റൈൻ ഖലീഫ ഹമദ്​ ബിൻ ഇസാ രാജാവ്​, ജോർദാനിലെ അബ്​ദുല്ലാ രാജാവ്​, ഇൗജിപ്​ത്​ പ്രസിഡൻറ്​ അബ്​ദൽ ഫത്ത്ാഹ​ അൽ സിസി, സുഡാൻ പ്രസിഡൻറ്​ ഉമ്മർ ഹസൻ അഹ്​മദ്​ അൽ ബഷീർ, അൾജീരിയൻ പ്രസിഡൻറ്​ അബ്​ദൽ അസീസ്​ ബുതിഫലിക്ക, അസൈർ ബൈജാൻ പ്രസിഡൻറ്​ ഇൽഹാം അലിയേവ്​ തുടങ്ങിയ നായകർ ആശംസ കൈമാറിയവരിൽ ഉൾപ്പെടുന്നു.

വിവിധ രാഷ്​ട്രത്തലവൻമാർക്ക്​ യു.എ.ഇ പ്രസിഡൻറും മറ്റു നായകരും ഇൗദ്​ സന്ദേശങ്ങ​ളയച്ചു.യു.എ.ഇ വൈസ്​ പ്രസിഡൻറ്​ ശൈഖ്​ മുഹമ്മദ്​ ബിൻ റാശിദ്​ ആൽ മക്​തും, അബൂദബി കിരീടാവകാശിയും സായുധസേനാ ഉപ. സുപ്രിം കമാൻഡർ ​ൈ​ശഖ്​ മുഹമ്മദ്​ ബിൻ സായിദ്​ ആൽനഹ്​യാനും രാഷ്​ട്ര നേതാക്കൾക്ക്​ ഇൗദ്​ സന്ദേശം കൈമാറി. സുപ്രിം കൗൺസിൽ അംഗങ്ങളും കിരീടാവകാശികളും പ്രസിഡൻറ്​ ശൈഖ്​ ഖലീഫക്കും ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം, ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ എന്നിവർക്കും ആശംസകളറിയിച്ചു. 

ശൈഖ്​ മുഹമ്മദ്​ സബീൽ മസ്​ജിദിൽ, ശൈഖ്​ മുഹമ്മദ്​ ബിൻ സായിദ്​ ഗ്രാൻറ്​ മോസ്​കിൽ

ദുബൈ: യു.എ.ഇ വൈസ്​​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തും ദുബൈ സബീൽ ശൈഖ്​ റാശിദ്​ മസ്​ജിദിൽ പെരുന്നാൾ നമസ്​കാരം നിർവഹിക്കും. നമസ്​കാര ശേഷം ഗ്രാൻറ്​ സബീൽ മജ്​ലിസിൽ ആശംസകൾ സ്വീകരിക്കും. അബൂദബി കിരീടാവകാശിയും യു.എ.ഇ ഡെ. സുപ്രിം കമാൻററുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ അബൂദബി ശൈഖ്​ സായിദ്​ ഗ്രാൻറ്​ മോസ്​കിൽ നമസ്​കരിക്കും.  നമസ്​കാര ശേഷം മുശ്​രിഫ്​ കൊട്ടാരത്തിൽ ശുഭകാംക്ഷികളെ സ്വീകരിക്കും.  സുപ്രിം കൗൺസിൽ അംഗവും ഷാർജ ഭരണാധികാരിയുമായ ഡോ. ശൈഖ്​  സുൽതാൻ ബിൻ മുഹമ്മദ്​ അൽ ഖാസിമി അൽ ബദീഅ മുസല്ലയിൽ നമസ്​കരിക്കും.  അൽ ബദീഅ അൽ അമീർ കൊട്ടാരത്തിൽ രാവിലെയും വൈകീട്ടും ശൈഖ്​ സുൽതാൻ അതിഥികളെയും ശുഭകാംക്ഷികളെ സ്വീകരിക്കും.

സുപ്രിം കൗൺസിൽ അംഗവും ഫുജൈറ ഭരണാധികാരിയുമായ ശൈഖ്​ ഹമദ്​ ബിൻ മുഹമ്മദ്​ അൽ ശർഖി ഫുജൈറ ഗ്രാൻറ്​ ശൈഖ്​ സായിദ്​ പള്ളിയിൽ നമസ്​കാരം നിർവഹിക്കും. അസർ നമസ്​കാര ശേഷം റുമൈലാ കൊട്ടാരത്തിൽ ശുഭകാംക്ഷികളെ സ്വീകരിക്കും. സുപ്രിം കൗൺസിൽ അംഗവും റാസൽ ഖൈമ ഭരണാധികാരിയുമായ ശൈഖ്​ സഉൗദ്​ ബിൻ സഖർ അൽ ഖാസിമി റാസൽഖൈമ ഖുസാമിലെ ഇൗദ്​ മുസല്ലയിൽ നമസ്​കരിക്കും. അൽ ദിയാഫാ മജ്​ലിസിൽ ശൈഖ്​ സഉൗദ്​ ആശംസകൾ സ്വീകരിക്കും.