ദുബൈയിൽ 3.3 ​േകാടി ദിർഹത്തി​െൻറ വ്യാജ ഉൽപന്നങ്ങൾ പിടികൂടി

ദുബൈ: ദുബൈ പൊലീസ്​ വ്യത്യസ്​ത കേസുകളിലായി 3.3 കോടി ദിർഹത്തി​​​െൻറ വ്യാജ ഉൽപന്നങ്ങൾ പിടിച്ചെടുത്തു. സംഭവവുമായി ബന്ധപ്പെട്ട്​ അഞ്ച്​ ഏഷ്യക്കാരെ അറസ്​റ്റ്​ ചെയ്​തു. ആദ്യ കേസിൽ റാസൽ ഖോറിൽനിന്ന്​ 2.3 കോടി ദിർഹം വിലമതിക്കുന്ന വ്യാജ ഉൽപന്നങ്ങളാണ്​ പിടിച്ചെടുത്തത്​. 98000 ദിർഹത്തി​​​െൻറ വാച്ചുകൾ ഉൾപ്പെടെയാണിത്​. രണ്ടാമത്തെ കേസിൽ വ്യാജ മൊബൈൽ ഫോണുകളാണ്​ പിടിച്ചെടുത്തതെന്ന്​ സാമ്പത്തിക കുറ്റാന്വേഷണ വിഭാഗം ഡയറക്​ടർ കേണൽ ഉമർ ബിൻ ഹമദ്​ അറിയിച്ചു. ഹംരിയ പ്രദേശത്തെ വില്ലയിൽ വ്യാജ ഉൽപന്നങ്ങൾ ശേഖരിക്കുന്നുണ്ടെന്ന്​ വിവരം ലഭിച്ചതിനെ തുടർന്ന്​ പൊലീസ്​ നടത്തിയ ​പരിശോധനയിലാണ്​ ഒരു കോടിയുടെ മൊബൈൽ ഫോണുകൾ പിടികൂടിയത്​. ഇവിടെനിന്നാണ്​ നാല്​ ഏഷ്യക്കാർ അറസ്​റ്റിലായത്​.