മ​ക്ക​ൾ​ക്ക്​ ത​ണ​ലൊ​രു​ക്കി പൊ​ലീ​സ്​; ക​ണ്ണു​നി​റ​ഞ്ഞ്​ ന​ന്ദി​യോ​ടെ മാ​താ​വ്​

ദു​ബൈ: ഒ​റ്റ​പ്പെ​ട്ടു​പോ​യ മ​ക്ക​ൾ​ക്ക്​ ത​ണ​ലൊ​രു​ക്കി​യ ദു​ബൈ പൊ​ലീ​സി​ന്‍റെ ന​ട​പ​ടി​യി​ൽ ക​ണ്ണീ​രോ​ടെ ന​ന്ദി പ​റ​ഞ്ഞ്​ ജ​യി​ലി​ൽ ക​ഴി​യു​ന്ന മാ​താ​വ്. ര​ണ്ട്​ മാ​സ​മാ​യി​ താ​മ​സ​സ്ഥ​ല​ത്ത്​ ഒ​റ്റ​പ്പെ​ട്ടു​പോ​യ മ​ക്ക​ൾ​ക്കാ​ണ്​ പൊ​ലീ​സ്​ തു​ണ​യാ​യ​ത്. മ​ക്ക​ളു​മാ​യി വി​ഡി​യോ​കാ​ളി​ൽ സം​സാ​രി​ക്കാ​ൻ അ​വ​സ​ര​മൊ​രു​ക്കി​യ പൊ​ലീ​സ്​ ഇ​വ​രു​ടെ സം​ര​ക്ഷ​ണ​ത്തി​ന്​ ജീ​വ​ന​ക്കാ​രി​യെ​യും നി​യ​മി​ച്ചി​ട്ടു​ണ്ട്. താ​ൻ പ​രി​ച​രി​ച്ച​തി​നേ​ക്കാ​ൾ ന​ന്നാ​യി കു​ട്ടി​ക​ളെ പൊ​ലീ​സ്​ നോ​ക്കു​ന്നു​ണ്ടെ​ന്നും തീ​ർ​ത്താ​ൽ തീ​രാ​ത്ത ക​ട​പ്പാ​ടു​ണ്ടെ​ന്നും മാ​താ​വ്​ വ്യ​ക്​​ത​മാ​ക്കി. ഷാ​ർ​ജ​യി​ലെ ഫ്ലാ​റ്റി​ൽ കു​ടു​ങ്ങി​യ ഒ​മ്പ​ത്, 12, 15 വ​യ​സ്സു​ള്ള മ​ക്ക​ൾ​ക്കാ​ണ്​ പൊ​ലീ​സ്​ സം​ര​ക്ഷ​ണ​മൊ​രു​ക്കി​യ​ത്.

ദു​ബൈ​യി​ൽ വ​ലി​യ ശ​മ്പ​ള​ത്തി​ൽ ജോ​ലി ചെ​യ്​​തി​രു​ന്ന ഈ​ജി​പ്​​ഷ്യ​ൻ വി​ധ​വ​യാ​ണ്​ സാ​മ്പ​ത്തി​ക കേ​സി​ൽ അ​ക​പ്പെ​ട്ട്​ ജ​യി​ലി​ലാ​യ​ത്. നി​യ​മ​സ്ഥാ​പ​ന​ത്തി​ലെ മാ​നേ​ജ​റാ​യി​രു​ന്ന ഇ​വ​ർ 50,000 ദി​ർ​ഹം ശ​മ്പ​ള​ത്തി​ലാ​ണ്​ ജോ​ലി​ക്ക്​ ക​യ​റി​യ​ത്. എ​ന്നാ​ൽ, ആ​ദ്യ മാ​സ​ങ്ങ​ളി​ൽ മാ​ത്ര​മാ​ണ്​ കൃ​ത്യ​മാ​യ ശ​മ്പ​ളം ല​ഭി​ച്ച​ത്. അ​വ​സാ​ന നാ​ളു​ക​ളി​ൽ 2000 ദി​ർ​ഹം മാ​ത്ര​മാ​ണ്​ ല​ഭി​ച്ചി​രു​ന്ന​ത്. ഇ​തി​ന്​ പി​ന്നാ​ലെ ജോ​ലി ന​ഷ്ട​മാ​യെ​ങ്കി​ലും ആ​നു​കൂ​ല്യ​ങ്ങ​ളൊ​ന്നും ല​ഭി​ച്ചി​ല്ല. ഇ​തോ​ടെ വാ​ട​ക കൊ​ടു​ക്കാ​ൻ​പോ​ലും പ​ണം ഇ​ല്ലാ​തെ വ​ന്ന​തോ​ടെ താ​മ​സ​സ്ഥ​ല​ത്തു​​നി​ന്ന്​ പു​റ​ത്താ​ക്കി. ശ​മ്പ​ള വി​ഷ​യ​ത്തി​ൽ തൊ​ഴി​ലു​ട​മ​യു​മാ​യു​ണ്ടാ​യ പ്ര​ശ്ന​ത്തെ തു​ട​ർ​ന്ന്​ ഇ​വ​രെ അ​റ​സ്റ്റ്​ ചെ​യ്​​തു. ദി​വ​സ​ങ്ങ​ൾ​ക്കു​ള്ളി​ൽ മോ​ചി​പ്പി​ക്കു​മെ​ന്നാ​യി​രു​ന്നു പ്ര​തീ​ക്ഷ. അ​തി​നാ​ൽ, കു​ട്ടി​ക​ളെ ഷാ​ർ​ജ​യി​ലെ പു​തി​യ താ​മ​സ​സ്ഥ​ല​ത്താ​ക്കി​യാ​ണ്​ ഇ​വ​ർ പോ​യ​ത്. കു​ട്ടി​ക​ളു​ടെ കാ​ര്യം പൊ​ലീ​സി​നോ​ട്​ പ​റ​ഞ്ഞ​തു​മി​ല്ല. എ​ന്നാ​ൽ, ക​ട​ബാ​ധ്യ​ത​യു​മാ​യി ബ​ന്ധ​പ്പെ​ട്ട കേ​സു​ള്ള​തി​നാ​ൽ യു​വ​തി​യു​ടെ ജ​യി​ൽ​മോ​ച​നം വൈ​കി. അ​വീ​റി​ലെ സെ​ൻ​ട്ര​ൽ ജ​യി​ലി​ലേ​ക്ക്​ മാ​റ്റി. വൈ​ദ്യു​തി​യും വെ​ള്ള​വും പോ​ലും ഇ​ല്ലാ​ത്ത അ​വ​സ്ഥ​യി​ലാ​യി​രു​ന്നു കു​ട്ടി​ക​ളു​ടെ താ​മ​സം.

സു​ഹൃ​ത്തു​ക്ക​ളു​ടെ സ​ഹാ​യ​ത്തി​ലും താ​ഴെ​യു​ള്ള റ​സ്റ്റാ​റ​ന്‍റി​ലു​മാ​യി​രു​ന്നു ഭ​ക്ഷ​ണം. റ​സ്റ്റാ​റ​ന്‍റി​ലെ​ത്തി​യാ​യി​രു​ന്നു പ്രാ​ഥ​മി​ക കൃ​ത്യ​ങ്ങ​ൾ നി​ർ​വ​ഹി​ച്ചി​രു​ന്ന​ത്. സു​ഹൃ​ത്തു​ക്ക​ൾ വ​ഴി​യാ​ണ്​ കു​ട്ടി​ക​ളു​ടെ വി​വ​ര​ങ്ങ​ൾ യു​വ​തി അ​റി​ഞ്ഞി​രു​ന്ന​ത്. പൊ​ലീ​സ്​ അ​റി​ഞ്ഞാ​ൽ കു​ട്ടി​ക​ളെ ചൈ​ൽ​ഡ്​ ഹോ​മി​ലാ​ക്കു​മെ​ന്നും ഇ​തു​വ​ഴി അ​വ​ർ വേ​ർ​പി​രി​യു​മെ​ന്നും ഭ​യ​ന്നാ​ണ്​ പൊ​ലീ​സി​ൽ​നി​ന്ന്​ മ​റ​ച്ചു​വെ​ച്ച​ത്. എ​ന്നാ​ൽ, ജ​യി​ൽ മോ​ച​നം വൈ​കി​യ​തോ​ടെ ​മ​ക്ക​ളു​ടെ വി​വ​രം പൊ​ലീ​സി​നെ അ​റി​യി​ച്ചു. കു​ട്ടി​ക​ളെ വേ​ർ​പി​രി​ക്ക​രു​തെ​ന്ന്​ മാ​ത്ര​മാ​യി​രു​ന്നു ഇ​വ​രു​ടെ അ​ഭ്യ​ർ​ഥ​ന.

