ദുബൈ-ഷാർജ ബസ്​,  സമയം 30 മിനിറ്റ്​

ദുബൈ:  അര മണിക്കൂർ ബസ്​ യാത്ര ചെയ്​ത്  ദുബൈയിൽ നിന്ന്​ ഷാർജയിലെത്താം. യാത്രക്കാരുടെ വർധന പരിഗണിച്ച്​ റോഡ്​ ഗതാഗത അതോറിറ്റി ഏർപ്പെടുത്തിയ E311 എന്ന പുതിയ ബസ്​റൂട്ടിലാണ്​ അതിവേഗ യാത്ര. റാശിദീയ മെട്രോ സ്​റ്റേഷനിൽ നിന്ന്​ ഷാർജ ജുബൈൽ ബസ്​ സ്​റ്റേഷനിലേക്ക്​ ആറ്​ ബസുകളാണ്​ ഏർപ്പെടുത്തിയിരിക്കുന്നതെന്ന്​ ആർ.ടി.എ ആസൂത്രണ വിഭാഗം ഡയറക്​ടർ മുഹമ്മദ്​ അബൂബക്കർ അൽ ഹാഷിമി അറിയിച്ചു.  

വ്യവസായ മേഖലയിലെ നാഷനൽ പെയിൻറ്​സ്​, മലീഹ റോഡ്​ മുനിസിപ്പാലിറ്റി ഒാഫീസ്​, മലീഹ റോഡ്​ രണ്ടാം ഇൻഡസ്​ട്രിയൽ ജംങ്​ഷൻ, മലീഹ റോഡ്​ ജെ&പി ജങ്​ഷൻ, മലീഹ റോഡ്​ മസാ സിഗ്​നൽ ജംങ്​ഷൻ, കിംങ്​ ഫൈസൽ റോഡ്​ മസാ സിഗ്​നൽ ജംങ്​ഷൻ, കിങ്​ ഫൈസൽ റോഡ്​ ​ബ്രിഡ്​ജ്​, കിംഗ്​ ഫൈസൽ റോഡ്​ ജംബോ (സോണി), കിംഗ്​ ഫൈസൽ റോഡ് അഡ്​നോക്​ പെട്രോൾ സ്​റ്റേഷൻ, കിങ്​ ഫൈസൽ റോഡ്​ ഗോൾഡ്​ സൂഖ്​ എന്നീ സ്​റ്റോപ്പുകൾ പിന്നിട്ട്​ ജുബൈൽ സ്​റ്റേഷനിൽ എത്തും വിധമാണ്​ ബസ്​ റൂട്ട്​.