പെരുന്നാൾ: ദുബൈയിൽ നാലുദിവസം സൗജന്യ പാർക്കിങ്​

ദുബൈ: ബലിപെരുന്നാളിനോട്​ അനുബന്ധിച്ച്​ നാലു ദിവസം ദുബൈയിൽ പാർക്കിങ്​ സൗജന്യമായിരിക്കുമെന്ന്​ റോഡ്​ ഗതാഗത അതോറിറ്റി (ആർ.ടി.എ) അറിയിച്ചു.

ജൂലൈ 19 മുതൽ 22 വരെയാണ്​ സൗജന്യം. എന്നാൽ, മൾട്ടി ലെവൽ പാർക്കിങ്​ ടെർമിനലുകളിൽ ഇത്​ ബാധകമല്ല. അറഫ ദിനമടക്കം ഈദുൽ അദ്​ഹയോടനുബന്ധിച്ച്​ യു.എ.ഇയിൽ പൊതു-സ്വകാര്യ മേഖലകളിൽ നാല് ദിവസത്തെ അവധിയാണ്​ പ്രഖ്യാപിച്ചിരിക്കുന്നത്​.ഇതിനൊപ്പം രണ്ട് ദിവസത്തെ വാരാന്ത്യ അവധിയും ചേർന്ന് ദുബൈ നിവാസികൾക്ക് ആറ് ദിവസം ലഭിക്കും.