ദുബൈയിൽ ജാമ്യത്തിനും  സ്​മാർട്ട്​ സേവനം

ദുബൈ: ദുബൈ ലോകത്തെ ഏറ്റവും മികച്ച സ്​മാർട്ട്​ സിറ്റിയാക്കുക എന്ന യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമി​​​​െൻറ കാഴ്​ചപ്പാടി​​​​െൻറ ഭാഗമായി ദുബൈ പബ്ലിക്​ പ്രോസിക്യൂഷൻ ജാമ്യം നേടാൻ സ്​മാർട്ട്​ സേവനം അവതരിപ്പിച്ചു. 

ചെറിയ കുറ്റകൃത്യങ്ങൾക്ക്​ കേസ്​ രജിസ്​റ്റർ ചെയ്​താൽ പ്രതികൾക്ക്​ ഒാൺലൈനിലൂടെ ജാമ്യം നേടാൻ സാധിക്കുന്നതാണ്​ സംവിധാനം. ദുബൈ ഇൻറർനാഷനൽ അച്ചീവ്​മ​​​െൻറ്​സ്​ എക്​സിബിഷനിലാണ്​ സ്​മാർട്ട്​ ജാമ്യ സേവനം അവതരിപ്പിച്ചത്​. കടലാസു ജോലികൾ കുറക്കാനും നടപടികൾ വേഗത്തിലാക്കി നിയമസംവിധാനം കാര്യക്ഷമമാക്കാനും ഇതു വഴി സാധിക്കും. പുതിയ സേവനം അവതരിപ്പിച്ചതോടെ ചെറിയ കേസുകളിൽ അകപ്പെടുന്നവരുടെ പാസ്​പോർട്ട്​ കണ്ടുകെട്ടുന്നത്​ ദുബൈ പബ്ലിക്​ പ്രോസിക്യൂഷൻ അവസാനിപ്പിക്കും.

പകരമായി കേസ്​ വിവരങ്ങൾ ഇലക്​ട്രോണിക്​ മാർഗത്തിൽ രജിസ്​റ്റർ ചെയ്യും. ഇങ്ങനെ രജിസ്​റ്റർ ചെയ്യു​ന്നതോടെ സ്​മാർട്ട്​ സംവിധാനം ഇതു സംബന്ധിച്ച വിവരങ്ങൾ അതിർത്തി ചെക്​പോസ്​റ്റുകളിലേക്കും വിമാനത്താവളങ്ങളിലേക്കും കൈമാറും. ചെറു കുറ്റകൃത്യങൾക്കും ധനവിനിമയവുമായി ബന്ധപ്പെട്ട ചില കേസുകൾക്കും മാത്രമാണ്​ സ്​മാർട്ട്​ ജാമ്യ സേവനം ലഭിക്കുകയെന്ന്​ പബ്ലിക്​ പ്രോസിക്യൂഷൻ വ്യക്​തമാക്കി. 

ആദ്യമായി ജബൽ അലി പൊലീസ്​ സ്​റ്റേഷനിലാണ്​ സ്​മാർട്ട്​ ജാമ്യ സംവിധാനം ആരംഭിക്കുകയെന്നും ഇൗ വർഷം പകുതിയോടെ മറ്റു പൊലീസ്​ സ്​റ്റേഷനുകളിലേക്ക്​ വ്യാപിപ്പിക്കുമെന്നും ദുബൈ അറ്റോർണി ജനറൽ ഇസ്സാം ഇൗസ ആൽ ഹുമൈദാൻ അറിയിച്ചു. ദുബൈ പബ്ലിക്​ പ്രോസിക്യൂഷൻ, ദുബൈ പൊലീസ്​ എന്നിവയുടെ സഹകരണത്തിലാണ്​ സംവിധാനം നടപ്പാക്കുന്നത്​.