ഡ്രൈവർമാര്‍ക്ക് ലഹരി വിരുദ്ധ  ബോധവത്​കരണം നൽകി

ദുബൈ: ദുബൈ പൊലീസി​​​െൻറ ആൻറി നാർക്കോടിക്​സ്​ ജനറൽ ഡിപ്പാർട്ട്​മ​​െൻറും മോഡൽ സർവീസ്​ സൊസൈറ്റി (എം.എസ്​.എസ്​)യും ചേർന്ന്​ ഹെവി വാഹന ഡ്രൈവർമാര്‍ക്ക് ലഹരി വിപത്തിനെതിരെ ബോധവത്​കരണ ക്ലാസ്​ സംഘടിപ്പിച്ചു. മോഡൽ സർവീസ്​ സൊസൈറ്റി ഹാളിൽ നടന്ന ആദ്യ ക്ലാസ്​ ദുബൈ ​പൊലീസ്​ ബോധവത്​കരണ വിഭാഗം മേധാവി കേണൽ അബ്​ദുല്ല ഹസ്സൻ അൽ ഖയാത്ത്​ നിർവഹിച്ചു.  വാഹനാപകടങ്ങൾ തടയുന്നതിൽ ഇത്തരം ബോധവത്​കരണങ്ങൾക്ക്​ ഏറെ ​പ്രാധാന്യമുണ്ടെന്ന്​ കേണൽ ഖയാത്ത്​ പറഞ്ഞു. 

ജലീൽ ഹോൾഡിങ്​സ്​ എം.ഡി സമീർ കെ. മുഹമ്മദ്​, അജയ്​ കുമാർ (അഹല്യ) നജീബ്​ സമാൻ, നൗഫൽ പി.എം എന്നിവരെ ആദരിച്ചു. 
ഇതു വരെ ട്രാഫിക്​ ഫൈൻ ലഭിക്കാത്ത ഡ്രൈവർമാർക്ക്​ ദുബൈ പൊലീസി​​​െൻറ പ്രത്യേക സമ്മാനവും ചടങ്ങിൽ വിതരണം ചെയ്​തു. എം.എസ്​.എസ്​ ഭാരവാഹികളായ യാക്കൂബ്​ ഹസ്സൻ,റഷീദ്​ അബ്​ദു, ഷജിൽ ഷൗക്കത്ത്​ എന്നിവർ നേതൃത്വം നൽകി.