കരിമ്പൂച്ചകളല്ല, ഇവർ പായും പുലികൾ

ദുബൈ: ദുബൈയിൽ സുപ്രധാന പദവികൾ വഹിക്കുന്ന വനിതകളെ സംരക്ഷിക്കുന്നത്​ ആരെന്ന്​ അറിയാമോ. പുരുഷൻമാരെ വെല്ലുന്നത്ര അഭ്യാസികളായ ഒരു സംഘം വനിതാ ബ്ലാക്​ ക്യാറ്റ്​ കമാൻഡോകൾ. നിശബ്​ദ സേവനത്തി​െ​ൻറ കാൽ നൂറ്റാണ്ട്​ പൂർത്തിയാക്കാൻ ഒരുങ്ങുകയാണവർ. 1994 ലാണ്​ ദുബൈ പൊലീസിന് കീഴിയില്‍ വനിതാ വിഐപി സുരക്ഷാവിഭാഗം  ആരംഭിച്ചത്​.

വനിതാ വി.​െഎ.പികളുടെ സുരക്ഷാ ചുമതല ഏൽപ്പിച്ചിരിക്കുന്ന ഇതിലെ അംഗങ്ങള്‍ക്ക്​ ഏത് സാഹചര്യവും നേരിടാന്‍ കെൽപ്പുണ്ട്​. 18 അടവും പഠിച്ച ഇവർക്ക്​ സകല ആയോധന കലകളും വശമുണ്ട്​. ഷാര്‍പ്പ് ഷൂട്ടര്‍മാരും മോട്ടോര്‍ബൈക്ക് അഭ്യാസത്തില്‍ നിപുണകളുമാണിവർ. ഭരണാധികാരികളുടെയും ശൈഖുമാരുടെയും ഭാര്യമാര്‍ ഇവരുടെ സുരക്ഷാവലയത്തിലായിരിക്കും. കാറുകളിലും ബൈക്കുകളിലും അത്യാധുനിക ആയുധങ്ങളുമേന്തിയാണ്​ ഇവർ കാവൽ നിൽക്കുന്നത്​.യു.എ.ഇക്ക് അകത്ത് മാത്രമല്ല വനിതാ വി.ഐ.പികളുടെ വിദേശയാത്രകളിലും ഈ കറമ്പി പൂച്ചകള്‍ ചുറ്റുമുണ്ടാകും. 

കായികക്ഷമത ഉറപ്പാക്കാന്‍ എല്ലാ ആഴ്ചയും കമാന്‍ഡോകള്‍ കഠിനമായ പരിശീലന ക്ലാസുകള്‍ക്കും അഭ്യാസമുറകള്‍ക്കുമായി ഹാജരാകണം. അടിക്കടി മോക്ക് ഡ്രില്ലുമുണ്ടാകും. ഏറെ ഇഷ്​ടപ്പെട്ടാണ്​ ഇൗ ജോലിക്ക്​ വന്നതെന്ന്​ വനിതാ കമാന്‍ഡോ ഫാത്തിമ സെയ്ദ് അല്‍മറി പറയുന്നു.ചെറുപ്പം മുതൽ ബ്ലാക്​ ക്യാറ്റ്​ സ്​ക്വാഡി​​​​​െൻറ ഭാഗമാകാൻ ആഗ്രഹിച്ചിരുന്നു. പരിശീലനമടക്കം ജോലിയുടെ എല്ലാ തലങ്ങളും ആസ്വദിക്കുന്നുണ്ടെന്നും അവർ പറഞ്ഞു. ശാരീരിക പരിശീലനത്തിന്​ പുറമെ മനശാസ്​ത്രപരമായ പരിശീലനവും മാനസിക പിന്തീണയും നൽകിയാണ്​ ഇവരെ വി.​െഎ.പികളുടെ സുരക്ഷക്ക്​ നിയോഗിക്കുന്നത്​.