Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightപൊതുഗതാഗതം...

പൊതുഗതാഗതം പു​നഃ​സ്ഥാ​പി​ക്കാ​ൻ ദുബൈ ഒരുങ്ങുന്നു

text_fields
bookmark_border
പൊതുഗതാഗതം പു​നഃ​സ്ഥാ​പി​ക്കാ​ൻ ദുബൈ ഒരുങ്ങുന്നു
cancel

നാഷിഫ് അലിമിയാൻ

ദു​ബൈ: നി​യ​ന്ത്ര​ണ​ങ്ങ​ളി​ൽ ഇ​ള​വു​ക​ൾ വ​രു​ത്തി ദു​ബൈ ന​ഗ​രം പ​ഴ​യ​രീ​തി​യി​ലേ​ക്ക് നീ​ങ്ങു​ന്ന സാ​ഹ​ച​ര്യ​ത്തി​ൽ പൊ​തു​ഗ​താ​ഗ​ത​വും പ​ഴ​യ​രീ​തി​യി​ലാ​ക്കാ​ൻ ത​യാ​റെ​ടു​ക്കു​ന്നു. ഫെ​ബ്രു​വ​രി​യി​ൽ​ത​ന്നെ ഇ​തു സം​ബ​ന്ധി​ച്ച് പ്ര​ഖ്യാ​പ​മു​ണ്ടാ​യേ​ക്കു​മെ​ന്നാ​ണ് സൂ​ച​ന. കോ​വി​ഡി​ന് മു​മ്പു​ള്ള കാ​ല​വു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ പൊ​തു​ഗ​താ​ഗ​ത സേ​വ​നം 80 ശ​ത​മാ​നം തി​രി​ച്ചു​പി​ടി​ച്ച​താ​യി പ​ബ്ലി​ക് ട്രാ​ൻ​സ്പോ​ർ​ട്ട് ഏ​ജ​ൻ​സി സി.​ഇ.​ഒ​യും ആ​ർ.​ടി.​എ എ​ക്സി​ക്യൂ​ട്ടി​വ് ബോ​ർ​ഡ് അം​ഗ​വു​മാ​യ അ​ഹ​മ​ദ് ബ​ഹ്റോ​സി​യ​ൻ ചൂ​ണ്ടി​ക്കാ​ട്ടി. മി​ന ട്രാ​ൻ​സ്പോ​ർ​ട്ട് കോ​ൺ​ഗ്ര​സ് വെ​ബി​നാ​റി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ദു​ബൈ റോ​ഡ്‌​സ് ആ​ൻ​ഡ് ട്രാ​ൻ‌​സ്‌​പോ​ർ​ട്ട് അ​തോ​റി​റ്റി (ആ​ർ.‌​ടി‌.​എ) ആ​ഴ്ച​തോ​റും സ​ർ​വി​സു​ക​ൾ നി​രീ​ക്ഷി​ച്ചു​വ​രു​ക​യാ​ണെ​ന്നും ഒ​ന്നോ ര​ണ്ടോ മാ​സ​ത്തി​നു​ള്ളി​ൽ കോ​വി​ഡി​ന്​ മു​മ്പ് ന​ട​ത്തി​യ​തു പോ​ലെ​യു​ള്ള സ​ർ​വി​സ് പു​ന​രാ​രം​ഭി​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു.

ഫെ​ബ്രു​വ​രി-​മാ​ർ​ച്ച് മാ​സ​ത്തോ​ടെ ഞ​ങ്ങ​ൾ​ക്ക്​ 2019ലേ​തി​ന് സ​മാ​ന​മാ​യ സ​ർ​വി​സ് ന​ട​ത്താ​നാ​വും -ബ​ഹ്‌​റോ​സി​യ​ൻ ചൂ​ണ്ടി​ക്കാ​ട്ടി. മ​ഹാ​മാ​രി കാ​ല​ത്ത് പൊ​തു​ഗ​താ​ഗ​തം ഉ​പ​യോ​ഗി​ക്കു​ന്ന​വ​രു​ടെ എ​ണ്ണം വ​ർ​ധി​പ്പി​ക്കു​ക​യെ​ന്ന​ത് ആ​ഗോ​ള​ത​ല​ത്തി​ൽ മ​റ്റു ന​ഗ​ര​ങ്ങ​ൾ​ക്ക് കേ​ട്ടു​പ​രി​ച​യ​മി​ല്ലാ​ത്ത സം​ഗ​തി​യാ​ണ്. കാ​ര​ണം ചു​റ്റു​മു​ള്ള​വ​രി​ൽ​നി​ന്ന് ഇ​പ്പോ​ഴും ആ​ശ​ങ്ക അ​ക​ന്നി​ട്ടി​ല്ല, പ്ര​ത്യേ​കി​ച്ചും പാ​ശ്ചാ​ത്യ ന​ഗ​ര​ങ്ങ​ളി​ലാ​ണ് ഇ​ത്ത​രം അ​വ​സ്ഥ​യെ​ന്നും അ​ദ്ദേ​ഹം വ്യ​ക്ത​മാ​ക്കി.

