ഈദ് അവധി: പൊതു ഗതാഗതം ഉപയോഗിച്ചത് 6.39 ദശലക്ഷം യാത്രക്കാർ
text_fieldsദുബൈ: മാർച്ച് 30 മുതൽ ഏപ്രിൽ ഒന്നുവരെയുള്ള ഈദ് അവധി ദിനങ്ങളിൽ എമിറേറ്റിൽ 63.9 ലക്ഷം യാത്രക്കാർ പൊതുഗതാഗത സംവിധാനങ്ങൾ ഉപയോഗിച്ചതായി ദുബൈ റോഡ് ഗതാഗത അതോറിറ്റി (ആർ.ടി.എ) അറിയിച്ചു. റെഡ്, ഗ്രീൻ ലൈനുകളിലൂടെ സർവിസ് നടത്തുന്ന ദുബൈ മെട്രോയിൽ 24.3 ലക്ഷം യാത്രക്കാർ സഞ്ചരിച്ചു. 1,11,130 പേരാണ് ദുബൈ ട്രാം ഉപയോഗിച്ചത്. 13.3 ലക്ഷം യാത്രക്കാർ പൊതു ബസുകൾ ഉപയോഗിച്ചു.
അബ്രകൾ, ഫെറികൾ, വാട്ടർ ടാക്സികൾ എന്നിവയുൾപ്പെടെയുള്ള മറൈൻ ട്രാൻസ്പോർട്ട് സർവിസുകൾ 4,08,991 പേർ പ്രയോജനപ്പെടുത്തി. ദുബൈ ടാക്സിയും ഫ്രാഞ്ചൈസി കമ്പനികളും നടത്തുന്ന ടാക്സികൾ 16.9 ലക്ഷം യാത്രക്കാർക്ക് സേവനം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

