ദുബൈ ടാക്​സികളിലെല്ലാം നിരീക്ഷണ കാമറ ഇൗ വർഷം തന്നെ

ദുബൈ: നഗരത്തിലോടുന്ന ടാക്​സികളിലെല്ലാം ഇൗ വർഷം തന്നെ നിരീക്ഷണ കാമറ സ്​ഥാപിക്കും.  ദുബൈയിൽ 10,221 ടാക്​സികളാണ്​ സർവീസ്​ നടത്തുന്നത്​. ഡ്രൈവർമാരുടെ പെരുമാറ്റങ്ങൾ നിരീക്ഷിക്കുന്നതിനും ഡ്രൈവിങ്​ നിലവാരം പാലിക്കുന്നുവെന്ന്​ ഉറപ്പാക്കാനുമാണ്​ നിരീക്ഷണ സംവിധാനം കർശനമാക്കുന്നതെന്ന്​ റോഡ്​ ഗതാഗത അതോറിറ്റി (ആർ.ടി.എ) വ്യക്​തമാക്കി. ഇതിനകം 6500 ടാക്​സികളിൽ കാമറ സ്​ഥാപിച്ചുകഴിഞ്ഞതായി ട്രാസ്​പോർട്​ സിസ്​റ്റം ഡയറക്​ടർ ആദിൽ ഷക്​റി പറഞ്ഞു. ഏതെങ്കിലും ​കോണിൽ നിന്ന്​ പരാതി ഉയർന്നാൽ കാമറ ഫൂ​േട്ടജ്​ പരിശോധിച്ച്​ സത്യാവസ്​ഥ ഉറപ്പുവരുത്താനാവും. യാത്രക്കാരോട്​ കൂടുതൽ നല്ല രീതിയിൽ ഇടപഴകാൻ ഡ്രൈവർമാർക്ക്​ നിരീക്ഷണം പ്രചോദനമാകുമെന്നും അദ്ദേഹം ചൂണ്ടിക്കാട്ടി.  ടാക്​സി യാത്രികരുടെ സുരക്ഷക്ക്​ ആർ.ടി.എ എന്നും മുഖ്യപരിഗണന നൽകുന്നുണ്ടെന്നും മികച്ച സാ​േങ്കതിക വിദ്യകൾ വിനിയോഗിച്ച്​ അവരുടെ സമ്പൂർണ തൃപ്​തി ഉറപ്പാക്കുമെന്നും അധികൃതർ വ്യക്​തമാക്കി.