2011നുശേഷം ഈജിപ്ത് ഉയർന്നത് യു.എ.ഇ സഹായത്തിൽ- അൽ സീസി

ദു​ബൈ: 2011ൽ ​രാ​ജ്യ​ത്തു​ണ്ടാ​യ സം​ഭ​വ​വി​കാ​സ​ങ്ങ​ൾ​ക്കു​ശേ​ഷം ഈ​ജി​പ്ത്​ ഉ​യ​ർ​ത്തെ​ഴു​ന്നേ​റ്റ​ത്​ യു.​എ.​ഇ​യു​ടെ​യും മ​റ്റു ഗ​ൾ​ഫ്​ രാ​ജ്യ​ങ്ങ​ളു​ടെ​യും സ​ഹാ​യ​ത്തി​ലാ​ണെ​ന്ന്​ പ്ര​സി​ഡ​ന്‍റ്​ അ​ബ്​​ദു​ൽ ഫ​ത്താ​ഹ്​ അ​ൽ സീ​സി.

ദു​ബൈ​യി​ൽ ആ​രം​ഭി​ച്ച ആ​ഗോ​ള സ​ർ​ക്കാ​ർ ഉ​ച്ച​കോ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. സ​ഹാ​യ​മു​ണ്ടാ​യി​ല്ലെ​ങ്കി​ൽ ഈ​ജി​പ്ത്​ ഒ​രി​ക്ക​ലും അ​തി​നു​ശേ​ഷം തി​രി​ച്ചു​വ​രി​ല്ലാ​യി​രു​ന്നു. ഒ​രേ​സ​മ​യം പ​ല​ത​രം വെ​ല്ലു​വി​ളി​ക​ൾ നേ​രി​ട്ട സ​മ​യ​മാ​യി​രു​ന്നു അ​ത്. ഈ​ജി​പ്തു​കാ​ർ​ക്കി​ട​യി​ലെ നി​രാ​ശ​യാ​യി​രു​ന്നു പ്ര​ധാ​ന വെ​ല്ലു​വി​ളി. മ​റ്റൊ​ന്ന് ഊ​ർ​ജ, വാ​ത​ക പ്ര​തി​സ​ന്ധി​യു​മാ​യി​രു​ന്നു. അ​തെ​ല്ലാം മ​റി​ക​ട​ക്കാ​ൻ ക​ഴി​ഞ്ഞു -അ​ദ്ദേ​ഹം കൂ​ട്ടി​ച്ചേ​ർ​ത്തു. സ​ർ​ക്കാ​ർ ഉ​ച്ച​കോ​ടി​യി​ൽ അ​തി​ഥി രാ​ജ്യ​മാ​ണ് ഇ​ത്ത​വ​ണ ഈ​ജി​പ​ത്. യു.​എ.​ഇ ​പ്ര​സി​ഡ​ൻ​റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ, യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്തൂം തു​ട​ങ്ങി​യ​വ​ർ പ​​ങ്കെ​ടു​ത്ത സ​ദ​സ്സി​ലാ​ണ്​ മു​ൻ​കാ​ല സ​ഹാ​യ​ങ്ങ​ൾ സീ​സി വ്യ​ക്ത​മാ​ക്കി​യ​ത്.

അ​ക്കാ​ല​ത്ത്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ രാ​ജ്യ​ത്തേ​ക്ക്​ ഇ​ന്ധ​ന​വു​മാ​യി ക​പ്പ​ലു​ക​ൾ അ​യ​ച്ചി​രു​ന്നു​വെ​ന്നും ഈ​ജി​പ്തി​ന് പി​ന്തു​ണ സം​ഘ​ടി​പ്പി​ക്കാ​ൻ മേ​ഖ​ല​യി​ലെ മ​റ്റ് രാ​ജ്യ​ങ്ങ​ളു​മാ​യി ചേ​ർ​ന്ന്​ പ്ര​വ​ർ​ത്തി​ച്ചി​രു​ന്നു​വെ​ന്നും അ​ൽ സീ​സി പ​റ​ഞ്ഞു. ത​ക​ർ​ന്ന ഒ​രു​രാ​ജ്യം ഒ​രി​ക്ക​ലും തി​രി​ച്ചു​വ​രാ​റി​ല്ലെ​ന്നും ഈ​ജി​പ്തി​ന്​ അ​ത്​ സാ​ധി​ച്ചെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സി​റി​യ​ക്ക്​ യു.​എ.​ഇ ന​ൽ​കു​ന്ന സ​ഹാ​യ​ങ്ങ​ളെ​യും ച​ട​ങ്ങി​ൽ സീ​സി പ്ര​കീ​ർ​ത്തി​ച്ചു.