എജുകഫെക്ക്​ എട്ട്​ നാൾ; രജിസ്​​േട്രഷന്​ തിരക്കേറുന്നു

ദുബൈ: കുട്ടികളുടെ കഴിവുകളും താല്‍പര്യങ്ങളും കണ്ടെത്തി വിജയത്തി​​​െൻറ മാര്‍ഗത്തില്‍ നയിക്കാനാവും വിധം ‘ഗള്‍ഫ് മാധ്യമം’ഒരുക്കുന്ന വിദ്യാഭ്യാസ-കരിയര്‍ മേള എജുകഫെയിലേക്ക്​ ഇനി വെറും എട്ട്​ നാൾ. കേരള മെഡിക്കല്‍, എന്‍ജിനീയറിങ് പ്രവേശ പരീക്ഷയുടെ സിലബസ് അടിസ്ഥാനമാക്കിയുള്ള ഒരു മണിക്കൂര്‍ മാതൃകാ പരീക്ഷയടക്കമുള്ളവക്ക്​ രജിസ്​​േട്രഷൻ തുടരുകയാണ്​. കഴിഞ്ഞ വർഷങ്ങളിൽ മാതൃകാ പരീക്ഷയിലും വിദഗ്​ധരുടെ മാർഗനിർദേശ ക്ലാസുകളിലും പ​െങ്കടുത്ത നൂറുകണക്കിന്​ കുട്ടികൾക്ക്​ എൻട്രൻസ്​ പരീക്ഷകളിൽ മികച്ച റാങ്ക്​ നേടാൻ കഴിഞ്ഞിരുന്നു. ഇതി​​​െൻറ ചുവട്​ പിടിച്ച്​ കൂടുതൽ മികവാർന്ന രീതിയിലാണ്​ ഇക്കുറി പരീക്ഷ നടത്തുന്നത്​. റെയ്‌സ് എന്‍ട്രന്‍സ് കോച്ചിംങ്ങ് സ​​െൻററിലെ പരിശീലകരുടെ മേൽനോട്ടത്തിൽ പ്ലസ്​ വൺ, പ്ലസ്​ ടു കുട്ടികൾക്കായി നടത്തുന്ന മാത​ൃ​കാ പരീക്ഷയിൽ ഒന്നാമതെത്തുന്നയാൾക്ക്​ സ്വർണമെഡൽ​ സമ്മാനമായി ലഭിക്കുകയും ​െചയ്യും. മറ്റ്​ വിജയികൾക്ക്​ പ്രോൽസാഹന സമ്മാനങ്ങളും ലഭിക്കും.  www.madhyamam.com,www.click4m.com എന്നീ വെബ്​ സൈറ്റുകളിലെ എജുകഫെ ലിങ്കില്‍ ഓണ്‍ലൈനായി രജിസ്​റ്റർ ചെയ്യുന്നവര്‍ക്ക് പരീക്ഷയെഴുതാം. പ്രവേശനം സൗജന്യമാണ്​. ഒാരോ വർഷവും ജനപങ്കാളിത്തം കൂടിവരുന്ന സമ്പൂര്‍ണ വിദ്യാഭ്യാസ-കരിയര്‍ മേളയാണ്​ എജുകഫെ. ജനുവരി 12,13 തീയതികളില്‍ ദുബൈ മുഹൈസ്​ന ഇന്ത്യൻ അക്കാദമി സി.ബി.എസ്​.ഇ സ്​കൂളിൽ നടക്കുന്ന മേളയില്‍ പ്ളസ് ടുവിന് ശേഷമുള്ള പഠനവഴികളും പ്രവേശ മാര്‍ഗങ്ങളും കണ്ടെത്താം. ഉപദേശ നിര്‍ദേശങ്ങളുമായി പ്രമുഖരായ വിദ്യഭ്യാസ വിദഗ്​ധരും പ്രചോദക പ്രഭാഷകരും കരിയര്‍ ഉപദേശകരും നിങ്ങൾക്കൊപ്പമെത്തും. വിദ്യാഭ്യാസ-തൊഴില്‍ മേഖലയിലെ നാളെയുടെ സാധ്യതകൾ എന്തെന്ന്​ അറിഞ്ഞ്​ ഏറ്റവും പുതിയ കോഴ്​സുകളും മറ്റും അഭിരുചിക്കനുസരിച്ച് തെരഞ്ഞെടുക്കാനും സൗകര്യമുണ്ടാകും. മേളയിൽ കുട്ടികളുടെ മാനസിക-ബൗദ്ധിക ക്ഷമത വിലയിരുത്താനുമാവും. രക്ഷിതാക്കള്‍ക്കായി പ്രത്യേക ക്ലാസുകളും കൗണ്‍സലിങ്ങും ഒരുക്കിയിട്ടുണ്ട്​. യു.എ.ഇയിലെയും ഇന്ത്യയിലെയും വിദേശ സര്‍വകലാശാലകള്‍ ഉള്‍പ്പെടെ ഡസൻ കണക്കിന്​ പ്രമുഖ വിദ്യാഭ്യാസ സ്ഥാപനങ്ങള്‍ അവരുടെ പ്രവേശ നടപടികള്‍ വിശദീകരിച്ച് മേളയില്‍ അണിനിരക്കും. മുഹമ്മദ്​ ഹനീഷ്​ ​െഎ.എ.എസ്​, പ്രമുഖ വിദ്യാഭ്യാസ വിദഗ്​ധയും എഴുത്തുകാരിയുമായ ആരതി സി. രാജരത്​നം, ലോകം അറിയുന്ന ഒക്യുപേഷണൽ തെറാപ്പിസ്​റ്റായ ഡോ. മഹെക് ഉത്തംചന്താനി, മാജിക്​ ലിയോ തുടങ്ങി നിരവധി പ്രമുഖർ കുട്ടികളും രക്ഷിതാക്കളുമായി സംവദിക്കാനെത്തുന്നുണ്ട്​.