വാക്സിൻ കാമ്പയിന് പിന്തുണയുമായി ഇ.സി.എച്ച് സ്ഥാപന മാനേജ്‍മെൻറും ജീവനക്കാരും

ദുബൈ: ദേശീയ വാക്സിനേഷൻ കാമ്പയിന് പിന്തുണയുമായി ദുബൈയിലെ സർക്കാർ സേവന ദാതാക്കളായ ഇ.സി.എച്ച്. ഇതിൻെറ ഭാഗമായി ഇ.സി.എച്ച് മാനേജ്‍മെൻറും ജീവനക്കാരും കുടുംബാംഗങ്ങളും കോവിഡ് വാക്‌സിൻ സ്വീകരിച്ചു തുടങ്ങി.

പ്രതിരോധ ശേഷി വർധിപ്പിക്കാനും ജനങ്ങളുടെ ആരോഗ്യവും സുരക്ഷയും ഉറപ്പാക്കാനും യു.എ.ഇ നേതൃതം സ്വീകരിക്കുന്ന നടപടി പ്രശംസനീയവും അഭിനന്ദനാർഹവുമാണെന്ന് ചെയര്‍മാന്‍ ഇഖ്ബാൽ മാർക്കോണി പറഞ്ഞു. സ്വന്തം ആരോഗ്യവും രാജ്യത്തിൻെറ പൊതുആരോഗ്യവും സംരക്ഷിക്കാൻ വാക്സിൻ സ്വീകരിക്കാൻ എല്ലാവരും മുന്നോട്ടുവരണമെന്നും അദ്ദേഹം വ്യക്തമാക്കി.