പ്രതിജ്ഞയെടുക്കാം അപകടരഹിത ദിനങ്ങൾക്കായി
text_fieldsദുബൈ: റോഡപകടങ്ങളുടെ നിരക്ക് കുറക്കുന്നതിനും സുരക്ഷിത ഡ്രൈവിങ് ഉറപ്പുവരുത്തുന് നതിനുമായി വിപുലമായ ക്യാമ്പയിന് ദുബൈ പൊലീസും ട്രാഫിക് പൊലീസും ഒരുങ്ങുന്നു. ‘അപകട മില്ലാത്ത ദിവസം’ ഉറപ്പുവരുത്തുന്നതിനായി വാഹന ഡ്രൈവർമാർക്കും ജാഗ്രതയോടെയുള്ള ഡ് രൈവിങ് പ്രോത്സാഹിപ്പിക്കുന്നതിനും ഡ്രൈവർമാർ പ്രതിജ്ഞയെടുക്കുന്നത് ഉൾടെയുള്ള വേ റിട്ട പദ്ധതികളാവിഷ്കരിച്ചാണ് കാമ്പയിൻ ആസൂത്രണം ചെയ്തിരിക്കുന്നത്.ഡ്രൈവർമാരെ ബോ ധവത്കരിക്കുന്നതിനും വേഗനിയന്ത്രണം ഉൾപെടെയുള്ള നിയമങ്ങൾ പാലിച്ച് മികച്ച രീതിയിൽ ഡ്രൈവ് ചെയ്യാൻ അവരെ പ്രോത്സാഹിപ്പിക്കുന്നതിനും വളരെയധികം പ്രധാന്യമുണ്ട്. ഇത്തവണത്തെ അധ്യയന വർഷാരംഭം പൂർണമായും അപകടരഹിതമാക്കുകയാണ് ലക്ഷ്യം. പ്രത്യേകിച്ച് ആദ്യ ആഴ്ചയെങ്കിലും ഇത് യാഥാർത്ഥ്യമാക്കും. ഒപ്പം അപകടരഹിത ഡ്രൈവിങ് നടത്തുമെന്ന് പ്രതിജ്ഞയെടുത്തവരെ, അതു പാലിക്കുന്ന പക്ഷം ആദരിക്കുകയും ചെയ്യും ^ തുടർച്ചയായ രണ്ടാം വർഷവും നടപ്പാക്കുന്ന കാമ്പയിനിെൻറ ഔദ്യാഗിക പ്രഖ്യാപനം നടത്തിക്കൊണ്ടു ദുബൈ ട്രാഫിക് പൊലീസ് ഡയറക്ടർ കേണൽ ജുമാ സലിം ബിൻ സുവൈദാൻ പറഞ്ഞു.
സ്കൂളുകൾ തുറക്കുന്ന ആദ്യ ആഴ്ചയിൽ അപകടങ്ങളുണ്ടാവാറുണ്ട്. കുട്ടികളെ സ്കൂളിലെത്തിക്കാനുള്ള ധൃതിയും മാതാപിതാക്കൾ തന്നെ തിരക്ക് പിടിച്ച് ഡ്രൈവ് ചെയ്യുന്നതിെൻറ ഫലമായാണിത്. സ്കൂളുകളുടെ സൂചികഫലകം കാണുമ്പോൾ വാഹനം നിർത്താൻ ശ്രദ്ധിക്കണം. അല്ലാത്തപക്ഷം 1000 ദിർഹം പിഴയീടാക്കും. മാത്രമല്ല, നിയമലംഘനം നടത്തുന്നവരുടെ ലൈസൻസിൽ ക്ക് ബ്ലാക്ക് പോയിൻറും രേഖപ്പെടുത്തും. അധ്യയന വർഷത്തിലെ ആദ്യദിനം നമുക്ക് അപകടമോ അപകടമരണമോ ഇല്ലാത്ത ദിവസമാക്കി മാറ്റണം ^ സലിം ബിൻ സുവൈദാൻ പറഞ്ഞു.കഴിഞ്ഞ വർഷത്തെ കാമ്പയിനിലൂടെ കൈവരിച്ച ലക്ഷ്യങ്ങളും നേട്ടങ്ങളും ട്രാഫിക് പൊലീസ് ഡയറക്ടർ വെളിപ്പെടുത്തി. കഴിഞ്ഞ വർഷം പരിക്കേൽക്കാത്ത കേവലം നാല് ചെറിയ അപകടങ്ങൾ മാത്രമാണുണ്ടായത്. അതിനു മുൻവർഷത്തെ സ്കൂൾ വർഷാരംഭത്തിൽ എട്ട് അപകടങ്ങൾ സംഭവിച്ചിരുന്നു ^ അദ്ദേഹം വെളിപ്പെടുത്തി.
