വി​ദ്യാ​ഭ്യാ​സ അ​നു​ഭ​വ​ങ്ങ​ളു​മാ​യി സ​ഫി വി. ​സ​യ്യി​ദ് മ​ട​ങ്ങു​ന്നു

അ​ബൂ​ദ​ബി: ഇ​സ്​​ലാ​മി​യ ഇം​ഗ്ലീ​ഷ് സ്‌​കൂ​ൾ പ്രി​ൻ​സി​പ്പ​ൽ കം ​ഡ​യ​റ​ക്​​ട​ർ ത​സ്​​തി​ക​യി​ൽ​നി​ന്ന് രാ​ജി​വെ​ച്ച് ഒ​റ്റ​പ്പാ​ലം നൂ​ർ ഹൗ​സി​ലേ​ക്ക് മ​ട​ങ്ങാ​നു​ള്ള ഒ​രു​ക്ക​ങ്ങ​ൾ പൂ​ർ​ത്തി​യാ​ക്കി സ​ഫി വി. ​സ​യ്യി​ദ്. നാ​ലു പ​തി​റ്റാ​ണ്ടു​കാ​ല​ത്തെ വി​ദ്യാ​ഭ്യാ​സ രം​ഗ​ത്തെ അ​നു​ഭ​വ പ​രി​ജ്ഞാ​നം ഭാ​വി​യി​ൽ നാ​ട്ടി​ലെ വി​ദ്യാ​ഭ്യാ​സ മേ​ഖ​ല​യി​ൽ പു​തി​യൊ​രു പ​ന്ഥാ​വ് ക​ണ്ടെ​ത്താ​മെ​ന്ന ആ​ത്മ​വി​ശ്വാ​സ​ത്തി​ലാ​ണ് തി​ങ്ക​ളാ​ഴ്​​ച കോ​ഴി​ക്കോ​ടേ​ക്കു​ള്ള വി​മാ​ന​ത്തി​ൽ മ​ട​ങ്ങു​ന്ന​ത്. സു​ര​ക്ഷി​ത​മാ​യ ജോ​ലി 61ാം വ​യ​സ്സി​ൽ ഉ​പേ​ക്ഷി​ച്ചു​മ​ട​ങ്ങു​ന്ന​ത് നേ​ര​ത്തെ നാ​ട്ടി​ലേ​ക്ക് മ​ട​ങ്ങി​യ ഭ​ർ​ത്താ​വ് മൊ​യ്​​തൂ​ട്ടി​ക്കൊ​പ്പം ക​ഴി​യു​ക എ​ന്ന ഉ​ദ്ദേ​ശ്യ​ത്തി​ലാ​ണ്.

ഏ​റോ​നോ​ട്ടി​ക്ക​ൽ എ​ൻ​ജി​നീ​യ​റാ​യി​രു​ന്ന പി​താ​വ് സ​യ്യി​ദി​െൻറ ഉ​ദ്യോ​ഗം മാ​റു​ന്ന​തി​ന​നു​സ​രി​ച്ച് ഇ​ന്ത്യ​യി​ലെ വി​വി​ധ ജി​ല്ല​ക​ളി​ലാ​യി​രു​ന്നു സ്‌​കൂ​ൾ വി​ദ്യാ​ഭ്യാ​സം. ഈം​ഗ്ലീ​ഷ് സാ​ഹി​ത്യ​ത്തി​ൽ ബി​രു​ദാ​ന​ന്ത​ര ബി​രു​ദ​വും ബി.​എ​ഡും പൂ​ർ​ത്തി​യാ​ക്കി​യ​ശേ​ഷം ഒ​ഡി​ഷ​യി​ൽ വ്യോ​മ​യാ​ൻ സ​മ​സ്​​ത വി​ദ്യാ​ല​യ​ത്തി​ലാ​ണ് 1981ൽ ​അ​ധ്യാ​പി​ക​യാ​യി ജോ​ലി​യി​ൽ പ്ര​വേ​ശി​ച്ച​ത്. അ​വി​ടെ​നി​ന്ന് കാ​ൺ​പൂ​രി​ൽ നേ​ര​ത്തെ പ​ഠി​ച്ചി​രു​ന്ന സെൻറ്​ ജോ​സ​ഫ്സ്​ കോ​ൺ​വെൻറ്​ സ്‌​കൂ​ളി​ലേ​ക്ക് 1984ൽ ​ജോ​ലി മാ​റി. 1985ലാ​യി​രു​ന്നു വി​വാ​ഹം.

