വേഗ നിയന്ത്രണം കൂടുതൽ റോഡുകളിലേക്ക്​ വ്യാപിപ്പിക്കും

ദുബൈ: വാഹനങ്ങൾ ഒാടിക്കാവുന്ന പരമാവധി വേഗം കുറക്കുന്ന നടപടി ദുബൈയിലെ കൂടുതൽ റോഡുകളിൽ ഏർപ്പെടുത്തിയേക്കും. അപകടങ്ങൾ പെരുകുന്നത്​ തടയാൻ ശൈഖ്​ മുഹമ്മദ്​ ബിൻ സായദ്​, എമിറേറ്റ്​ റോഡുകളിലെ വേഗപരിധി ഞായറാഴ്​ച പുലർച്ചെ മുതൽ കുറച്ചിരുന്നു. ഇത്​​ വിജയകരമാണെങ്കിൽ മറ്റ്​ റോഡുകളിലും നിയന്ത്രണംഏർപ്പെടുത്തുന്നത്​ പരിഗണിക്കുമെന്ന്​ പൊലീസ്​ അറിയിച്ചു.​ 

വേഗം കുറച്ചത്​ റോഡപകടങ്ങളും അതുമൂലമുണ്ടാകുന്ന മരണങ്ങളും കുറക്കാൻ സഹായിക്കുമെന്ന്​ ദുബൈ പൊലീസി​​​െൻറ ഗതാഗത വിഭാഗം തലവൻ ബ്രിഗേഡിയർ സൈഫ്​ അൽ മസ്​റൂഇ പറഞ്ഞു. വലിയ അപകടങ്ങളുടെ എണ്ണം 20 ശതമാനം കുറക്കുകയാണ്​ പൊലീസി​​െൻറ ലക്ഷ്യം. രണ്ട്​ വർഷം മുമ്പ്​ അൽ ​െഎൻ റോഡിലെ വേഗപരിധി കുറച്ചത്​ അപകടങ്ങൾ കുറക്കാൻ സഹായിച്ചിരുന്നുവെന്ന്​ അദ്ദേഹം ചൂണ്ടിക്കാട്ടി. 

കഴിഞ്ഞ മാസം വരെയുള്ള കണക്കനുസരിച്ച്​ ഇൗ വർഷം 100പേരാണ്​ ദുബൈയിൽ വാഹനാപകടത്തിൽ മരിച്ചത്​. കഴിഞ്ഞവർഷം ഇതേസമയം 148 പേർ മരിച്ചിരുന്നു. 
ഏറ്റവും കുടുതൽ അപകടങ്ങൾ നടക്കുന്ന ​േറാഡുകളാണ്​ ശൈഖ്​ മുഹമ്മദ്​ ബിൻ സായദ്​, എമിറേറ്റ്​ റോഡുകൾ. ഇതിൽ കൂടുതൽ ഗുരുതരമായ അപകടങ്ങൾ ഉണ്ടാകുന്നത്​ എമിറേറ്റ്​ റോഡിലാണ്​. ഇവിടെ ഏർപ്പെടുത്തിയ നിയന്ത്രണങ്ങൾ മൂന്ന്​ മാസം നിരീക്ഷിച്ച ശേഷമായിരിക്കും മറ്റിടങ്ങളിൽ ഏർപ്പെടുത്തുക. 
അപകടങ്ങളും മരണങ്ങളും എങ്ങനെ തടയാൻ കഴിയുമെന്നതിനെക്കുറിച്ച്​ ആർ.ടി.എയും പൊലീസും ചർച്ചകൾ നടത്തുന്നുണ്ട്​. തെറ്റായ വരിയിലൂടെ തെറ്റായ വേഗത്തിൽ പോകു​േമ്പാൾ മാത്രമാണ്​ പതുക്കെയുള്ള വാനമോടിക്കൽ അപകടകരമാകൂ. ഡ്രൈവർമാർ അപ്രതീക്ഷിതമായും ധൃതി പിടിച്ചും ലൈൻ മാറുന്നതാണ്​ മിക്ക അപകടമരണങ്ങൾക്കും കാരണം. 120 ൽ നിന്ന്​ 110 ആക്കിയപ്പോൾ പരമാവധി വേഗത്തിൽ 10 കിലോമീറ്റർ മാത്രമാണ്​ വിത്യാസം വരുന്നത്​. എന്നാൽ ഇതുണ്ടാക്കുന്ന മാറ്റം വലുതായിരിക്കുമെന്ന്​ റോഡ്​ സേഫ്​റ്റി യു.എ.ഇയുടെ മാനേജിംഗ്​ ഡയറക്​ടർ തോമസ്​ എഡൽമാൻ ചൂണ്ടിക്കാട്ടി.

വേഗപരിധി കുറച്ചിട്ടും അപകടം; വില്ലനാകുന്നത്​ അശ്രദ്ധ
ദുബൈ: ശൈഖ്​ മുഹമ്മദ്​ ബിൻ സായദ്​ റോഡിലൂടെ സഞ്ചരിക്കാവുന്ന പരമാവധി വേഗം കുറച്ച്​ മണിക്കൂറുകൾക്കം ഉണ്ടായ അപകടത്തിൽ യുവതിക്ക്​ ഗുരുതരമായി പരിക്കേറ്റു. ഞായറാഴ്​ച പുലർച്ചെ മൂന്ന്​ മണിക്കായിരുന്നു സംഭവം. ഇൗജിപ്​തുകാരിയായ യുവതി ഒാടിച്ചിരുന്ന ജീപ്പ്​ റോഡരികിൽ നിർത്തിയിട്ടിരുന്ന ട്രക്കിൽ ഇടിക്കുകയായിരുന്നു. അമിത വേഗവും മുന്നിലെ വാഹനവുമായി വേണ്ടത്ര അകലം പാലിക്കാത്തതുമാണ്​ അപകടകാരണമെന്ന്​ ദുബൈ ട്രാഫിക്​ പൊലീസ്​ ഡയറക്​ടർ ബ്രിഗേഡിയർ സൈഫ്​ മുഹൈർ അൽ മസ്​റൂഇ പറഞ്ഞു. മിർദിഫ്​ സിറ്റി സ​െൻറർ പാലത്തിന്​ സമീപമായിരുന്നു അപകടം. സാ​േങ്കതിക തകരാർ മൂലം ട്രക്ക്​ നിർത്തി രണ്ട്​ മിനിറ്റിനുള്ളിലാണ്​ അപകടം സംഭവിച്ചത്​. ശൈഖ്​ മുഹമ്മദ്​ ബിൻ സായദ്​ റോഡിൽ പരമാവധി വേഗം 120 കിലോമീറ്ററിൽ നിന്ന്​ 110 ആയി കുറച്ച തീരുമാനം ഞായറാഴ്​ച പുലർച്ചെയാണ്​ നിലവിൽ വന്നത്​.