ദുബൈയിൽ ജല, വൈദ്യുതി കണക്​ഷന്​ സാക്ഷ്യപ്പെടുത്തിയ വാടകക്കരാർ നിർബന്ധം 

ദുബൈ: ജൂലൈ ഒന്നു മുതൽ ദുബൈയിൽ വൈദ്യുതി-ജല കണക്​ഷൻ ലഭിക്കുന്നതിന്​ സാക്ഷ്യപ്പെടുത്തിയ വാടകക്കരാർ (ഇജാരി) നിർബന്ധ​ം. ദുബൈ ഭൂ വകുപ്പ്​ അംഗീകരിച്ച 800 റിയൽ എസ്​റ്റേറ്റ്​ ഒഫീസുകളിലൊന്നിൽ നിന്ന്​ കരാർ സാക്ഷ്യപ്പെടുത്തിയാലുടൻ   കണക്​ഷന്​ അർഹത നേടും. ഉപഭോക്​താക്കൾക്ക്​ നടപടികൾ എളുപ്പമാക്കി നൽകുന്നതിന്​ ​ ദുബൈ വൈദ്യതി-ജല അതോറിറ്റി (ദീവ) നടപ്പിൽ വരുത്തുന്ന പദ്ധതികളുടെ ഭാഗമാണിത്​. ഇജാരി ഒപ്പിട്ടാലുടൻ ഉപഭോക്​താവിന്​ ദീവയുടെ സ്വാഗത സന്ദേശം ഇ-മെയിലും എസ്​.എം.എസുമായി എത്തും. സെക്യൂരിറ്റി തുക അടക്കേണ്ട ലിങ്കും അതിലുണ്ടാവും. പണമടച്ചാലുടൻ ജല^വൈദ്യുതി സേവനങ്ങൾ ലഭിച്ചു തുടങ്ങും. 

സർക്കാർ മേഖലയിൽ സമ്പൂർണ സുതാര്യത ഉറപ്പാക്കാനും അന്തർദേശീയ നിലവാരത്തിലെ സേവനത്തിലൂടെ  ഉപഭോക്​താക്കളുടെ സന്തോഷം വർധിപ്പിക്കാനും ദീവ ലക്ഷ്യമിടുന്നു.  സർക്കാർ വിഭാഗങ്ങളുടെ ഏകോപനവും ഉന്നത സാ​േങ്കതിക വിദ്യയുടെ പ്രയോഗവും വഴി ദുബൈയെ മുന്നിലെത്തിക്കാനുള്ള യു.എ.ഇ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​​​െൻറ ദർശനങ്ങളിലൂന്നിയാണ്​ ഇൗ നടപടികളെന്ന്​ ദീവ സി.ഇ.ഒ സഇൗദ്​ മുഹമ്മദ്​ അൽ തയർ അറിയിച്ചു.  

വാടക കരാർ,വാടകക്കാര​​​െൻറ പാസ്​പോർട്ട്​, വിസ രേഖകൾ, ഇമെയിൽ വിലാസം, വീട്ടുടമയുടെ പാസ്​​േപാർട്ട്​ കോപ്പി, ദീവ നമ്പർ എന്നിവയാണ്​ ഇജാറി രജിസ്​ട്രേഷന്​ വേണ്ടത്​. ഇതിനായി ദുബൈ ഭൂ വകുപ്പി​​​െൻറ ഒഫീസിൽ പോലും പോകേണ്ടതില്ല. വാടകക്കാരുടെയും ഭൂ ഉടമയുടെയും മാനേജ്​മ​​െൻറ്​ കമ്പനികളുടെയും അവകാശങ്ങൾ ഒരു പോലെ സംരക്ഷിക്കപ്പെടുന്നതിനാണ്​ ഇജാറി നിർബന്ധമാക്കുന്നത്​.