ദു​ബൈ ജ​ന​സം​ഖ്യ 38 ല​ക്ഷം; 2024ൽ ​മാ​ത്രം ദു​ബൈ​യി​ലെ​ത്തി​യ​ത് 1,69,000 പേ​ർ

ദു​ബൈ: തൊ​ഴി​ല​ന്വേ​ഷി​ച്ചും നി​ക്ഷേ​പ​ത്തി​ന്​ അ​വ​സ​രം തേ​ടി​യും ലോ​ക രാ​ജ്യ​ങ്ങ​ളി​ൽ​നി​ന്ന്​ പ്ര​വാ​സി​ക​ളു​ടെ കു​ടി​യേ​റ്റം ശ​ക്ത​മാ​യ​തോ​ടെ ദു​ബൈ​യി​ലെ ജ​ന​സം​ഖ്യ​യി​ൽ വ​ൻ കു​തി​പ്പ്. 2024ൽ ​മാ​ത്രം 1,69,000 പേ​ർ​ ദു​ബൈ​യി​ലെ​ത്തി​യ​താ​യി ദു​ബൈ സ്റ്റാ​റ്റി​സ്റ്റി​ക്സ്​ സെ​ന്‍റ​ർ പു​റ​ത്തു​വി​ട്ട സ്ഥി​തി​വി​വ​ര ക​ണ​ക്കു​ക​ൾ വെ​ളി​പ്പെ​ടു​ത്തി​.

ഇ​തോ​ടെ എ​മി​റേ​റ്റി​ലെ ​ആ​കെ ജ​ന​സം​ഖ്യ 38.25 ല​ക്ഷം ക​വി​ഞ്ഞു. താ​മ​സ​ക്കാ​രു​ടെ എ​ണ്ണം വ​ർ​ധി​ക്കു​ന്ന​തോ​ടെ ദു​ബൈ​യി​ലെ ഭ​വ​ന, ഗ​താ​ഗ​തം, ആ​രോ​ഗ്യ സു​ര​ക്ഷ, വി​ദ്യാ​ഭ്യാ​സം തു​ട​ങ്ങി​യ മേ​ഖ​ല​ക​ളി​ൽ ഡി​മാ​ൻ​ഡ്​ വ​ർ​ധി​ക്കു​മെ​ന്നാ​ണ്​ വി​ല​യി​രു​ത്ത​ൽ. വ​രും​വ​ർ​ഷ​ങ്ങ​ളി​ൽ ഉ​ൽ​പ​ന്ന​ങ്ങ​ളു​ടെ ഉ​പ​ഭോ​ഗ​വും വ​ർ​ധി​ക്കു​മെ​ന്നാ​ണ്​ നി​ഗ​മ​നം.

2018 മു​ത​ൽ എ​മി​റേ​റ്റി​ലെ ജ​ന​സം​ഖ്യ​യി​ൽ കു​തി​പ്പു തു​ട​രു​ക​യാ​ണ്. 2021, 2022, 2023 വ​ർ​ഷ​ങ്ങ​ളി​ൽ യ​ഥാ​ക്ര​മം 67,000, 71,500, 1,04,000 എ​ന്ന തോ​തി​ലാ​ണ്​ ജ​ന​സം​ഖ്യ​യി​ലു​ണ്ടാ​യ വ​ർ​ധ​ന.

2019ൽ 1,62,000 ​പേ​രും 2018ൽ 2,15,000 ​പേ​രും ദു​ബൈ​യി​ലേ​ക്ക്​ താ​മ​സം മാ​റി​യ​താ​യും സ്ഥി​തി​വി​വ​ര ക​ണ​ക്കു​ക​ൾ വ്യ​ക്ത​മാ​ക്കു​ന്നു. കോ​വി​ഡ്​ മ​ഹാ​മാ​രി​യി​ൽ ലോ​കം മു​ഴു​വ​ൻ സ്തം​ഭി​ച്ച​പ്പോ​ഴും ദു​ബൈ തൊ​ഴി​ല​ന്വേ​ഷ​ക​​രെ ആ​ക​ർ​ഷി​ക്കു​ന്ന​തി​ൽ വി​ജ​യി​ച്ച​താ​യി ക​ണ​ക്കു​ക​ൾ സൂ​ചി​പ്പി​ക്കു​ന്നു.

കോ​വി​ഡി​ന്​ പി​ന്നാ​ലെ 2020ൽ 54,700 ​പേ​രാ​ണ്​ ദു​ബൈ​യി​ലെ​ത്തി​യ​ത്.