പ്ര​തി​രോ​ധ​ത്തിെൻറ​യും സു​ര​ക്ഷ​യു​ടെ​യും കാ​ര്യ​ത്തി​ൽ ഒ​ന്നാ​മ​താ​ണ് യു.​എ.​ഇ. ദേ​ശീ​യ അ​ണു​ന​ശീ​ക​ര​ണ യ​ജ്ഞം ന​ട​ന്ന ഏ​താ​നും ആ​ഴ്ച​ത്തെ ച​ല​ന നി​യ​ന്ത്ര​ണ​ങ്ങ​ൾ​ക്കും രാ​ത്രി​കാ​ല ക​ർ​ഫ്യൂ​ക​ൾ​ക്കും ശേ​ഷം ദു​ബൈ ഏ​പ്രി​ൽ അ​വ​സാ​ന വാ​ര​ത്തി​ൽ​ത​ന്നെ ഉ​ത്ത​ര​വാ​ദി​ത്ത​ത്തോ​ടെ പ​ഴ​യ നി​ല​യി​ലേ​ക്ക് മ​ട​ങ്ങാ​ൻ തു​ട​ങ്ങി​യി​രു​ന്നു. 2020 ജൂ​ലൈ ഏ​ഴി​നാ​ണ് അ​ന്താ​രാ​ഷ്്ട്ര എ​യ​ർ​പോ​ർ​ട്ടു​ക​ൾ യാ​ത്രാ വി​മാ​ന​ങ്ങ​ൾ​ക്കാ​യി തു​റ​ന്ന​ത്. എ​ങ്കി​ലും ടൂ​റി​സം മേ​ഖ​ല​യി​ൽ പ്ര​തീ​ക്ഷി​ച്ച​ത്ര വേ​ഗം പ്ര​ക​ട​മ​ല്ലെ​ന്ന​ത് യാ​ഥാ​ർ​ഥ്യ​മാ​ണ്. വി​മാ​ന യാ​ത്ര ഉ​ൾ​പ്പെ​ടെ നി​ര​വ​ധി രാ​ജ്യ​ങ്ങ​ൾ ഇ​പ്പോ​ഴും ച​ല​ന നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തു​ന്ന​ത് തു​ട​രു​ക​യാ​ണ്. ഇ​ത് ടാ​ക്സി, ലി​മോ സ​ർ​വി​സു​ക​ളെ അ​ൽ​പം ബാ​ധി​ച്ചി​ട്ടു​ണ്ട്.

ദു​ബൈ​യി​ൽ ആ​ളു​ക​ൾ വ​ർ​ക്ക് ഫ്രം ​ഹോം സം​വി​ധാ​നം തു​ട​രു​ന്നു​ണ്ടെ​ങ്കി​ലും കോ​വി​ഡ് വാ​ക്സി​ൻ എ​ല്ലാ​വ​രി​ലും എ​ത്തു​ന്ന​തോ​ടെ ഓ​ഫി​സു​ക​ളി​ൽ​നി​ന്ന് കൂ​ടു​ത​ൽ ജോ​ലി പു​ന​രാ​രം​ഭി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ഇ​തോ​ടെ ടാ​ക്സി സ​ർ​വി​സു​ക​ൾ കു​തി​പ്പി​ലേ​ക്ക് ഉ​യ​രും. ഒ​പ്പം സ​ർ​വി​സു​ക​ളു​ടെ എ​ണ്ണ​വും വ​ർ​ധി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ബ​ഹ്‌​റോ​സി​യ​ൻ കൂ​ട്ടി​ച്ചേ​ർ​ത്തു.

ഹ​രി​ത ന​ഗ​ര​ങ്ങ​ളു​ടെ​യും വ​ർ​ധി​ച്ച സാ​മൂ​ഹി​ക-​സാ​മ്പ​ത്തി​ക ച​ല​നാ​ത്മ​ക​ത​യു​ടെ​യും പ്ര​ധാ​ന ഘ​ട​ക​മാ​ണ് പൊ​തു​ഗ​താ​ഗ​ത സേ​വ​ന​ങ്ങ​ൾ. അ​തു​കൊ​ണ്ടു​ത​ന്നെ ന​ഗ​ര​ത്തിെൻറ ജീ​വ​നാ​ഡി​യാ​യി പൊ​തു​ഗ​താ​ഗ​ത സം​വി​ധാ​നം പ​ഴ​യ രീ​തി​യി​ൽ പു​നഃ​സ്ഥാ​പി​ക്കേ​ണ്ട​ത് അ​ത്യാ​വ​ശ്യ​മാ​ണെ​ന്നാ​ണ് ആ​ർ.​ടി.​എ​യു​ടെ വി​ല​യി​രു​ത്ത​ൽ. ദു​ബൈ​യി​ലെ പൊ​തു​ഗ​താ​ഗ​ത സം​വി​ധാ​നം ഉ​പ​യോ​ഗി​ക്കു​ന്ന​വ​രു​ടെ ദൈ​നം​ദി​ന ശ​രാ​ശ​രി 2019ൽ 1.63 ​ദ​ശ​ല​ക്ഷ​മാ​യി​രു​ന്നു. പൊ​തു​ഗ​താ​ഗ​ത യാ​ത്ര​ക്കാ​രി​ൽ നാ​ലി​ലൊ​ന്നും ബ​സു​ക​ളെ​യാ​ണ് ആ​ശ്ര​യി​ക്കു​ന്ന​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:dubaipublic transport
Next Story