ദുബൈയുടെ ഗതാഗതം സ്​മാർട്ട്​ ആക്കാൻ ഏകീകൃത നിയന്ത്രണ കേന്ദ്രം

ദുബൈ:  എല്ലാ വിധ ഗതാഗത മാർഗങ്ങളെയും ഒരേ കേന്ദ്രത്തിൽ നിന്ന്​ നിയന്ത്രിക്കാൻ കഴിയുന്ന ഏകീകൃത നിർദേശ നിയന്ത്രണ കേന്ദ്രം റോഡ്​ ഗതാഗത അതോറിറ്റി (ആർ.ടി.എ) ദുബൈയിൽ ആരംഭിച്ചു. എൻറർപ്രൈസ്​ കമാൻറ്​ ആൻറ്​ കൺട്രോൾ സ​​െൻറർ- ഇസി3 എന്നു പേരിട്ട സ്​മാർട്ട്​ കേന്ദ്രത്തി​​​െൻറ ഉദ്​ഘാടനം യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം നിർവഹിച്ചു.

33.50 കോടി ചെലവിട്ട്​ നിർമിച്ച കേന്ദ്രം എക്​സ്​പോ 2020​​​െൻറ ഒരുക്കങ്ങൾക്കും സുഗമ ഗതാഗതത്തിനും മാർഗം തുറക്കും. ദുബൈയെ ലോകത്തെ ഏറ്റവും മികച്ച സ്​മാർട്ട്​ നഗരമായി മാറ്റുന്ന പ്രവർത്തനങ്ങളുടെ പ്രഭവ കേന്ദ്രവും ഇനി ഇസി3 ആയിരിക്കും.ഗതാഗതക്കുരുക്ക്​ കണ്ടെത്തി പരിഹരിക്കുക, യാത്രാ സമയവും ചെലവും കുറക്കുക, വാഹനാപകടങ്ങൾ ഒഴിവാക്കുക, പരിസ്​ഥിതി മലിനീകരണം തടയുക തുടങ്ങിയ സുപ്രധാന പ്രവർത്തനങ്ങളുടെ ആസൂത്രണമാണ്​ ഇവിടെ നടക്കുക. ദുബൈ മെട്രോ, ​ട്രാം, ടാക്​സി, മറ്റു പൊതുഗതാഗത സംവിധാനങ്ങൾ എന്നിവയുടെയെല്ലാം നിയന്ത്രണം ഇൗ കേന്ദ്രത്തിൽ നിന്നാകുമെന്ന്​ ഇസി3 വിശദീകരിച്ച്​ ആർ.ടി.എ ഡയറക്​ടർ ജനറലും ചെയർമാനുമായ മത്തർ അൽ തയാർ പറഞ്ഞു. മധ്യപൂർവേഷ്യയിൽ ഇതാദ്യമാണ്​ ഇത്തരമൊരു സംവിധാനം.  ദുബൈ പ്രോ​േട്ടാകോൾ ആൻറ്​ ഹോസ്​പിറ്റാലിറ്റി വകുപ്പ്​ ഡി.ജി ഖലീഫ സഇൗദ്​ സുലൈമാൻ, ദുബൈ പൊലീസ്​ മേധാവി മേജർ ജനറൽ അബ്​ദുല്ലാ ഖലീഫ അൽ മറി എന്നിവരും സംബന്ധിച്ചു.