യാ​ച​ന​വി​രു​ദ്ധ കാ​മ്പ​യി​നു​മാ​യി ദു​ബൈ പൊ​ലീ​സ്

​ദു​ബൈ: റ​മ​ദാ​നി​ൽ ആ​സൂ​ത്രി​ത​മാ​യി ന​ട​ത്തു​ന്ന യാ​ച​ന​ക്കെ​തി​രെ ബോ​ധ​വ​ത്​​ക​ര​ണ കാ​മ്പ​യി​ൻ പ്ര​ഖ്യാ​പി​ച്ച്​ ദു​ബൈ പൊ​ലീ​സ്. മാ​ർ​ച്ച് 13 മു​ത​ൽ കാ​മ്പ​യി​ന്​ തു​ട​ക്ക​മാ​കും. സ​മൂ​ഹ​ത്തി​ൽ തെ​റ്റാ​യ സ​ന്ദേ​ശം ന​ൽ​കു​ന്ന യാ​ച​ന ത​ട​യു​ക​യാ​ണ്​ ല​ക്ഷ്യം. യാ​ച​ന പി​ടി​ക്ക​പ്പെ​ട്ടാ​ൽ 5,000 ദി​ർ​ഹം വ​രെ പി​ഴ​യും മൂ​ന്നു​മാ​സം ത​ട​വും ശി​ക്ഷ ല​ഭി​ക്കു​മെ​ന്ന്​ പൊ​ലീ​സ്​ മു​ന്ന​റി​യി​പ്പ്​ ന​ൽ​കി. അ​ൽ ത​വാ​റി​ലെ പൊ​ലീ​സ്​ ആ​സ്ഥാ​ന​ത്ത്​ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ പി​ടി​കി​ട്ടാ​പ്പു​ള്ളി​ക​ളെ ക​ണ്ടെ​ത്തു​ന്ന​തി​നു​ള്ള ഡി​പ്പാ​ർ​ട്ട്​​മെ​ന്‍റ് ഡ​യ​റ​ക്ട​ർ കേ​ണ​ൽ സ​ഈ​ദ്​ അ​ൽ ഖ്വ​മ്​​സി​യാ​ണ്​​ റ​മ​ദാ​നി​ൽ യാ​ച​ന​വി​രു​ദ്ധ കാ​മ്പ​യി​​നി​ന്‍റെ വി​ശ​ദാം​ശ​ങ്ങ​ൾ പു​റ​ത്തു​വി​ട്ട​ത്. റ​മ​ദാ​നി​ൽ യാ​ച​ക​ർ ജ​ന​ങ്ങ​​ളു​ടെ ജീ​വ​കാ​രു​ണ്യ മ​നഃ​സ്ഥി​തി​യെ ചൂ​ഷ​ണം ചെ​യ്യു​ക​യാ​ണ്. ഇ​ത്​ പ്രോ​ത്സാ​ഹി​പ്പി​ക്കാ​നാ​വി​ല്ല. സാ​മൂ​ഹി​ക ക്ഷേ​മ​ത്തി​നും ഇ​ത്ത​രം സ്വ​ഭാ​വ​ക്കാ​ർ ഭീ​ഷ​ണി​യാ​ണെ​ന്ന്​ അ​ദ്ദേ​ഹം പ​റ​ഞ്ഞു.

