ദുബൈ ടൂറിസം കുതിക്കുന്നു: ആറു മാസം; 80 ലക്ഷം സന്ദർശകർ

ദുബൈ: ഇൗ വർഷം ആദ്യ ആറുമാസം ദുബൈയിലെത്തിയത്​ 80.06 ലക്ഷം സന്ദർശകർ. കഴിഞ്ഞവർഷം ഇതേകാലയളിലേക്കാൾ 10.6 ശതമാനം അധികവും പുതിയ റെക്കോഡുമാണിതെന്ന്​ ദുബൈ ടൂറിസം പത്രക്കുറിപ്പിൽ അറിയിച്ചു.  ഏറ്റവും കൂടുതൽ സന്ദർശകർ ഇന്ത്യയിൽ നിന്നായിരുന്നു. ചരിത്രത്തിലാദ്യമായി ആറു മാസംകൊണ്ട്​ 10 ലക്ഷം ഇന്ത്യൻ സന്ദർശകരെത്തി. കൃത്യമായി പറഞ്ഞാൽ 10,51,000. കഴിഞ്ഞവർഷം ഇതേ കാലയളവിനേക്കാൾ 21 ശതമാനത്തി​​െൻറ വർധനവ്​. രണ്ടാം സ്​ഥാനത്ത്​ സൗദി അറേബ്യയും മൂന്നാം സ്​ഥാനത്ത്​ ബ്രിട്ടനുമാണ്​.

ചൈന, റഷ്യ പൗരന്മാർക്ക്​​ വിസ ഒാൺ അറൈവൽ സൗകര്യം അനുവദിച്ചതോടെ അവിടെനിന്നുള്ള സന്ദർശകരുടെ എണ്ണത്തിലും വർധനവുണ്ടായി.ജനുവരി മുതൽ ജൂൺ വരെ ചൈനയിൽനിന്ന്​ 4.13 ലക്ഷം സഞ്ചാരികളും  റഷ്യയിൽ നിന്ന്​ 2.33 ലക്ഷം ​േപരും ദുബൈ കാണാൻ എത്തി. സന്ദർശകരുടെ എണ്ണത്തിൽ ആറു ശതമാനം വർധനവോടെ അമേരിക്ക ആറാം സ്​ഥാനത്തും 11 ശതമാനം വർധനവോടെ പാകിസ്​താൻ ഏഴാം സ്​ഥാനത്തും  27ശതമാനം വർധനവോടെ ഇറാൻ എട്ടാം സ്​ഥാനത്തും ആറു ശതമാനം വർധനവോടെ ജർമനി ഒമ്പതാം സ്​ഥാനത്തുമെത്തി.

മേഖലാതലത്തിൽ പരിശോധിച്ചാൽ സന്ദർശകരിൽ 21ശതമാനവും  പശ്​ചിമ യൂറോപ്പിൽ നിന്നുള്ളവരായിരുന്നു. മറ്റു ഗൾഫ്​ രാജ്യങ്ങളിൽനിന്നായിരുന്നു 19 ശതമാനം. ഇന്ത്യ ഉൾപ്പെടുന്ന ദക്ഷിണേഷ്യൻ മേഖലയുടെ പ്രാതിനിധ്യം 18 ശതമാനമാണ്​.ഇക്കഴിഞ്ഞ ജൂണിലെ കണക്കനുസരിച്ച്​ 676 ഹോട്ടലുകളിലായി 1,04,138 ​മുറികളാണ്​ ദുബൈയിലുള്ളത്​.  കഴിഞ്ഞവർഷത്തേക്കാൾ മുറികളുടെ എണ്ണത്തിൽ അഞ്ചു ശതമാനം വർധനവുണ്ടായി. അടിസ്​ഥാന സൗകര്യങ്ങളിലുണ്ടായ വർധനവും സന്ദർശികളെ ആകർഷിക്കാനുള്ള പുതിയ സംരംഭങ്ങളും പൊതു,സ്വകാര്യ മേഖലയുടെ സജീവ പങ്കാളിത്തവുമാണ്​ ഇൗ വർധനക്ക്​ പിന്നിലെന്ന്​ ദുബൈ ടൂറിസം ഡയറക്​ടർ ജനറൽ ഹിലാൽ സഇൗദ്​ അൽമർറി പറഞ്ഞു.  2020 ഒാടെ വർഷം രണ്ടു കോടി സന്ദർശകൾ എന്നതാണ്​ ദുബൈയുടെ ലക്ഷ്യം.