ദുബൈ സ്​മാർട്ടാണ്​, ഇനി കൂടുതൽ സ്​മാർട്ടാവും ഉഗ്രൻ ആശയങ്ങളായി സ്​മാർട്ട്​ ട്രോളിയും സ്​മാർട്ട്​ ടേബിളും

ദുബൈ: സ്​മാർട്ട്​ എന്ന ശീലത്തോട്​ വല്ലാത്ത ഒരിഷ്​ടമാണ്​ ദുബൈക്ക്​. ജീവിതത്തി​​​െൻറ എല്ലാ മേഖലകളും സ്​മാർട്ട്​ ആക്കി മാറ്റാൻ ഇത്രമാത്രം ശ്രദ്ധപുലർത്തുന്ന നഗരം വേറെ ഉണ്ടാകണമെന്നില്ല. വേൾഡ്​ ട്രേഡ്​ സ​​െൻററിൽ ഇന്നു സമാപിക്കുന്ന വേൾഡ്​ ഒഫ്​ പെറിഷബിൾസ്​ പ്രദർശനത്തിൽ ദുബൈ നഗരസഭ അവതരിപ്പിച്ച ​ സ്​മാർട്ട്​ ടേബിൾ, സ്​മാർട്ട്​ ട്രോളി എന്നീ ആശയങ്ങൾ ഉപഭോക്​താക്കൾക്ക്​ ഏറെ ആ​ശ്വാസവും സന്തോഷവും പകരുന്നവയാണ്​.
ദുബൈയിലെ പുതിയ വെജിറ്റബിൾ മാർക്കറ്റിൽ നടപ്പാക്കാൻ ഉദ്ദേശിക്കുന്ന സ്​മാർട്ട്​ ടേബിൾ വഴി സ്​ഥാപനത്തിലെ പഴം^പച്ചക്കറികളുടെ ഗുണമേൻമ അധികൃതർക്കും ഉപഭോക്​താക്കൾക്കും പെ​െട്ടന്ന്​ കണ്ടെത്താനാവും. ബാർകോഡ്​ പതിച്ചിരിക്കുന്ന പഴങ്ങൾ സ്​മാർട്ട്​ ടേബിളിൽ വെച്ചാൽ ഉൽപാദിപ്പിച്ച രാജ്യം, ഗുണമേൻമ, ഉപയോഗ യോഗ്യമോ അല്ലയോ എന്നിവയെല്ലാം ഞൊടിയിട കൊണ്ട്​ സ്​ക്രീനിൽ തെളിയും.

സ്​മാർട്ട്​ ട്രോളി അതിലേറെ രസകരമാണ്​. സ്​ക്രീനിൽ ഉപഭോക്​താവി​െന തിരിച്ചറിയുന്ന ചിത്രമോ കോഡോ നൽകിയാൽ പിന്നെ ട്രോളി ഒരു വാല്യക്കാരനെപ്പോലെ ഒപ്പം നടക്കും. ആവശ്യമുള്ള സാധനങ്ങൾ എടുത്ത്​ ട്രോളിയിൽ വെക്കുന്ന ജോലി മാത്രമേ നമ്മൾ ചെയ്യേണ്ടതുള്ളു. ഉന്തുകയോ വലിക്കുകയോ വേണ്ട. ബില്ല്​ നൽകിക്കഴിഞ്ഞാൽ കാറിലേക്ക്​ എത്തും വരെ കൂടെയുണ്ടാവും. ചരക്കുകൾ ഇറക്കുന്നതിനും കയറ്റുന്നതിനും സമയവും അധ്വാനവും കുറച്ചു മാത്രം വേണ്ടി വരുന്ന സ്​മാർട്ട്​ ഹാൻറ്​ എന്നൊരു ആശയവും പ്രദർശനത്തിലുണ്ട്​. 2019 അവസാന പാദത്തോടെ സ്​മാർട്ട്​ ഹാൻറ്​ നടപ്പിലാക്കാനാണ്​ നഗരസഭ ലക്ഷ്യമിടുന്നത്​. നഗരസഭ ഡയറക്​ടർ ജനറൽ ദാവൂദ്​ അൽ ഹജിരി സ്​മാർട്ട്​ പദ്ധതി ആശയങ്ങൾ ഉദ്​ഘാടനം ചെയ്​തു.