യാ​ച​ന​യി​ൽ ഏ​ർ​പ്പെ​ടു​ക​യും രാ​ജ്യ​ത്തി​ന്​ പു​റ​ത്തു​നി​ന്ന്​ യാ​ച​ക​രെ എ​ത്തി​ക്കു​ക​യും ചെ​യ്യു​ന്ന​വ​ർ​ക്ക്​ ആ​റു മാ​സ​ത്തി​ൽ കു​റ​യാ​ത്ത ജ​യി​ൽ ശി​ക്ഷ​യും ഒ​രു ല​ക്ഷ​ത്തി​ൽ കു​റ​യാ​ത്ത പി​ഴ​യു​മാ​ണ്​ ശി​ക്ഷ. പാ​വ​ങ്ങ​ളെ സ​ഹാ​യി​ക്കാ​നെ​ന്ന്​ അ​വ​കാ​ശ​പ്പെ​ട്ട്​ യാ​ച​ന പ്രോ​ത്സാ​ഹി​പ്പി​ക്കാ​ൻ ചി​ല​ർ സ​മൂ​ഹ മാ​ധ്യ​മ​ങ്ങ​ളെ ചൂ​ഷ​ണം ചെ​യ്യു​ക​യാ​ണ്. ഇ​ത്ത​രം പ്ര​വ​ർ​ത്ത​ന​ങ്ങ​ൾ ത​ട​യാ​ൻ ശ​ക്​​ത​മാ​യ ന​ട​പ​ടി സ്വീ​ക​രി​ക്കും. 2012ൽ ​പാ​സാ​ക്കി​യ ഇ​ൻ​ഫ​ർ​മേ​ഷ​ൻ ടെ​ക്​​നോ​ള​ജി ക്രി​മി​ന​ൽ നി​യ​മ​പ്ര​കാ​രം മ​തി​യാ​യ ലൈ​സ​ൻ​സോ അ​നു​മ​തി​യോ ഇ​ല്ലാ​തെ സാ​​ങ്കേ​തി​ക വി​ദ്യ​ക​ൾ ഉ​പ​യോ​ഗി​ച്ച്​ ഫ​ണ്ട്​ പി​രി​ക്കു​ന്ന​ത്​ പ്രോ​ത്സാ​ഹി​പ്പി​ച്ചാ​ൽ 2.5 ല​ക്ഷം മു​ത​ൽ അ​ഞ്ചു ല​ക്ഷം ദി​ർ​ഹം വ​രെ പി​ഴ ഈ​ടാ​ക്കാം. യാ​ച​ക​ർ​ക്ക്​ പ​ണം ന​ൽ​ക​രു​തെ​ന്നും ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്ക്​ ഔ​ദ്യോ​ഗി​ക മാ​ർ​ഗ​ങ്ങ​ൾ തി​ര​ഞ്ഞെ​ടു​ക്ക​ണ​മെ​ന്നും ജ​ന​ങ്ങ​ളോ​ട്​ പൊ​ലീ​സ്​ അ​ഭ്യ​ർ​ഥി​ച്ചു. അ​ർ​ഹ​ത​പ്പെ​ട്ട​വ​രി​ലേ​ക്ക്​ സ​ഹാ​യം എ​ത്തു​ന്നു​വെ​ന്ന്​ ഉ​റ​പ്പു​വ​രു​ത്താ​ൻ ഇ​ത്​ സ​ഹാ​യി​ക്കും. 99 ശ​ത​മാ​നം യാ​ച​ക​രും അ​തൊ​രു പ്ര​ഫ​ഷ​നാ​യാ​ണ്​ കാ​ണു​ന്ന​തെ​ന്നും ദു​ബൈ പൊ​ലീ​സ്​ പ​റ​ഞ്ഞു. യാ​ച​ന ശ്ര​ദ്ധ​യി​ൽ​പ്പെ​ട്ടാ​ൽ 901 എ​ന്ന ന​മ്പ​റി​ൽ അ​റി​യി​ക്ക​ണം. 2020നും 2023​നും ഇ​ട​യി​ൽ 17,000 യാ​ച​ക​രാ​ണ്​ പി​ടി​യി​ലാ​യ​ത്. ഇ​തി​ൽ 487 പേ​ർ സ്ത്രീ​ക​ളും 1238 പേ​ർ പു​രു​ഷ​ന്മാ​രു​മാ​ണ്.

ഭി​ക്ഷാ​ട​ക അ​റ​സ്റ്റി​ൽ; പി​ടി​കൂ​ടി​യ​ത്​ 30,000 ദി​ർ​ഹം

ദു​ബൈ: എ​മി​റേ​റ്റി​ൽ ഒ​രു മാ​സ​മാ​യി ഭി​ക്ഷാ​ട​നം ന​ട​ത്തി​വ​ന്ന സ്ത്രീ​യെ ദു​ബൈ പൊ​ലീ​സ്​ അ​റ​സ്റ്റ് ചെ​യ്തു. ഇ​വ​രി​ൽ​നി​ന്ന്​ 30,000 ദി​ർ​ഹം ക​ണ്ടെ​ത്തി. പ​ള്ളി​ക​ളു​ടെ​യും റ​സി​ഡ​ൻ​ഷ്യ​ൽ ഏ​രി​യ​ക​ളു​ടെ​യും പ​രി​സ​ര​ത്ത്​ ഒ​രു മാ​സ​ത്തി​നു​ള്ളി​ൽ ന​ട​ത്തി​യ ഭി​ക്ഷാ​ട​ന​ത്തി​ലൂ​ടെ​യാ​ണ്​​ ഇ​ത്ര​യും തു​ക ഇ​വ​ർ നേ​ടി​യ​തെ​ന്ന്​​ പൊ​ലീ​സ്​ അ​റി​യി​ച്ചു. ഒ​രാ​ഴ്ച മു​മ്പാ​ണ്​ ഇ​വ​ർ അ​റ​സ്റ്റി​ലാ​യ​ത്. സ​ന്ദ​ർ​ശ​ന വി​സ​യി​ലാ​ണ്​ ഇ​വ​ർ ദു​ബൈ​യി​ലെ​ത്തി​യ​ത്. പ്ര​തി​യെ ദു​ബൈ പൊ​ലീ​സ്​ പ്രോ​സി​ക്യൂ​ഷ​ന്​ കൈ​മാ​റി. ജ​ന​ങ്ങ​ളു​ടെ ദ​യ പി​ടി​ച്ചു​പ​റ്റാ​ൻ പ​ല രീ​തി​യി​ലു​ള്ള സൂ​ത്ര​ങ്ങ​ളാ​ണ്​ ഭി​ക്ഷാ​ട​ക​ർ ഉ​പ​യോ​ഗി​ക്കു​ന്ന​തെ​ന്നും അ​തി​ൽ വ​ഞ്ചി​ത​രാ​വ​രു​തെ​ന്നും പൊ​ലീ​സ്​ മു​ന്ന​റി​യി​പ്പ്​ ന​ൽ​കി. മ​റ്റൊ​രു സം​ഭ​വ​ത്തി​ൽ ര​ണ്ട്​ ഭി​ക്ഷാ​ട​ക​രെ പി​ടി​കൂ​ടി​യ​പ്പോ​ൾ ഇ​വ​രി​ൽ​നി​ന്ന്​ യ​ഥാ​ക്ര​മം 70,000, 60,000 ദി​ർ​ഹം വീ​ത​മാ​ണ്​ പി​ടി​കൂ​ടി​യ​ത്.