ആ​റ്​ ല​ക്ഷ​ത്തി​ലേ​റെ പ​രി​ശോ​ധ​ന​ക​ൾന​ട​ത്തി ആ​ർ.​ടി.​എ

ദു​ബൈ: ക​ഴി​ഞ്ഞ വ​ർ​ഷം 25 പ​രി​ശോ​ധ​ന കാ​മ്പ​യി​നു​ക​ളി​ലാ​യി 6.06ല​ക്ഷം പ​രി​ശോ​ധ​ന​ക​ൾ പൂ​ർ​ത്തി​യാ​ക്കി​യ​താ​യി റോ​ഡ്​ ഗ​താ​ഗ​ത അ​തോ​റി​റ്റി അ​റി​യി​ച്ചു. വ്യ​ത്യ​സ്ത യാ​ത്ര ഗ​താ​ഗ​ത മേ​ഖ​ല​ക​ളി​ലെ നി​യ​മ​ലം​ഘ​ന​ങ്ങ​ൾ പി​ടി​കൂ​ടു​ന്ന​തി​നാ​ണ്​ പ​രി​ശോ​ധ​ന ന​ട​ത്തി​യ​ത്. ബ​സു​ക​ളി​ലും സ​മു​ദ്ര ഗ​താ​ഗ​ത സം​വി​ധാ​ന​ങ്ങ​ളി​ലും പ​ണ​മ​ട​ക്കാ​തെ യാ​ത്ര ചെ​യ്യു​ന്ന​ത്​ അ​ട​ക്ക​മു​ള്ള​വ ക​ണ്ടെ​ത്താ​നാ​ണ്​ പ​രി​ശോ​ധ​ന​ക​ൾ ല​ക്ഷ്യ​മി​ട്ട​ത്. താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും എ​ളു​പ്പ​ത്തി​ലു​ള്ള​തും സു​സ്ഥി​ര​വു​മാ​യ ദൈ​നം​ദി​ന യാ​ത്ര​സൗ​ക​ര്യം ഉ​റ​പ്പാ​ക്കു​ക​യാ​ണ്​ പ​ദ്ധ​തി​യി​ലൂ​ടെ ല​ക്ഷ്യ​മി​ട്ട​തെ​ന്നും അ​ധി​കൃ​ത​ർ വാ​ർ​ത്ത​ക്കു​റി​പ്പി​ൽ പ​റ​ഞ്ഞു.

ചി​ല പ​രി​ശോ​ധ​ന​ക​ൾ ദു​ബൈ പൊ​ലീ​സ്​ ജ​ന​റ​ൽ ഹെ​ഡ്​​ക്വാ​ർ​ട്ടേ​ഴ്​​സ്, എ​മി​ഗ്രേ​ഷ​ൻ വ​കു​പ്പാ​യ ഐ.​സി.​പി​ എ​ന്നി​വ​യു​മാ​യി സ​ഹ​ക​രി​ച്ചാ​ണ്​ ന​ട​പ്പാ​ക്കി​യ​തെ​ന്ന്​ ആ​ർ.​ടി.​എ​യി​ലെ പാ​സ​ഞ്ച​ർ ട്രാ​ൻ​സ്​​പോ​ർ​ട്ട്​ ആ​ക്ടി​വി​റ്റീ​സ്​ മോ​ണി​റ്റ​റി​ങ്​ വ​കു​പ്പ്​ ഡ​യ​റ​ക്ട​ർ സ​ഈ​ദ്​ അ​ൽ ബ​ലൂ​ഷി പ​റ​ഞ്ഞു.

പൊ​തു​ഗ​താ​ഗ​ത സം​വി​ധാ​ന​ത്തി​ലെ അ​ന​ധി​കൃ​ത​മാ​യ രീ​തി​ക​ൾ ക​ണ്ടെ​ത്താ​നും ശ​രി​യ​ല്ലാ​ത്ത സ്വ​ഭാ​വ​ങ്ങ​ൾ ത​ട​യാ​നും ല​ക്ഷ്യ​മി​ട്ടാ​ണ്​ പ​രി​ശോ​ധ​ന​ക​ൾ പൂ​ർ​ത്തി​യാ​ക്കി​യ​ത്. ഇ​ത്​ നി​യ​മ​ലം​ഘ​ന​ങ്ങ​ൾ കു​റ​യാ​നും സേ​വ​ന​ങ്ങ​ൾ കൂ​ടു​ത​ൽ മെ​ച്ച​പ്പെ​ടു​ത്താ​നും സ​ഹാ​യി​ച്ചി​ട്ടു​ണ്ടെ​ന്ന്​ അ​ദ്ദേ​ഹം കൂ​ട്ടി​ച്ചേ​ർ​ത്തു. ബ​സു​ക​ളി​ലും സ​മു​ദ്ര ഗ​താ​ഗ​ത സം​വി​ധാ​ന​ങ്ങ​ളി​ലും മ​റ്റു സം​വി​ധാ​ന​ങ്ങ​ളി​ലും പേ​മെ​ന്‍റ്​ ന​ട​ത്തു​ന്ന​ത്​ പാ​ലി​ക്ക​ണ​മെ​ന്നും ലോ​കോ​ത്ത​ര സേ​വ​ന​ങ്ങ​ൾ ന​ൽ​കു​ന്ന​തി​ന്​ ആ​ർ.​ടി.​എ​യു​മാ​യി സ​ഹ​ക​രി​ക്ക​ണ​മെ​ന്നും അ​ദ്ദേ​ഹം പൊ​തു​ജ​ന​ങ്ങ​ളോ​ട്​ ആ​വ​ശ്യ​പ്പെ​ട്ടു.