ആഫ്രിക്കൻ യുവതിയുടെ കൊല: പ്രതിയെ 24 മണിക്കൂറിനകം പിടികൂടി

ദുബൈ: അൽ ബറാഹയിൽ ആഫ്രിക്കൻ യുവതി കൊല ചെയ്യപ്പെട്ട സംഭവത്തിൽ നേരം ഇരുട്ടിവെളുക്കു​േമ്പാഴേക്കും പ്രതിയെ പിടികൂടി ദുബൈ പൊലീസ്​. ദുബൈ പൊലീസ്​ സേനയുടെ പഴുതടച്ച അന്വേഷണവും കാര്യക്ഷമതയുമാണ്​ ഇൗ നേട്ടത്തിന്​ വഴിയൊരുക്കിയതെന്ന്​ അസി. കമാൻഡർ ഇൻ ചീഫ്​ മേജർ ജനറൽ ഖലീൽ ഇബ്രാഹിം അൽ മൻസൂരി വ്യക്​തമാക്കി. കൊല സംബന്ധിച്ച്​ കൺട്രോൾ റൂമിൽ വിവരമറിഞ്ഞയുടനെ സംഭവ സ്​ഥലത്തെത്തിയ ​പൊലീസ്​ സംഘത്തിന്​ പ്രാഥമിക അ​േന്വഷണത്തിന്​ ലഭിച്ച സൂചനകൾ കുറ്റാന്വേഷണ സംഘത്തിന്​ കൈമാറുകയായിരുന്നു. സ്​ത്രീയുമായി സാമ്പത്തിക തർക്കങ്ങളുള്ള ഒരാളാണ്​ കൃത്യത്തിനു പിന്നിലെന്ന്​ ​വ്യക്​തമായ വിവരം ലഭിച്ചതോടെ അന്വേഷണം ആ വഴിക്കായി. വൈകാതെ പ്രതിയുടെ താമസസ്​ഥലം കണ്ടെത്തുകയും അന്വേഷിച്ച്​ ഉറപ്പുവരുത്തിയ ശേഷം അറസ്​റ്റു ചെയ്യുകയുമായിരുന്നു.

32 വയസുള്ള ഏഷ്യക്കാരനാണ്​ കുറ്റാരോപിതൻ. ഇയാൾ യുവതിയുമൊന്നിച്ച്​ അവരുടെ താമസ സ്​ഥലത്ത്​ എത്തിയ ശേഷം തർക്കം ഉടലെടുക്കുകയായിരുന്നു. വാക്കു തർക്കം കൈയാങ്കളിയായതോടെ സ്​ത്രീ കൊല്ലപ്പെട്ടു. മൃതദേഹം കുളിമുറിയിൽ തള്ളി അവരുടെ പഴ്​സും ഫോണുമെടുത്ത്​ പ്രതി കടന്നുകളയുകയായിരുന്നു. ദുബൈ ​െപാലസി​​​െൻറ എല്ലാ വിഭാഗങ്ങളോടും കുറ്റവാളിയെക്കുറിച്ച്​ വിവരങ്ങൾ തേടാൻ നിർദേശിച്ചിരുന്നതായും ഏകോപിച്ചുള്ള ഇൗ ശ്രമം വിജയം കണ്ടതായും സി.​െഎ.ഡി ഡയറക്​ടർ ലഫ്​.കേണൽ ആദിൽ അൽ ജോക്കർ പറഞ്ഞു. പ്രതിയെ നിയമ നടപടികൾക്കായി പബ്ലിക്​ പ്രോസിക്യുഷന്​ കൈമാറി.