മൻമീത്​ തറപ്പിച്ചു പറയുന്നു; ദുബൈയിലാണ്​  ശരിക്കും ജനമൈത്രി പൊലീസ്​ 

ദുബൈ: വിമാനത്താവള യാത്രക്കിടെ ഇന്ത്യൻ ദമ്പതികൾ ടാക്​സിയിൽ മറന്നുവെച്ച ​െഎഫോൺ 20 മിനിറ്റുകൊണ്ട്​ വീണ്ടെടുത്തു നൽകി ദുബൈ പൊലീസ്​ വീണ്ടും ‘ജനമൈത്രി’ തെളിയിച്ചു. മധുവിധു ആഘോഷിക്കാനെത്തിയ മുംബൈക്കാരനായ ഗായകൻ മൻമീത്​ സിംഗിനും ഭാര്യ അമർദീപ്​ കൗർ സ്യാനുമാണ്​ പൊലീസി​​​െൻറ കാര്യക്ഷമത അനുഗ്രഹമായത്​. രണ്ടു ദിവസം ദുബൈയിൽ തങ്ങിയ ശേഷം ന്യൂയോർക്ക്​, ടൊറ​േൻറാ, ലണ്ടൻ, പാരിസ്​, ആംസ്​റ്റർഡാം, സ്വിറ്റ്​സർലൻറ്​ എന്നിവിടങ്ങളിൽ കൂടി കറങ്ങി മടങ്ങാനായിരുന്നു ഇവരുടെ പ്ലാൻ. 

ദുബൈ വിമാനത്താവളത്തിൽ ടാക്​സിയിൽ വന്നിറങ്ങിയപ്പോൾ വഴി മധ്യേ വണ്ടിയിൽ ചാർജ്​ ചെയ്യാൻ വെച്ച ​െഎഫോൺ എടുക്കാൻ മറന്നു. പെട്ടികളുമെടുത്ത്​ ടെർമിനലിലെത്തിയ ശേഷമാണ്​ കാര്യം ഒാർമ വരുന്നത്​. ഉടനെ വിമാനത്താവളത്തിലെ അമ്മാർ അൽ സാദി എന്ന പൊലീസുദ്യോഗസ്​ഥനോട്​ വിവരമറിയിച്ചു. 

യാത്ര പുറപ്പെട്ട സ്​ഥലവും മറ്റു കാര്യങ്ങളും ചോദിച്ചറിഞ്ഞ അദ്ദേഹമുടനെ വിവരങ്ങളെല്ലാം റോഡ്​ ഗതാഗത അതോറിറ്റിക്ക്​ കൈമാറി. ആർ.ടി.എ കൺട്രോൾ റൂമിൽ നിന്ന്​ വിളിച്ചതും കാര്യമറിഞ്ഞ്​ ടാക്​സി ​ൈ​ഡ്രവർ ഫോൺ വിമാനത്താവളത്തിലേക്ക്​ എത്തിക്കുകയുമായിരുന്നു.  പൊലീസി​​​െൻറ ഇൗ ഉത്തരവാദിത്വബോധവും ജന സേവന തൽപരതയും കൊണ്ടു മാത്രമാണ്​ ഫോൺ തിരിച്ചു കിട്ടിയതും യാത്ര മുടങ്ങാതിരുന്നതുമെന്നും പറഞ്ഞ മൻമീത്​ ഇക്കാര്യമെല്ലാം വിശദീകരിച്ചും പൊലീസ്​ ഉദ്യോഗസ്​ഥരെ അഭിനന്ദനം കൊണ്ട്​ മൂടിയും സാമൂഹിക മാധ്യമങ്ങളിൽ ​േപാസ്​റ്റുകളുമിട്ടു.