ആപ് ഒളിമ്പിക്സുമായി ദുബൈ

ദുബൈ: മി​ക​ച്ച ഡി​ജി​റ്റ​ൽ ആ​പ്ലി​ക്കേ​ഷ​നു​ക​ൾ വി​ക​സി​പ്പി​ക്കു​ന്ന​വ​ർ​ക്ക് വ​ൻ​തു​ക സ​മ്മാ​നം ന​ൽ​കു​ന്ന ആ​പ് ഒ​ളി​മ്പി​ക്സ് പ്ര​ഖ്യാ​പി​ച്ച് ദു​ബൈ. ഒ​ന്ന​ര​ല​ക്ഷം ഡോ​ള​ർ വ​രെ സ​മ്മാ​ന​ത്തു​ക​യു​ള്ള മ​ത്സ​ര​മാ​ണ് ദു​ബൈ കി​രീ​ടാ​വ​കാ​ശി പ്ര​ഖ്യാ​പി​ച്ച​ത്. മ​ത്സ​ര​ത്തി​ലേ​ക്ക് ഞാ​യ​റാ​ഴ്ച മു​ത​ൽ ര​ജി​സ്ട്രേ​ഷ​ൻ തു​ട​ങ്ങി.

ആ​പ് ഒ​ളി​മ്പി​ക്സി​ൽ നാ​ല് വി​ഭാ​ഗ​ങ്ങ​ളി​ലാ​യാ​ണ് ജേ​താ​ക്ക​ളെ തി​ര​ഞ്ഞെ​ടു​ക്കു​ക. മി​ക​ച്ച യൂ​ത്ത് ആ​പ്, ഏ​റ്റ​വും സ്വാ​ധീ​ന​മു​ണ്ടാ​ക്കി​യ ആ​പ്, ഏ​റ്റ​വും പു​തു​മ​യു​ള്ള ആ​പ്, മൊ​ബൈ​ൽ ഗെ​യി​മി​ങ് രം​ഗ​ത്തെ ഇ​ൻ​ഡ​സ്ട്രി ഓ​ഫ് ദ ​ഇ​യ​ർ വി​ഭാ​ഗം എ​ന്നി​വ​യി​ലാ​ണ് പു​ര​സ്കാ​രം. ജൈ​ടെ​ക്സ് മേ​ള​യു​ടെ ഭാ​ഗ​മാ​യി ന​ട​ക്കു​ന്ന എ​ക്സ്പാ​ന്‍റ്​ നോ​ർ​ത്ത്​ സ്റ്റാ​ർ സ്റ്റാ​ർ​ട്ട​പ്​ സ​മ്മേ​ള​ന​ത്തി​ലാ​യി​രു​ന്നു ആ​പ് ഒ​ളി​മ്പി​ക്സി​ന്‍റെ പ്ര​ഖ്യാ​പ​നം.

ജേ​താ​ക്ക​ൾ​ക്ക് കാ​ഷ് അ​വാ​ർ​ഡ്, ആ​റു​മാ​സം നീ​ളു​ന്ന മെ​ന്‍റ​ർ​ഷി​പ് പ​ദ്ധ​തി തു​ട​ങ്ങി ഒ​ന്ന​ര​ല​ക്ഷ​ത്തി​ലേ​റെ ഡോ​ള​ർ വി​ല​മ​തി​ക്കു​ന്ന സ​മ്മാ​ന​ങ്ങ​ളാ​ണ് ല​ഭി​ക്കു​ക. ഡി​ജി​റ്റ​ൽ മു​ന്നേ​റ്റ​ങ്ങ​ളു​ടെ കേ​ന്ദ്ര​മാ​യി ദു​ബൈ​യെ മാ​റ്റു​ക എ​ന്ന ദു​ബൈ ഭ​ര​ണാ​ധി​കാ​രി പ്ര​ഖ്യാ​പി​ച്ച ക്രി​യേ​റ്റ് ആ​പ്സ് ഇ​ൻ ദു​ബൈ പ​ദ്ധ​തി​യു​ടെ ഭാ​ഗ​മാ​ണ് ആ​പ് ഒ​ളി​മ്പി​ക്സ്.

ദു​ബൈ ചേം​ബ​ർ ഓ​ഫ് ഡി​ജി​റ്റ​ൽ ഇ​ക്കോ​ണ​മി​യാ​ണ് ആ​പ് ഒ​ളി​മ്പി​ക്സി​ന്‍റെ സം​ഘാ​ട​ക​ർ. ലോ​ക​ത്തി​ന്‍റെ ഏ​ത് ഭാ​ഗ​ത്തു​നി​ന്നു​ള്ള ആ​പ് ഡെ​വ​ല​പ്പ​ർ​മാ​ർ​ക്കും ഇ​തി​ൽ പ​ങ്കെ​ടു​ക്കാം. പ്രാ​യ​പ​രി​ധി​യി​ല്ല. അ​ടു​ത്ത​മാ​സം 13 വ​രെ മ​ത്സ​ര​ത്തി​ലേ​ക്ക് ര​ജി​സ്റ്റ​ർ ചെ​യ്യാം.