ആവേശം നിറച്ച് ദു​ബൈ ലോകകപ്പ്; ലോറൽ റിവറിന് വിശ്വകിരീടം

ദു​ബൈ: ആ​യി​ര​ങ്ങ​ൾ ഒ​ഴു​കി​യെ​ത്തി​യ ദു​ബൈ മെ​യ്ദാ​ൻ റേ​സ് കോ​ഴ്സ് വേ​ദി​യി​ൽ അ​ര​ങ്ങേ​റി​യ കു​തി​ര​യോ​ട്ട മ​ത്സ​ര​ത്തി​ന്റെ വി​ശ്വ​പോ​രാ​ട്ട​ത്തി​ൽ സൗ​ദി​യു​ടെ ഉ​ട​മ​സ്ഥ​ത​യി​ലു​ള്ള ലോ​റ​ൽ റി​വ​ർ കി​രീ​ടം ചൂ​ടി. ടൈ​ഗ് ഓ​ഷെ ആ​ണ് തേ​രാ​ളി. ആ​റു വ​യ​സ്സു​ള്ള ലോ​റ​ൽ റി​വ​ർ അ​മേ​രി​ക്ക​ൻ കു​തി​ര​യാ​ണ്. ദു​​ബൈ വേ​​ൾ​​ഡ്​ ക​​പ്പി​ന്‍റെ 28ാമ​ത്​ എ​ഡി​ഷ​ൻ​ മ​ത്സ​ര​ങ്ങ​ൾ ഒ​മ്പ​ത് റൗ​ണ്ടു​ക​ളി​ലാ​യാ​ണ് ന​ട​ന്ന​ത്.

യു.​എ.​ഇ വൈ​സ് പ്ര​സി​ഡ​ന്റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ് മു​ഹ​മ്മ​ദ് ബി​ന്‍ റാ​ശി​ദ് ആ​ല്‍ മ​ക്തൂം, ദു​ബൈ കി​രീ​ടാ​വ​കാ​ശി ശൈ​ഖ് ഹം​ദാ​ന്‍ ബി​ന്‍ മു​ഹ​മ്മ​ദ് ബി​ന്‍ റാ​ശിദ് ആ​ല്‍ മ​ക്തൂം എ​ന്നി​വ​ര്‍ മ​ത്സ​രാ​ര്‍ഥി​ക​ള്‍ക്ക് ആ​ശം​സ​ക​ള്‍ നേ​രാ​നെ​ത്തി​യി​രു​ന്നു. ഗ്രൂ​പ് ഒ​ന്നി​ലെ പ്യു​വ​ര്‍ബ്രീ​ഡ് അ​റേ​ബ്യ​ന്‍സി​ന്റെ ദു​ബൈ ക​ഹ​യ്‌​ല ക്ലാ​സി​ക് ആ​യി​രു​ന്നു ഉ​ദ്ഘാ​ട​ന മ​ത്സ​രം. ഉ​ദ്ഘാ​ട​ന മ​ത്സ​ര​ത്തി​ല്‍ 13 കു​തി​ര​ക​ളാ​യി​രു​ന്നു മ​ത്സ​രി​ച്ച​ത്.

എ​ല്ലാ​വ​ർ​ഷ​വും ലോ​ക​ശ്ര​ദ്ധ നേ​ടാ​റു​ള്ള വേ​​ൾ​​ഡ്​ ക​​പ്പി​​ൽ ഇ​ത്ത​വ​ണ 15 രാ​​ജ്യ​​ങ്ങ​​ളി​​ലെ 199 കു​​തി​​ര​​ക​ളാ​ണ്​ പോ​​രി​​നി​​റ​​ങ്ങി​യ​ത്. ആ​യി​ര​ക്ക​ണ​ക്കി​ന്​ കാ​​ണി​​ക​​ളും രാ​ജ്യ​ത്തി​ന​ക​ത്തും പു​റ​ത്തു​നി​ന്നു​മു​ള്ള പ്ര​മു​ഖ​രും ഗാ​​ല​​റി​​യി​​ലെ​ത്തി. ദു​ബൈ റേ​സി​ങ്​ ക്ല​ബ് ഒ​രു​ക്കു​ന്ന മ​ത്സ​ര​ത്തി​ലെ വി​​ജ​​യി​​ക​ൾ​ക്ക് ആ​കെ 3.5 കോ​​ടി ഡോ​​ള​​റാ​​ണ് സ​മ്മാ​ന​ത്തു​ക. മ​ത്സ​ര​ത്തി​ന്‍റെ സ​മാ​പ​ന ച​ട​ങ്ങി​ൽ ഏ​റ്റ​വും പു​തി​യ ഡ്രോ​ൺ, ലേ​സ​ർ, ലൈ​റ്റി​ങ്​ സാ​ങ്കേ​തി​ക​വി​ദ്യ​ക​ൾ ഉ​പ​യോ​ഗി​ച്ചു​ള്ള ഷോ​ ഗിന്നസ് റെക്കോഡിട്ടു. എ​ൽ.​ഇ.​ഡി ലൈ​റ്റു​ക​ൾ​ക്കൊ​പ്പം 4,000 സ്പെ​ഷ​ലൈ​സ്ഡ് ഡ്രോ​ണു​ക​ൾ ഉ​പ​യോ​ഗി​ച്ചാ​ണ്​​ ത്രി​ഡി ആ​കാ​ശ​ത്ത് ശി​ൽ​പ​ങ്ങ​ളും വ​ർ​ണ​വി​സ്മ​യ​വും തീ​ർ​ത്ത​ത്.