െഎ.എസ്​.സിയിൽ വിദ്യാഭ്യാസ എക്സ്പോ 16, 17 തീയതികളിൽ

അബൂദബി: ഐ.പി.ഇ.എഫുമായി സഹകരിച്ച്​ ഇന്ത്യ സോഷ്യൽ ആൻഡ്​ കൾച്ചറൽ സ​​െൻറർ (​െഎ.എസ്​.സി) അന്താരാഷ്​ട്ര വിദ്യാഭ്യാസ എക്സ്പോയും ക്വിസ് മത്സരവും സംഘടിപ്പിക്കും. ലോകത്തി​​​െൻറ പല ഭാഗങ്ങളിൽ നിന്നുള്ള വിദ്യാഭ്യാസ സ്ഥാപനങ്ങൾ എക്സ്പോയുടെ ഭാഗമാവുമെന്ന്​ ഭാരവാഹികൾ വാർത്താസമ്മേളനത്തിൽ അറിയിച്ചു. ഫെബ്രുവരി 16, 17 തീയതികളിൽ രാവിലെ പത്ത് മുതൽ രാത്രി ഒമ്പത്​ വരെയാണ് എക്സ്പോ. ഇതോടൊപ്പം നടക്കുന്ന ക്വിസ് മത്സരം ജി.എസ്. പ്രദീപ് നയിക്കും. 9, 10, 11, 12 ക്ലാസുകളിലെ കുട്ടികൾക്കാണ് മത്സരം. കുട്ടികളും രക്ഷിതാക്കളുമായി പ്രശസ്ത ശാസ്ത്രജ്ഞൻ ഡോ. എം.സി. ദത്തൻ, ഹരിതവിദ്യാലയ പദ്ധതി സ്ഥാപകൻ വീരേന്ദ്ര റാവത് തുടങ്ങിയവർ സംവദിക്കും. ഐ.എസ്.സി ആക്ടിങ്​ പ്രസിഡൻറ്​ ജയചന്ദ്രൻ നായർ, ജനറൽ സെക്രട്ടറി എം.എ. സലാം, ട്രഷറർ റഫീഖ് കയനയിൽ, സാഹിത്യവിഭാഗം സെക്രട്ടറി രാജീവൻ മാറോളി, ഐ.പി.ഇ.എഫ് ചെയർമാൻ സർവോത്തം ഷെട്ടി, ജനറൽ സെക്രട്ടറി പ്രോമിത്യൂസ് ജോർജ്ജ്, എക്സ്പോ കൺവീനർ ഷാജി വള്ളിക്കാട്ടിരി, ജെംസ് സ്‌കൂൾ സി.ഇ.ഒ ജോർജ്ജ് മാത്യു എന്നിവർ പങ്കെടുത്തു.