ദുബൈ ടാക്സികളിൽ െഎ കൗണ്ടർ വരുന്നു; മലയാളത്തിലും സേവനം
text_fieldsദുബൈ: ദുബൈയിൽ ടാക്സി കാറുകൾ ഉൾപ്പെടെയുള്ള പൊതു ഗതാഗത വാഹനങ്ങളിൽ പിഴ സ്വീകരിക്കൽ, ഡ്രൈവിങ് ലൈസൻസ് ലഭ്യമാക ്കൽ തുടങ്ങി നിരവധി സേവനങ്ങൾ നൽകുന്ന മിനി െഎ കൗണ്ടറുകൾ സജ്ജീകരിക്കുന്നു. പണം സ്വീകരിക്കലും ഇടപാടിെൻറ രശീതി നൽകലും ഒഴികെ സ്മാർട്ട് കിയോസ്കുകൾ നൽകുന്ന മറ്റെല്ലാ സേവനങ്ങളും ലഭ്യമാക്കുന്നതാണ് െഎ കൗണ്ടറുകൾ. സംശയനിവാരണം വരുത്തുക, പിഴയടക്കുക വാഹന ലൈസൻസ്, ഡ്രൈവർ ലൈസൻസ് എന്നിവ എടുക്കുക/പുതുക്കുക തുടങ്ങിയ സേവനങ്ങൾ ഇതുവഴി നേടാനാകും. നഷ്ടപ്പെട്ട വാഹനങ്ങളുെട രജിസ്ട്രേഷൻ കാർഡ്, ഉടമസ്ഥാവകാശ സർട്ടിഫിക്കറ്റ്, ഇൻഷുറൻസ് പ്രീമിയം റീഇേമ്പഴ്സ്മെൻറ് സർട്ടിഫിക്കറ്റ്, നോൽകാർഡ്^സീസണൽ പാർക്കിങ് കാർഡ് ടോപ് അപ് എന്നീ സേവനങ്ങളും ഇതു വഴി നേടാം. മലയാളം, ഇംഗ്ലീഷ്, ഉറുദു, അറബി, ചൈനീസ് ഭാഷകളിൽ സേവനം ലഭ്യമാകും. ആദ്യ ഘട്ടത്തിൽ സ്മാർട്ട് ബസുകൾ, ദുബൈ ഫെറി എന്നിവയിൽ മൂന്ന് വീതം, ഉമ്മ് റമൂലിലെ കസ്റ്റമർ ഹാപ്പിനസ് കേന്ദ്രത്തിൽ നാല്, ദേര കസ്റ്റമർ ഹാപ്പിനസ് സെൻററിൽ മൂന്ന് എന്നിങ്ങനെയാണ് െഎ കൗണ്ടർ മെഷീനുകൾ സ്ഥാപിക്കുകയെന്ന് ദുബൈ റോഡ്^ഗതാഗത അതോറിറ്റി (ആർ.ടി.എ) ഡയറക്ടർ ജനറലും എക്സിക്യൂട്ടീവ് ഡയറക്ടർ ബോർഡ് ചെയർമാനുമായ മതാർ അൽ തായർ അറിയിച്ചു. ഭാവിയിൽ 700ഒാളം ടാക്സികൾ, അൽ ബർഷ, അൽ തവാർ എന്നിവിടങ്ങളിലെ ക്സറ്റമർ ഹാപ്പിനസ് സെൻററുകൾ, ചില മാളുകളിലെ ആർ.ടി.എ സേവന കേന്ദ്രങ്ങൾ എന്നിവിടങ്ങളിലും െഎ കൗണ്ടറുകൾ സ്ഥാപിക്കുമെന്ന് അദ്ദേഹം വ്യക്തമാക്കി.
2017നും 2018നും ഇടയിൽ സ്മാർട്ട് സ്വയം സേവക മെഷീനുകളിലൂടെയുള്ള ഇടപാട് 324 ശതമാനം വർധിച്ചതായി മതാർ അൽ തായർ അറിയിച്ചു. സ്വയം സേവക മെഷീനുകളിലൂടെ നടന്ന അത്ര തന്നെ ഇടപാടുകൾ വെബ്സൈറ്റിലൂടെയും സ്മാർട്ട് ആപ്ലിക്കേഷനിലൂടെയും നടന്നിട്ടുണ്ട്. 2016നും 2018നും ഇടയിൽ വെബ്സൈറ്റിലൂടെയും സ്മാർട്ട് ആപ്ലിക്കേഷനിലൂടെയുമുള്ള ഇടപാടുകളുടെ വർധന 111 ശതമാനമാണ്. 2017ൽ സ്വയം സേവക മെഷീനുകളി 69,811 ഇടപാടുകളാണ് നടന്നതെങ്കിൽ 2018ൽ ഇത് 296,000 ആയി ഉയർന്നു. വെബ്സൈറ്റിലൂടെയും ആപ്ലിക്കേഷനിലൂടെയുമുള്ള ഇടപാട് 2016ൽ 271,000 ആയിരുന്നു. 2018ൽ ഇത് 572,000 ആയി വർധിച്ചു. ദിനംപ്രതി ശരാശരി 2000 ഇടപാടുകളാണ് നടന്നത്. ആർ.ടി.എയുടെ ഏഴ് കസ്റ്റമർ ഹാപ്പിനസ് കേന്ദ്രങ്ങളുടെ 2019 ആദ്യ പാദത്തിലെ പ്രവർത്തന മകിവ് മതാർ അൽ തായർ അവലോകനം ചെയ്തു.
അൽ മനാറ സെൻററിൽ 1.39 മിനിറ്റ്, ദേര സെൻററിൽ 2.27 മിനിറ്റ്, അൽ തവാർ സെൻററിൽ 37 സെക്കൻറ്, അൽ ബർഷ സെൻററിൽ 2.1 മിനിറ്റ് എന്നിങ്ങനെയാണ് സേവന പ്രക്രിയക്ക് എടുക്കുന്ന ശരാശരി സമയം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.