1987ൽ ​പെ​രു​മ്പി​ലാ​വ് അ​ൻ​സാ​ർ ഇം​ഗ്ലീ​ഷ് സ്‌​കൂ​ളി​ലാ​യി ജോ​ലി. ടീ​ച്ച​റാ​യി ജോ​ലി​യി​ൽ പ്ര​വേ​ശി​ച്ച ഈ ​സ്‌​കൂ​ളി​ൽ​നി​ന്ന് വൈ​സ് പ്രി​ൻ​സി​പ്പ​ലാ​യി​രി​ക്കു​മ്പോ​ഴാ​ണ് 2005ൽ ​നാ​ട്ടി​ലേ​ക്ക്​ ജോ​ലി മാ​റു​ന്ന​ത്. ഒ​റ്റ​പ്പാ​ല​ത്തി​നു​സ​മീ​പം പ​ത്തി​രി​പ്പാ​ല മൗ​ണ്ട് സീ​ന പ​ബ്ലി​ക് സ്‌​കൂ​ളി​ൽ പ്രി​ൻ​സി​പ്പ​ലാ​യി 2005 ഏ​പ്രി​ലി​ൽ ജോ​ലി ആ​രം​ഭി​ച്ചു. 2007 ഫെ​ബ്രു​വ​രി​യി​ൽ ഈ ​ജോ​ലി ഒ​ഴി​വാ​ക്കി​യാ​ണ് ഭ​ർ​ത്താ​വി​നൊ​പ്പം അ​ബൂ​ദ​ബി ഇ​സ്​​ലാ​മി​യ ഇം​ഗ്ലീ​ഷ് സ്‌​കൂ​ളി​ൽ വൈ​സ് പ്രി​ൻ​സി​പ്പ​ൽ കം ​എ​ജു​ക്കേ​ഷ​ന​ലി​സ്​​റ്റാ​യി എ​ത്തി​യ​ത്.

അ​ബൂ​ദ​ബി ഭ​ര​ണാ​ധി​കാ​രി​യും രാ​ഷ്​​ട്ര​പി​താ​വു​മാ​യി​രു​ന്ന ശൈ​ഖ് സാ​യി​ദ് ബി​ൻ സു​ൽ​ത്താ​ൻ ആ​ൽ നെ​ഹ്​​യാ​െൻറ പേ​ഴ്‌​സ​ന​ൽ ഡോ​ക്​​ട​റാ​യി​രു​ന്ന ഡോ. ​ഷം​സു​ദ്ദീ​ൻ ഹാ​ഷി​മി​യാ​ണ് ഈ ​സ്‌​കൂ​ൾ സ്ഥാ​പി​ച്ച​ത്. 23 രാ​ജ്യ​ങ്ങ​ളി​ൽ​നി​ന്നു​ള്ള വി​ദ്യാ​ർ​ഥി​ക​ളും 14 രാ​ജ്യ​ങ്ങ​ളി​ൽ​നി​ന്നു​ള്ള അ​ധ്യാ​പ​ക​രും മ​റ്റു ജീ​വ​ന​ക്കാ​രു​മാ​ണ് ഈ ​സ്‌​കൂ​ൾ ജീ​വി​ത​ത്തി​ൽ ഒ​പ്പ​മു​ണ്ടാ​യി​രു​ന്ന​ത്. ബ്രി​ട്ടീ​ഷ് പാ​ഠ്യ​പ​ദ്ധ​തി​യി​ലു​ള്ള ഈ ​സ്‌​കൂ​ളി​ലെ 14 വ​ർ​ഷ​ത്തി​ല​ധി​കം നീ​ണ്ട സേ​വ​നം നാ​ട്ടി​ലെ​ത്തി​യ​ശേ​ഷ​മു​ള്ള ജീ​വി​ത​ത്തി​ൽ മു​ത​ൽ​ക്കൂ​ട്ടാ​വു​മെ​ന്ന പ്ര​തീ​ക്ഷ​യാ​ണ് സ​ഫി സ​യ്യി​ദ്. ക​ഴി​ഞ്ഞ തി​ങ്ക​ളാ​ഴ്​​ച കോ​വി​ഡ് പ്രോ​ട്ടോ​കോ​ൾ മാ​ന​ദ​ണ്ഡ​ങ്ങ​ളോ​ടെ സ്‌​കൂ​ൾ മാ​നേ​ജ്‌​മെൻറ്​ ഹൃ​ദ്യ​മാ​യ യാ​ത്ര​യ​യ​പ്പ്​ ന​ൽ​കി.

സ്‌​കൂ​ൾ ഓ​ഡി​റ്റോ​റി​യ​ത്തി​ൽ സ്‌​കൂ​ൾ ബോ​ർ​ഡ് ഓ​ഫ് ഡ​യ​റ​ക്ടേ​ഴ്‌​സ്, സീ​നി​യ​ർ മാ​നേ​ജ്‌​മെൻറ്​ അം​ഗ​ങ്ങ​ൾ എ​ന്നി​വ​ർ പ​ങ്കെ​ടു​ത്ത യാ​ത്ര​യ​യ​പ്പി​ൽ വി​ദ്യാ​ർ​ഥി​ക​ളും അ​ധ്യാ​പ​ക​രും ര​ക്ഷ ക​ർ​ത്താ​ക്ക​ളും വെ​ർ​ച്വ​ലാ​യും പ​ങ്കെ​ടു​ത്തു. ഭ​ർ​ത്താ​വ് മൊ​യ്​​​തൂ​ട്ടി​ക്കൊ​പ്പ​മാ​ണ് തി​ങ്ക​ളാ​ഴ്ച നാ​ട്ടി​ലേ​ക്ക് മ​ട​ങ്ങു​ക. ഏ​ക മ​ക​ൻ സ​മീ​ർ ബം​ഗ​ളൂ​രു​വി​ൽ ബ​യോ​ടെ​ക് എ​ൻ​ജി​നീ​യ​റാ​ണ്. മ​രു​മ​ക​ൾ: ഡോ. ​ഐ​ഷ ജെ​ബി​ൻ.