ഇൻസ് റ്റഗ്രാമിൽ DP_challenge
കാമ്പയിനോടനുബന്ധിച്ച് ട്രാഫിക് സുരക്ഷ ബോധവത്കരണം പ്രമേയമായ ചിത്രങ്ങൾ, വീഡിയോകൾ, നവീന ആശയങ്ങൾ എന്നിവ പൊതുജനങ്ങളിൽ നിന്ന് സമാഹരിക്കും. ഇൻസ് റ്റഗ്രാമിൽ DP_challenge എന്ന ഹാഷ് ടാഗോടു കൂടി എൻട്രികൾ പോസ്റ്റ് ചെയ്യാം. മികച്ച ഗുണമേന്മയുള്ള ചിത്രങ്ങളാണ് പോസ്റ്റ് ചെയ്യേണ്ടത്. വീഡിയോകൾ 90 സെക്കൻറിൽ കൂടുതലാവരുത്. 20 സെക്കൻറിൽ കുറയാത്ത വീഡിയോകളാണ് പോസ്റ്റി ചെയ്യേണ്ടത്. എല്ലാ വിഭാഗം ജനങ്ങളുടെയും പിന്തുണയും പങ്കാളിത്തവും ഉറപ്പുവരുത്തുന്നതിനാണ് സമൂഹമാധ്യമങ്ങളിൽ കൂടിയും അപകടരഹിത ദിനം ട്രാഫിക് കാമ്പയിന് നടത്തുന്നതെന്ന് ദുബൈ പൊലീസ് സെക്യൂരിറ്റി മീഡിയ ഡയറക്ടർ കേണൽ ഫൈസൽ ഇസ്സ അൽകാസിം പറഞ്ഞു.
വരൂ പ്രതിജ്ഞയെടുക്കാം
അപകട രഹിതവും സുരക്ഷിതവുമായി ഡ്രൈവിങ് ഉറപ്പുവരുത്തുന്നതിന് ഡ്രൈവർമാർക്ക് ദുബൈ ട്രാഫിക് പൊലീസിനൊപ്പം ചേർന്ന് പ്രതിജ്ഞയെടുക്കാം. ദുബൈ പൊലീസിെൻറ വെബ്സൈറ്റ് സന്ദർശിച്ച് ഓൺലൈനായി തന്നെ പ്രതിജ്ഞ ചെയ്യാം.
കാത്തിരിപ്പുണ്ട് സമ്മാനങ്ങൾ
പ്രതിജ്ഞയെടുത്തവർ അവ കൃത്യമായി ഒരുവർഷക്കാലം പാലിക്കുകയാണെങ്കിൽ ദുബൈ പൊലീസ് സമ്മാനങ്ങളും നൽകും. പൊലീസ് ഗുഡ് സർട്ടിഫിക്കറ്റാണ് അവയിലൊന്ന്. കൂടാതെ പിഴയൊടുക്കേണ്ടി വന്നാൽ 50 ശതമാനം പണം അടച്ചാൽ മതിയാവും. ഒപ്പം ലൈസൻസിൽ ബ്ലാക്ക് പോയിൻറ് രേഖപ്പെടുത്തിയിട്ടുണ്ടെങ്കിൽ ഒഴിവാക്കും.
പ്രതിജ്ഞയിലെ പ്രധാന ഭാഗങ്ങൾ
ട്രാഫിക് നിയമങ്ങൾ പൂർണമായും പാലിക്കും
സീറ്റ് ബെൽറ്റ് നിർബന്ധമായും ധരിക്കും
സുരക്ഷിതമായ അകലം പാലിച്ച് മാത്രമേ ഡ്രൈവ് ചെയ്യൂ
കാൽനട യാത്രക്കാർക്ക് പരിഗണ നൽകും
ഡ്രൈവിങിനെ മൊബൈൽ ഫോൺ ഉപയോഗിക്കില്ല
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.