ദു​ബൈ പൊ​ലീ​സ് സു​ര​ക്ഷ​യൊ​രു​ക്കി​യ​ത്​ മൂ​ന്നു​ കോ​ടി യാ​ത്ര​ക്കാ​ർ​ക്ക്​

ദു​ബൈ: ക​ഴി​ഞ്ഞ വ​ർ​ഷം ദു​ബൈ വി​മാ​ന​ത്താ​വ​ളം വ​ഴി സ​ഞ്ച​രി​ച്ച മൂ​ന്നു​ കോ​ടി യാ​ത്ര​ക്കാ​ർ​ക്ക്​ സു​ര​ക്ഷ​യൊ​രു​ക്കി​യ​താ​യി ദു​ബൈ പൊ​ലീ​സ്. 20 ല​ക്ഷം ട​ൺ കാ​ർ​ഗോ​ക്കും സു​ര​ക്ഷ​യൊ​രു​ക്കി​യ​താ​യി പൊ​ലീ​സ്​ അ​റി​യി​ച്ചു. എ​യ​ർ​പോ​ർ​ട്ട്​ സെ​ക്യൂ​രി​റ്റി ജ​ന​റ​ൽ ഡി​പ്പാ​ർ​ട്​​മെ​ന്‍റി​ന്‍റെ വാ​ർ​ഷി​ക റി​പ്പോ​ർ​ട്ടി​ലാ​ണ്​ ഇ​ക്കാ​ര്യം വ്യ​ക്ത​മാ​ക്കു​ന്ന​ത്.

ദു​ബൈ​യി​ൽ​നി​ന്നും തി​രി​ച്ചും യാ​ത്ര ചെ​യ്ത​വ​ർ​ക്കു​ പു​റ​മെ ട്രാ​ൻ​സി​സ്റ്റ്​ യാ​ത്ര​ക്കാ​ർ​ക്കും പൊ​ലീ​സ്​ സു​ര​ക്ഷ​യൊ​രു​ക്കി. 29,110,609 യാ​ത്ര​ക്കാ​ർ​ക്കാ​ണ്​ ഈ ​സേ​വ​നം ല​ഭി​ച്ച​ത്. 2,524,918 ട​ൺ കാ​ർ​ഗോ​ക്കും സു​ര​ക്ഷ ന​ൽ​കി. ദു​ബൈ വി​മാ​ന​ത്താ​വ​ള​ത്തി​ലെ മൂ​ന്നു​ ടെ​ർ​മി​ന​ലി​ലും അ​ൽ​മ​ക്​​തൂം എ​യ​ർ​പോ​ർ​ട്ടി​ലും ല​ഭി​ച്ച പ​രാ​തി​ക​ളെ​ല്ലാം തീ​ർ​പ്പാ​ക്കി. ദു​ബൈ​യെ ഒ​ന്നാം ന​മ്പ​ർ വി​മാ​ന​ത്താ​വ​ള​മാ​ക്കി നി​ല​നി​ർ​ത്തു​ന്ന​തി​ന്​ പൊ​ലീ​സ്​ ന​ൽ​കു​ന്ന സ​ഹാ​യ​ങ്ങ​ളാ​ണ്​ ഈ ​ക​ണ​ക്കു​ക​ൾ വ്യ​ക്ത​മാ​ക്കു​ന്ന​തെ​ന്ന്​ ദു​ബൈ പൊ​ലീ​സ്​ ക​മാ​ൻ​ഡ​ർ ഇ​ൻ ചീ​ഫ്​ ല​ഫ്​​റ്റ​ന​ന്‍റ്​ ജ​ന​റ​ൽ അ​ബ്​​ദു​ല്ല ഖ​ലീ​ഫ അ​ൽ മ​ർ​റി പ​റ​ഞ്ഞു. ഉ​യ​ർ​ന്ന നി​ല​വാ​ര​ത്തി​ലാ​ണ്​ വ​കു​പ്പി​ന്‍റെ പ്ര​വ​ർ​ത്ത​ന​മെ​ന്നും നൂ​ത​ന സാ​​ങ്കേ​തി​ക​വി​ദ്യ​ക​ൾ ഉ​പ​യോ​ഗി​ക്കു​ന്ന​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു.

പൊ​ലീ​സി​ന്‍റെ സ്മാ​ർ​ട്ട്​ സം​വി​ധാ​ന​ങ്ങ​ൾ​ക്ക്​ വ​ൻ സ്വീ​കാ​ര്യ​ത​യാ​ണ്​ ല​ഭി​ക്കു​ന്ന​ത്. ന​ട​പ​ടി​ക്ര​മ​ങ്ങ​ൾ വേ​ഗ​ത്തി​ലാ​ക്കാ​നും സ​മ​യം ലാ​ഭി​ക്കാ​നും ഇ​ത്​ സ​ഹാ​യി​ക്കു​ന്നു.