ദുബൈ കനാലിന് കുറുകെ പുതിയ പാലം അല്‍ഖൈല്‍- ഡി.െഎ.എഫ്.സി സ്ട്രീറ്റിലേക്കാണ് പാലം
text_fieldsദുബൈ: നഗരത്തില്‍ ദുബൈ വാട്ടര്‍ കനാലിന് കുറുകെ നിര്‍മിച്ച പുതിയ പാലം ഇന്ന് ഗതാഗതത്തിന് തുറന്നു കൊടുക്കും. അല്‍ഖൈല്‍ റോഡിനെ ഫിനാന്‍ഷ്യല്‍ സെൻറര്‍ സ്ട്രീറ്റുമായി ബന്ധിപ്പിക്കുന്നതാണ് പുതിയ പാലം. കനാലിന് കുറുകെ ഓരോ ദിശയിലേക്കും രണ്ട് ലൈനുകള്‍ വീതമുള്ള വണ്‍വേ പാലമാണ് റോഡ് ട്രാന്‍സ്പോര്‍ട്ട് അതിറിറ്റി (ആർ.ടി.എ) നിര്‍മാണം പൂര്‍ത്തിയാക്കിയത്. 1,270 മീറ്റര്‍ നീളമുള്ളപാലത്തിന് 15 മീറ്റര്‍ വീതിയുണ്ട്.
റാസല്‍ഖൂര്‍-അല്‍ഖൈല്‍ റോഡിലെ ഇൻറര്‍സെക്ഷനില്‍ നിന്ന് ആരംഭിക്കുന്ന പാലം ഫിനാന്‍ഷ്യല്‍ സെൻറര്‍ഭാഗത്തേക്കുള്ള ഗതാഗതം എളുപ്പമാക്കുമെന്ന് ആര്‍.ടി.എ ഡയറക്ടര്‍ ജനറല്‍ മതാര്‍ ആല്‍ തായര്‍ പറഞ്ഞു. ഈമേഖലയില്‍ നിലവിലുള്ള റോഡ് രണ്ട് ലൈനുകള്‍ കൂടി ചേര്‍ത്ത് വികസിപ്പിക്കും. ദുബൈ അല്‍ഐല്‍ റോഡില്‍ നിന്ന് അല്‍ഖൈല്‍ റോഡ് വഴി ഫിനാന്‍ഷ്യല്‍ സെൻറര്‍ റോഡിലേക്ക് ഗതാഗതം എളുപ്പമാനാണിത്.
ഒപ്പം ദുബൈ മാളിലെ പാര്‍ക്കിങ് ടെര്‍മിനിലേക്ക് ഇവിടെ നിന്ന് പ്രവേശനം സാധ്യമാക്കുന്ന പദ്ധതിയും പുരോഗമിക്കുന്നുണ്ട്. മണിക്കൂറില്‍ 4500 വാഹനങ്ങള്‍ക്ക് കടന്നുപോകാനുള്ള ശേഷി റോഡിന് കൈവരിക്കാനാകുമെന്നാണ് കണക്കുകൂട്ടല്‍.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
