ദുബൈ എയർഷോ കൊടിയിറങ്ങി; ഇനി 2019ൽ

ദുബൈ: അഞ്ച്​ ദിവസം നീണ്ട ആകാശ വിസ്​മയ കാഴ്​ചകൾ ഒരുക്കിയ ദുബൈ എയർഷോ സമാപിച്ചു. 2015 നെക്കാൾ 20 ശതമാനം അധികം സന്ദർശകർ ഇക്കുറി മേളക്ക്​ എത്തി. ദുബൈ വേൾഡ് ​സ​െൻററിലെ കണക്കനുസരിച്ച്​ 79380 പേർ വിമാനങ്ങൾ കാണാനെത്തി. അടുത്ത എയർഷോ 2019 ൽ നടക്കും. 113.8 ബില്ല്യൺ അമേരിക്കൻ ഡോളർ മൂല്ല്യമുള്ള കരാറുകളാണ്​ മേളക്കിടെ ഒപ്പ്​ വെക്കപ്പെട്ടത്​. ആദ്യ ദിനത്തിൽ6200 കോടിയോളം ദിർഹത്തി​​െൻറ കരാറുകളാണ്​ ഒപ്പുവെയ്​ക്കപ്പെട്ടത്​. യു.എ.ഇ. പ്രതിരോധ വകുപ്പ്​ മാത്രം 650 കോടി ദിർഹത്തി​​െൻറ ഇടപാട്​ ഉറപ്പിച്ചു. 

ഏറ്റവും വലിയ യാത്രാവിമാനമായ എയർബസ്​ എ380 ​​െൻറ നിലനിൽപ്പ്​ ചോദ്യം ചെയ്യപ്പെട്ട മേളകൂടിയായിരുന്നു ഇത്​. കുറഞ്ഞത്​ പത്ത്​ വർഷമെങ്കിലും ഉൽപാദനം നിർത്തില്ലെന്ന്​ ഉറപ്പ്​ നൽകിയാൽ മാത്രമെ എയർബസി​​െൻറ സൂപ്പർ ജംബോജെറ്റ്​ എ380 ന്​ കൂടുതൽ ഒാഡർ നൽകാൻ കഴിയൂവെന്ന്​ എമിറേറ്റ്​സ്​ പറഞ്ഞത്​ കമ്പനിക്ക്​ തിരിച്ചടിയായി. 

ഗൾഫ്​ കേന്ദ്രമാക്കി പ്രവർത്തിക്കുന്ന എമിറേറ്റ്​സ്​ അടക്കമുള്ള വിമാനക്കമ്പനികളെ ആശ്രയിച്ചാണ്​ ഇൗ മോഡൽ നിലനിൽക്കുന്നതുതന്നെ. എന്നാൽ അപ്രതീക്ഷിതമായി അവർക്ക്​ 430 വിമാനങ്ങൾക്കുള്ള ഒാഡർ കിട്ടുകയും ചെയ്​തു. ഏകദേശം 49.5 ബില്ല്യൺ ഡോളറി​​െൻറ കരാറാണ്​ ഇത്​. ഒറ്റത്തവണ ഇത്രയേറെ വിമാനങ്ങൾക്ക്​ ആവശ്യം ഉണ്ടാകുന്നത്​ വ്യോമയാന ചരിത്രത്തിൽ തന്നെ അപൂർവമാണ്​. അമേരിക്ക ആസ്​ഥാനമായ പ്രൈവറ്റ്​ ഇക്വിറ്റി ഫണ്ടായ ഇൻഡിഗോ പാർട്​നേഴ്​സ്​ ആണ്​ ഇത്രയും വിമാനങ്ങൾ വാങ്ങുന്നത്​. ആദ്യദിവസം 15.1 ബില്ല്യൺ ഡോളറി​​െൻറ കരാറിൽ ഏർപ്പെട്ട ബോയിങിന്​  മേള തീരാൻ ഒരു ദിനം ബാക്കി നിൽക്കെ 225 വിമാനങ്ങൾക്കുള്ള ഒാഡർ കൂടി കിട്ടി. 

എമിറേറ്റ്സ് തങ്ങളുടെ വിമാനങ്ങളിൽ യാത്രക്കാർക്കായി തയാറാക്കിയ ഫസ്​റ്റ്​ ക്ലാസ് സ്യൂട്ട് ആയിരുന്നു ഷോയിലെ ചർച്ചാവിഷയം. നീക്കാവുന്ന വാതിലും വിശാലമായ കിടക്കയും വിർച്വൽ വിൻഡോയും പൂർണ സ്വകാര്യതയും ഉൾപ്പെടുന്ന ഡിസൈനിനാണ്​ ഫസ്​റ്റ്​ ക്ലാസ് സ്യൂട്ട് എന്ന പുത്തൻ വിഭാഗം തയാറാക്കിയിരിക്കുന്നത്​. ബെൻസ്​ എസ് ക്ലാസിൽ നിന്നും പ്രചോദനം ഉൾക്കൊണ്ടാണ്​ ഇതി​​െൻറ  നിർമ്മാണം. 
സ്വാഭാവിക വജ്രങ്ങൾ പതിച്ച ലോകത്തിലെ ആദ്യ ബിസിനസ്​ ജറ്റും​ പ്രദർശനത്തിനെത്തിയിരുന്നു. ബൊംബാർഡിയർ ഗ്ലോബൽ എക്​സ്​പ്രസ്​ ആണ്​ സൺകിംഗ്​ ഡയമണ്ട്​ കോട്ടിംഗുമായി എത്തിയത്​.