ഇ​തോ​ടെ പൊ​ലീ​സ്​ ഷാ​ർ​ജ ചൈ​ൽ​ഡ്​ ആ​ൻ​ഡ്​ ​പ്രൊ​ട്ട​ക്ഷ​ൻ സെ​ന്‍റ​ർ അ​ധി​കൃ​ത​രു​മാ​യി ബ​ന്ധ​പ്പെ​ട്ടു. മാ​താ​വ്​ പു​റ​ത്തി​റ​ങ്ങു​ന്ന​ത്​ വ​രെ കു​ട്ടി​ക​ളു​ടെ സം​ര​ക്ഷ​ണ​ത്തി​നാ​യി ദു​ബൈ പൊ​ലീ​സി​ലെ വ​നി​ത ജീ​വ​ന​ക്കാ​രി​യെ നി​യ​മി​ക്കാ​നും നി​ർ​ദേ​ശി​ക്കു​ക​യാ​യി​രു​ന്നു. പൊ​ലീ​സി​ന്‍റെ മാ​നു​ഷ്യാ​വ​കാ​ശ സം​ര​ക്ഷ​ണ വി​ഭാ​ഗം ഇ​വ​രു​ടെ വാ​ട​ക കു​ടി​ശ്ശി​ക തീ​ർ​ക്കു​ക​യും ബി​ല്ലു​ക​ൾ അ​ട​ക്കു​ക​യും ചെ​യ്തു. ഇ​തി​നു​​പു​റ​മെ കു​ട്ടി​ക​ൾ​ക്ക്​ മാ​സ​ത്തി​ൽ നി​ശ്ചി​ത സം​ഖ്യ സ​ഹാ​യം ന​ൽ​കാ​നും തീ​രു​മാ​നി​ച്ചു. വി​ഡി​യോ കോ​ൺ​ഫ​റ​ൻ​സി​ലൂ​ടെ ഇ​വ​ർ​ക്ക്​ കു​ട്ടി​ക​ളെ ദി​വ​സ​വും കാ​ണാ​ൻ അ​വ​സ​ര​മൊ​രു​ക്കു​ന്നു​ണ്ടെ​ന്ന്​ ദു​ബൈ പൊ​ലീ​സ്​ പ്യൂ​നി​റ്റി​വ്​ ആ​ൻ​ഡ്​ ക​റ​ക്ഷ​ന​ൽ ജ​ന​റ​ൽ ഡി​പ്പാ​ർ​ട്​​മെ​ന്‍റ്​ ഡ​യ​റ​ക്ട​ർ ബ്രി​ഗേ​ഡി​യ​ർ മ​ർ​വാ​ൻ ജു​ൽ​ഫാ​ർ പ​റ​ഞ്ഞു. ത​ട​വു​കാ​ർ​ക്ക്​ സ​ഹാ​യം എ​ത്തി​ക്കാ​ൻ ശ്ര​മി​ക്കു​മെ​ന്നും ദു​ർ​ഘ​ട ദി​ന​ങ്ങ​ളെ മ​റി​ക​ട​ക്കാ​നും ജീ​വി​ത​ത്തി​ലേ​ക്ക്​ തി​രി​ച്ചു​വ​രാ​നും ഇ​ത്​ ഉ​പ​ക​രി​ക്കു​മെ​ന്നും ദു​ബൈ സെ​ൻ​ട്ര​ൽ ജ​യി​ലി​ലെ വ​നി​ത ജ​യി​ൽ ഡ​യ​റ​ക്ട​ർ ജ​മീ​ല അ​ൽ സാ​ബി പ​റ​ഞ്ഞു.