ദുബൈ കാണാൻ കൺവർട്ടബിൾ  റേഞ്ച്​ റോവർ; ലിമോ ബൈക്ക്​

ദുബൈ: ആഢംബര നഗരമായ ദുബൈ ചുറ്റിക്കറങ്ങാൻ രണ്ട്​ തരം ആഢംബര വാഹനങ്ങൾ കൂടി ടാക്​സി നിരയിൽ ഏർപ്പെടുത്തിയിരിക്കുകയാണ്​ ദുബൈ ടാക്​സി കോർപറേഷൻ (ഡി.ടി.സി.). റേഞ്ച്​ റോവർ ഇവോക്ക്​ കൺവെർട്ടബിൾ കാറും സ്​പൈഡർ ആർടി ലിമോ ബൈക്കുമാണ്​ പുതുതായി അവതരിപ്പിച്ചിരിക്കുന്നത്​. ദുബൈയിൽ നടക്കുന്ന മീന ട്രാൻസ്​പോർട്ട്​ കോൺഗ്രസിനോടനുബന്ധിച്ചാണ്​ ഇവ പുറത്തിറക്കിയത്​. മേൽക്കൂര നീക്കാവുന്ന തരത്തിലുള്ള രണ്ട്​ റേഞ്ച്​ റോവറുകളാണ്​ ആദ്യ ഘട്ടത്തിൽ പുറത്തിറക്കിയിരിക്കുന്നത്​. ഇവയുടെ സേവനം ജൂമൈറ ബീച്ച്​ റെസിഡൻസി, ദ വാക്ക്​, ഡൗൺടൗൺ, ബുർജ്​ അൽ അറബ്​ എന്നിവിടങ്ങളിലായിരിക്കും ലഭ്യമാവുകയെന്ന്​ ഡി.ടി.സി.സി.ഇ.ഒ. ഡോ. യൂസഫ്​ മുഹമ്മദ്​ അൽ അലി പറഞ്ഞു. ആർ.ടി.എയുടെ സഹൈൽ ആപ്പ്​ വഴിയോ കറീം വഴിയോ ഇവ ബുക്ക്​ ചെയ്യാം. റേഞ്ച്​ റോവറിന്​ കുറഞ്ഞ നിരക്ക്​ 25 ദിർഹമാണ്​. ഒാരോ കിലോമീറ്ററിനും അഞ്ച്​ ദിർഹം വീതം നൽകുകയും വേണം. തിരക്കുള്ള സമയത്ത്​ നിരക്കിലും മാറ്റം വരാം.

സാലിക്ക്​ അടക്കമുള്ളവ യാത്രക്കാരിൽ നിന്ന്​ ഇൗടാക്കുകയും ചെയ്യും. രണ്ട്​ റേഞ്ച്​ റോവറുകളാണ്​ തുടക്കത്തില ഉണ്ടാവുക. ആറ്​ മാസത്തെ പരീക്ഷണങ്ങൾക്ക്​ ശേഷം പദ്ധതി വിജയകരമാണെന്ന്​ കണ്ടാൽ ഇവയുടെ എണ്ണം 50 ൽ എത്തിക്കും.  കുറച്ചുകൂടി സാഹസികത നിറഞ്ഞതാണ്​ ലിമോ ബൈക്കുകളജലുള്ള യാത്ര. മുന്നിൽ രണ്ട്​ ചരകവും പിന്നിൽ ഒരു ചക്രവുമാണ് ഇവയുടെ പ്രത്യേകത. മെട്രോയിലേക്കും മറ്റ്​ വിനോദ സഞ്ചാര ുകന്ദ്രങ്ങളിലേക്കും യാത്ര ചെയ്യാനാണ്​ ഇത്തരം ബൈക്കുകൾ പ്ര​േയാജനപ്പെടുക.

ദുബൈയെ ഏറ്റവും നന്നായി ആസ്വദിക്കാനാവുന്ന യാത്രയാണ്​ ഇത്തരം ബൈക്കുകൾ നൽകുന്നതെങ്കിലും സുരക്ഷയില ഒരു വിട്ടുവീഴ്​ചക്കും അധികൃതർ തയാറല്ല. ഇതിൽ യാത്ര ​െചയ്യണമെങ്കിമെുഖം മുഴുവൻ മൂടുന്ന ഹെൽമറ്റ്​ ഉണ്ടായിരിക്കണം. അതിന്​ ബ്ലൂടുത്ത്​ സൗകര്യവും വേണം. എയർബാഗുള്ള ജാക്കറ്റും നിർബന്ധമാണ്​. തണുപ്പിക്കാനുള്ള സൗകര്യത്തോടെയുള്ള ജാക്കറ്റിട്ട്​ മാത്രമെ ഇതി​​​െൻറ ഡ്രൈവർക്ക്​ വാഹനമോടിക്കാൻ അനുമതിയുള്ളൂ. 16 വയസിൽ താഴെ പ്രായമുള്ള കുട്ടികൾക്ക്​ ഇതിൽ കയറാനുമാവില്ല. 10 മിനിറ്റ്​ നേരത്തേക്ക്​ 10 ദിർഹമാണ്​ ചാർജ്​. പിന്നീടുള്ള ഒാരോ കിലോമീറ്ററിനും ഒരു ദിർഹം വീതം നൽകണം. 200 കിലോമീറ്റർ വേഗമാർജിക്കുമെങ്കിലും നഗരത്തിൽ അനുവദനീയമായ വേഗത്തിൽ മാത്രമെ ഇവ ഒാടിക്കാവൂ.