കാടിനൊപ്പം കൂട്ടുകൂടാം, ദുബൈ സഫാരിക്കൊരുങ്ങാം...

ദുബൈ: പ്രകൃതിയോടും ജീവജാലങ്ങളോടും സൗമ്യമായി ഇടപഴകുന്ന ജീവിത സംസ്​കാരം മുന്നോട്ടുവെക്കുന്ന ദുബൈയുടെ യശ്ശസുയർത്താൻ ഇനി ദുബൈ സഫാരിയും സജ്ജം.  വൈവിധ്യമാർന്ന ജീവജാലങ്ങൾക്ക്​ ഇടമൊരുക്കി119 ഹെക്​ടറിലായി പരന്നു കിടക്കുന്ന ദുബൈ സഫാരി കാഴ്​ചക്കാരെ സ്വീകരിക്കാൻ ഒരുങ്ങിക്കഴിഞ്ഞു. ഒൗ​േദ്യാഗിക ഉദ്​ഘാടനം ഇൗ മാസം അവസാനം നടക്കുമെന്നാണ്​ സൂചന.  ഒരു വന്യജീവി സ​േങ്കതത്തിനും കാഴ്​ച ബംഗ്ലാവിനും ഉപരിയായി മൃഗക്ഷേമവും വന വൈവിധ്യങ്ങളും സംബന്ധിച്ച്​ കുഞ്ഞുങ്ങളിലും ജനങ്ങളിലും അറിവു പകരുന്നതിനുള്ള മാധ്യമമായാണ്​ ദുബൈ സഫാരി പ്രവർത്തിക്കുകയെന്ന്​ ദുബൈ നഗരസഭാ ഡയറക്​ടർ ജനറൽ ഹുസൈൻ നാസർ ലൂത്ത വ്യക്​തമാക്കി.

ഏഷ്യ, ആഫ്രിക്ക, മധ്യപൂർ​വ മേഖല എന്നിവിടങ്ങളിലെ 250 വിഭാഗങ്ങളിൽ നിന്നായി 2500 ലേറെ മൃഗങ്ങളെയാണ്​ ഇവിടെ കാണാനാവുക. ദുബൈ ജ​ുമൈറയിൽ പ്രവർത്തിച്ചിരുന്ന ദുബൈ മൃഗശാലയിൽ നിന്നുള്ള മൃഗങ്ങളെയും ഇവിടെ എത്തിച്ചിട്ടുണ്ട്​. മൃഗ പരിപാലനം സംബന്ധിച്ച പ്രത്യേക പാഠ്യപദ്ധതിയും സഫാരിക്കു കീഴിൽ ആരംഭിക്കും. അഞ്ചു വർഷം കൊണ്ട്​ ലോകത്തെ ഏറ്റവും പ്രധാനപ്പെട്ട മൃഗ പാർക്കുകളിലൊന്നായി ദുബൈ സഫാരി മാറും  ആരോഗ്യകരവും സുരക്ഷിതവുമായ സാഹചര്യത്തിൽ മൃഗങ്ങളും അവയുടെ ആവാസ വ്യവസ്​ഥയുമായി ഇടപഴകാനും അവ സംരക്ഷിക്കേണ്ടതി​​െൻറ പ്രാധാന്യം തിരിച്ചറിയുന്നതിനും  ദുബൈ സഫാരി സഹായകമാവും. അൽ വറഖ അഞ്ചിൽ ​ഡ്രാഗൺ മാർട്ട്​ രണ്ടിന്​ എതിർവശത്തായാണ്​ സഫാരി സ്​ഥിതി ചെയ്യുന്നത്​. പാർക്കിനകത്ത്​ സഞ്ചരിക്കാൻ പ്രത്യേകമായ ഇലക്​ട്രിക്​ വാഹനങ്ങൾ തയ്യാറാക്കിയിട്ടുണ്ട്​. 

മൃഗങ്ങളുടെ കഥകൾ കേട്ടും അവക്ക്​ തീറ്റ നൽകിയും സഞ്ചരിക്കാവുന്ന കിഡ്​സ്​ ഫാം കുഞ്ഞുങ്ങൾക്ക്​ ശരിക്കും ഇഷ്​ടമാവും. അറേബ്യ,ആഫ്രിക്കൻ, ഏഷ്യൻ സഫാരി വില്ലേജുകളായാണ്​ ദുബൈ സഫാരി​െയ തിരിച്ചിരിക്കുന്നത്​.   സൗരോർജത്തിൽ നിന്നുൽപാദിപ്പിക്കുന്ന വൈദ്യുതിയാണ്​ പാർക്കി​​െൻറ പ്രവർത്തനങ്ങൾക്ക്​ ഉപയോഗിക്കുക. 

കുട്ടികൾക്ക്​ ഇരുപതും മുതിർന്നവർക്ക്​ അമ്പത്​ ദിർഹവുമാണ്​ ദുബൈ സഫാരിയിലേക്കുള്ള ടിക്കറ്റ്​ നിരക്ക്​. സഫാരി വില്ലേജിൽ കയറാൻ കുട്ടികൾക്ക്​ 20 മുതിർന്നവർക്ക്​ 50 എന്നിങ്ങനെ ടിക്കറ്റ്​  എടുക്കണം. എന്നാൽ 30 ദിർഹത്തി​​െൻറ ടിക്ക​െറ്റടുത്താൽ കുട്ടികൾക്കും 85 ദിർഹത്തി​​െൻറ ടിക്കറ്റിൽ മുതിർന്നവർക്കും മുഴുവൻ ചുറ്റിക്കാണാം. മൂന്നു വയസിൽ താഴെയും 60 വയസിനു മുകളിലുമുള്ളവർക്കും സൗജന്യമാണ്​. നിശ്​ചയ ദാർഢ്യ വിഭാഗത്തിൽ പെട്ടവർക്കു പുറമെ അവരുടെ കൂടെ വഴികാട്ടികളായി എത്തുന്ന രണ്ടു പേർക്കും ദുബൈ നഗരസഭ പാർക്കുകളിലെല്ലാം പ്രവേശനം സൗജന്യമാക്കിയ സൗകര്യം ഇവിടെയും ലഭിക്കും.