ദുബൈ പ്രവാസികളുടെ പ്രിയനഗരം; ജീവിതസൗകര്യത്തിലും മുന്നിൽ 

ദുബൈ: പ്രവാസികൾക്ക്​ ഏറ്റവും പ്രിയങ്കരമായ നഗരം എന്ന പദവി വീണ്ടും ദുബൈക്ക്​. തുടർച്ചയായി അഞ്ചാം വർഷവും മധ്യപൂർവേഷ്യ^വടക്കെ ആഫ്രിക്ക (മീന) മേഖലയിലെ മികച്ച ജീവിതനിലവാരമുള്ള നഗര​െമന്ന നേട്ടവും മെർകാറി​​െൻറ ആഗോള സർവേയിൽ ദുബൈ നിലനിർത്തി.  ലോകത്തെ ഏറ്റവും മികച്ച നഗരങ്ങളുടെ പട്ടികയിൽ 74ാം സ്​ഥാനമാണ്​ ദുബൈക്ക്​.മുൻ വർഷത്തേക്കാൾ നില മെച്ചപ്പെടുത്തുകയായിരുന്നു. ജീവിത നിലവാരത്തിലും സൗകര്യത്തിലും അബൂദബി തൊട്ടടുത്തുണ്ട്​. 79ാം സ്​ഥാനമാണ്​ രാജ്യത്തി​​െൻറ തലസ്​ഥാന നഗരത്തിന്​. പശ്​ചാത്തല സൗകര്യങ്ങളിൽ വന്ന പരിഷ്​കരണങ്ങളാണ്​ അബൂദബിക്ക്​ തുണയായതെന്ന്​ മെർകാർ മിഡിലീസ്​റ്റ്​ മേധാവി റോബ്​ തിസ്സെൻ പറഞ്ഞു. 

റിയാദും ജിദ്ദയുമാണ്​ പട്ടികയിൽ ഇടം നേടിയ മേഖലയിലെ മറ്റു നഗരങ്ങൾ. യമനിലെ സനയും ഇറാഖി​​െൻറ തലസ്​ഥാനമായ ബഗ്​ദാദും ജീവിത സൗകര്യങ്ങൾ ഏറ്റവും കുറഞ്ഞ നഗരങ്ങളായി അടയാളപ്പെടുത്തപ്പെട്ടു.

 പശ്​ചാത്തല സൗകര്യങ്ങളുടെ കാര്യത്തിൽ ലോകത്ത്​ 51ാം സ്​ഥാനമാണ്​ ദുബൈക്ക്​. അബൂദബി (67),ദോഹ (96), മസ്​കത്ത്​ (97) എന്നിവയാണ്​ മികച്ച നൂറിലെ ഗൾഫ്​ നഗരങ്ങൾ. ലോകത്തെ ഏറ്റവും മികച്ച ജീവിത സൗകര്യങ്ങളുള്ള നഗരം വിയന്നയാണ്​. 
തുടർച്ചയായി എട്ടാം വർഷമാണ്​ ഇൗ സ്​ഥാനം വിയന്ന നിലനിർത്തുന്നത്​. ഏഷ്യയി​െല മികച്ച നഗരം സിംഗപ്പുരാണ്​.